2 Korin 8:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Sarī man si Taytus, luu gi situ sohoꞌ kami mmeꞌ niiya disu danganakan tabi. Iya itu sinanglitan meꞌ mimon baanan sukuꞌ si Isa sabap meꞌ na tiggo masaplag umanat mahap.

2 Korin 8:18 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 16:4

Bay sina sila pingkaꞌ narapan umu da kalnaꞌ aku. Tud mehe meꞌ ku magsuku ninsila. Sampay mimon baanan sukuꞌ si Isa ni kalahat-lahatan siga bangsa ma saꞌ Yahudi magsuku du ninsila.

1 Korin 16:3

Bong ina ku mintu luu na nnaa, kuwan sagannap ma peneꞌ bi masampay tulung bi pilay pa Jerusalem, buwanan ku sa sila suwat man makila sila ni siga danganakan tabi ndooy.

1 Korin 4:17

Dari supaya luu suntuan man bi ngakig aku, sohoꞌ ku sa pilu si Timuti gantiꞌ ku. Iya itu meꞌ anak ku na du, disu kakasi ku ma magkanaalla mean kahandak Papuꞌ. Iya sa maintoman kaam bong pooy kawul-piil ku njawman si Isa Almasi mari taakig bi. Batan kawul-piil ku itu magbēꞌ ka mimon ma pinagtōꞌ meꞌ ku ni siga baanan sukuꞌ si Isa nnoy-nnoy jaꞌ lahat.

1 Korin 7:17

Na oy-oy kaadaan bi jaman bi bay lliyun meꞌ Tuhan binuwat sukuꞌ na, san daa na halinun bi. Inaa ina yana aturan ma pinagtōꞌ meꞌ ku ni mimon baanan sukuꞌ si Isa.

2 Korin 12:18

Tasiguru ku, bong ilay ga si Taytus ka danganakan tabi ilooy disu ma bay sohoꞌ ku pilu mmeꞌ niiya, basta yaꞌ baw luu bay pabuwat da gantaꞌ man da mangan hāk bi. Ndang katoonan bi du bong inawnan si Taytus ka aku, sibuꞌ-sibuꞌ du arat kami maka saliꞌ-saliꞌ du kami mean kahandak Rū Sutsiꞌ.

2 Korin 2:12

Na ni bay palanan ku masampay umanat mahap pasal Almasi, lay ku bay nakka Troas. Ndooy siꞌ, lay na ku binuwanan lawang meꞌ Tuhan masaplag.

2 Korin 8:19

Lay gi situ ya pineneꞌ meꞌ siga baanan sukuꞌ si Isa nohoꞌ mmeꞌ ningkami pag mintu taabut kami masampay tulung tabi pa Jerusalem. Kamura-murahan pinudji du mintu awon Papuꞌ sabapan tulung looy. Maka kamura-murahan tabista du meꞌ siga danganakan tabi ndooy ehe kainagon tabi nulung sila.