2 Korin 8:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Ni kapasal garaꞌ bi nulung, saꞌ ba, ni taun tuu ma bay pingkaꞌ, ndang kaam bay duhuꞌ man mimon pagkahi bi magkainagon nulung? Boꞌ lay na ga kam nagnaꞌ ngumpo sīn. Dari pagka meꞌ naa,

2 Korin 8:10 ပူးပေါင်းရင်းမြစ်များ

Matiyu 10:42

Maka soysoy ina muwan san lasa disu sawan boheꞌ ni mulit ku, san du pooy diyoꞌ mulit ku ni bandingan manusiyaꞌ, basta tinungbasan jaꞌ sina ya leꞌ Tuhan.”

Yahiya 11:50

Yaꞌ tabista bi gam na disu jama matoy gantiꞌ sikamimon man labbasakayi bangsa tabi lungay man taꞌ babaw junyaꞌ.”

Yahiya 16:7

Sugaꞌ baan ta kam banahan, aku tu palakka, pa kaayaran du sina ningkaam. Batan pag lakka ku mantuu, sohoꞌ ku sa Tukang Nabang pa mman bi. Sugaꞌ bong itu ku yaꞌ lakka, yaꞌ du ya pitu.

Yahiya 18:14

Maka iya na silay ilooy ma bay halling ni siga pa-mmean Yahudi, gam na disu jama jaꞌ matoy gantiꞌ sikamimon.

1 Korin 10:23

Sugaꞌ sambat kasohean, “Pagka sukuꞌ Almasi na kitabi, sumunsayaꞌ na situ kitabi buwat oy-oy karomanan tabi.” Bana du baw silay, sugaꞌ saꞌ baw lay mimon pabuwatan kasampulnaꞌ ningkitabi.

1 Korin 16:2

Ahad-ahad subay kam saliꞌ-saliꞌ ngannaꞌ sīn gantaꞌ tawop ka usaha bi. Boꞌ nnaun bi jaꞌ supaya pag takka ku pilu, san ku yaꞌ na maku mman bi sabap ndang sakap na tulung bi.

1 Korin 6:12

Na baꞌ-bāꞌ kasohean, “Pagka njawman sakup Almasi na kitabi, maka saꞌ na kitabi njawman sakup saraꞌ agama, sumunsayaꞌ na kitabi buwat oy-oy karomanan tabi.” Sugaꞌ bong aku, san ku sumunsayaꞌ na njawman Almasi, bong baw pabuwatan gantaꞌ yaꞌ katabang man ku lungbid ka Tuhan, basta ilagan ku baw. Atawa bong pabuwatan gantaꞌ man ku takawum meꞌ napsu ku, malaingkan basta yaꞌ du pabuwat ku.

1 Korin 7:25

Na pasal kaam ma yaꞌ gi llahan atawa ndahan, luu du situ palbiatan ku ningkaam. Sugaꞌ saꞌ baw tu ga panohoan lakka man Papuꞌ mismu, arapun ituu tu yana palbiatan pamuwan ku ningkaam meꞌ aku disu jama kanaalla ni Papuꞌ sabapan aseꞌ na niyaku.

1 Korin 7:40

Sugaꞌ kumpas ku, mas mahap niiya bong siꞌ yaꞌ na ya halla pabalik. Na palbiatan ku itu siꞌ, manganna ku lakka man Rū Tuhan.

2 Korin 12:1

Na inawnan magpabantug, san katoonan ku yaꞌ luu pūs na, gam pin talpaksaꞌ darahan ku gi sabapan bi. Sangkon tuntutan ta doꞌ kam siga pakaradjaan bay pinalahil meꞌ Papuꞌ niyaku

2 Korin 8:6

Dari pag ndaꞌ kami meꞌ looy, honaꞌ-honaꞌ kami, subay sohoꞌ kami si Taytus pabeleng pa mman bi nnaa ni Korin. Subay ya nabangan kaam majatu bay bbuwatan bi ngumpo sīn kalnaꞌ pagkahi tabi ndooy ni Yahudiya. Ndang-ndang iya du bay soheꞌ bi bagaraꞌ nulung jaman bi bohoꞌ bay kalangga piki mokon sīn.

2 Korin 8:8

Sugaꞌ san ku tu siꞌ bay mitsala meꞌ tuu, yaꞌ du ku tu ngalogos kaam. Arapun doman jaꞌ ku toon bong kam bana-bana du maaseꞌ ni pagkahi bi. Inaa sina kon ku bay nabbut pasal pagkahi bi ntuu ni Masidunya magkainagon nulung, kawu-kawu kam ngakig sila.

2 Korin 9:2

Batan katoonan ku du ndang mehe kainagon bi nulung. Boꞌ lay gi kam sinanglitan meꞌ ku ni siga danganakan tabi ntuu ni Masidunya. Yuk ku ninsila, kaam nnaa ni Akaya, bay taun tee lagi ma bay pingkaꞌ, ndang sakap na kam nulung. Pag taaka da meꞌ looy, adak mimon na du sila magkainagon mmeꞌ nulung.

Pilipi 4:17

Na aku tu nabbut meꞌ looy siꞌ, daa kam mista ga luu gi puhung ku nohoꞌ tinulung pabalik. Arapun iya puhung ku, kamura-murahan magsasōng na pin meꞌ bi sinupaatan meꞌ Tuhan sabapan kainagon bi nulung jama.

Hibrani 13:16

Maka daa na layam-layam tabi meꞌ tabi buwat mahap ni jama sampay meꞌ tabi nulung sagannap ma sigpit. Batan meꞌ naa ina, sibuꞌ du kitabi ka bay nongan jakat ma kasulut ni Tuhan.