2 Korin 8:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Batan magti ya bay ngohoꞌ pag tilaw kami bong ya kuhi pilu pa mman bi. San kami yaꞌ gi bay nohoꞌ iya, ndang basag na du kainagon na ngandaꞌ-ngandaꞌ kaam pabalik.

2 Korin 8:17 ပူးပေါင်းရင်းမြစ်များ

2 Korin 12:18

Tasiguru ku, bong ilay ga si Taytus ka danganakan tabi ilooy disu ma bay sohoꞌ ku pilu mmeꞌ niiya, basta yaꞌ baw luu bay pabuwat da gantaꞌ man da mangan hāk bi. Ndang katoonan bi du bong inawnan si Taytus ka aku, sibuꞌ-sibuꞌ du arat kami maka saliꞌ-saliꞌ du kami mean kahandak Rū Sutsiꞌ.

2 Korin 8:10

Ni kapasal garaꞌ bi nulung, saꞌ ba, ni taun tuu ma bay pingkaꞌ, ndang kaam bay duhuꞌ man mimon pagkahi bi magkainagon nulung? Boꞌ lay na ga kam nagnaꞌ ngumpo sīn. Dari pagka meꞌ naa,

2 Korin 8:6

Dari pag ndaꞌ kami meꞌ looy, honaꞌ-honaꞌ kami, subay sohoꞌ kami si Taytus pabeleng pa mman bi nnaa ni Korin. Subay ya nabangan kaam majatu bay bbuwatan bi ngumpo sīn kalnaꞌ pagkahi tabi ndooy ni Yahudiya. Ndang-ndang iya du bay soheꞌ bi bagaraꞌ nulung jaman bi bohoꞌ bay kalangga piki mokon sīn.

2 Korin 8:8

Sugaꞌ san ku tu siꞌ bay mitsala meꞌ tuu, yaꞌ du ku tu ngalogos kaam. Arapun doman jaꞌ ku toon bong kam bana-bana du maaseꞌ ni pagkahi bi. Inaa sina kon ku bay nabbut pasal pagkahi bi ntuu ni Masidunya magkainagon nulung, kawu-kawu kam ngakig sila.

Hibrani 13:22

Siga danganakan, junjung ku na ningkaam, daa kam jamu pakale ni bay palbiatan ku njawom suwat tuu siꞌ. Ndang-ndang, yaꞌ du situ tahaꞌ kalanduꞌ.