2 Korin 8:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Kabiyasahan jama, bong sila nulung, ngkod takaya-kaya da sadjaꞌ. Boꞌ ninsila, baan ta kam banahan, san sila sigpit, pinagtuyuan gi meꞌ da. Tud basag banahan kainagon da nulung

2 Korin 8:3 ပူးပေါင်းရင်းမြစ်များ

Malkus 14:8

Tuwaꞌ na du situ siꞌ danda tuu bay numpahan baran ku insallan hamut batan sibuꞌ na du ya ka bay manyapan baran ku duhuꞌ para ni llaw ku kinubu.

Salsila siga Rasul 11:29

Dari sabap luu na takka gotom looy siꞌ, kuwan sagannap ma mmeꞌ ni si Isa ndooy ni Antiyok, lay isun mokon sīn ngkod ma takaya da pa mman pagkahi da sukuꞌ si Isa ndooy ni Yahudiya.

Suwat si Pol pa mman Baanan Sukuꞌ si Isa ndooy ni Rom 10:2

Sila ina, katoonan ku du baw magtuyuꞌ sila matangge awon Tuhan, sugaꞌ pangahati da pasal meꞌ nulut kahandak Tuhan yaꞌ tuwaꞌ.

1 Korin 16:2

Ahad-ahad subay kam saliꞌ-saliꞌ ngannaꞌ sīn gantaꞌ tawop ka usaha bi. Boꞌ nnaun bi jaꞌ supaya pag takka ku pilu, san ku yaꞌ na maku mman bi sabap ndang sakap na tulung bi.

1 Korin 9:17

Na bong itu ku masaplag ni gasad bayaꞌ ku, malaingkan luu tungbas man Tuhan niyaku. Sugaꞌ bong itu saꞌ ni gasad bayaꞌ ku, talpaksaꞌ du ku masi masaplag sabap inaa pabuwatan bay hinalap meꞌ Tuhan niyaku.

Galatiya 4:15

Tud bay gāk kam niyaku. Sugaꞌ pag batnaa sarī na la meꞌ bi ka aku. Maruhuꞌ jaman ku nnaa mman bi, bong siꞌ luu bay paku ku ningkaam, sarunduun du kam muwan. Kumpas ku, san gi mata bi, bong bay paku ku, atas bi nguwiriꞌ boꞌ ndean aku.

Pilipi 2:13

Yaꞌ sina luu danan na saꞌ takaya bi batan luu na pin Tuhan muwanan kaam dawom ka gaos buwat mimon ma kasulut niiya.

Kolossa 4:13

Bong inawnan si Epapras, aku na mismu kabāꞌ bong pooy basag tuyuꞌ na ningkaam ka ni siga danganakan tabi ndooy ni Leyodisiya ka Hirapolis.

1 Tesaloneka 2:8

Tandaꞌ ehe aseꞌ kami ningkaam, sarī man umanat mahap man Tuhan bay pasampay kami ningkaam, lay gi du atas kami narapan umu kami kalnaꞌ kaam. Tud maaseꞌ kami ningkaam.

Pilimun 1:14

Sugaꞌ yaꞌ baw tu siꞌ ku bay doman nohoꞌ iya tamban ntuu bong ko yaꞌ bay matugut. Bong ko doman nabangan aku subay ni kaayad nu maggasad bayaꞌ nulung. Daa jaꞌ paglogosan.

1 Pitel 4:11

Sawpama lay kam kaladjikian kapandoyan magnasihat, subay kam magnasihat du. Sugaꞌ subay kabanahan jaꞌ pōꞌ man behe bi meꞌ saparati Tuhan mismu mitsala. Maka kaam ma luu kapandoyan bi sarī, subay pakoyun bi man nabangan jama. Maka ingatun bi, mimon anggawtaꞌ man bi nabang lakka man Tuhan. Meꞌ naa ina, man tabang si Isa Almasi, mimon pabuwat bi kaboo kabantugan pa Tuhan. Pudji tabi ya sabap tud tawop ya magbayaꞌ saumu-umu! Amin.

1 Pitel 5:2

basta ayaran bi banahan siga sukuꞌ Tuhan ma njawman bi. Ipatun bi sila paayad meꞌ karuha baanan bili-bili inayaran meꞌ tukang ngipat sila. Daa kam magmaksud ngayaran sila supaya meka sīn takoleꞌ bi atawa man sabapan bay jaꞌ kam llogos. Meꞌ bi ngayaran sila, subay man gasad bayaꞌ bi ni kagāk bi saltaꞌ na ni katagi bi nulut kahandak Tuhan.