2 Korin 7:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Sarī man katakka si Taytus, lay gi pasampun kagakan kami pag lay jaꞌ kami tabaan na pasal meꞌ bi bay magāk atay na. Lay gi kami tuntutan na ehe kainagon bi sitammu ka aku pabalik. Maka biddaꞌ na konoꞌ bay sasso bi pag lay jaꞌ batsa bi bay suwat ku nahawi kaam. Maka lay gi ku tuntutan na tud lay du kam konoꞌ bana ngasip ni panohoan ku.

2 Korin 7:7 ပူးပေါင်းရင်းမြစ်များ

Matiyu 26:75

sampay taintom si Pitel na bay tunaꞌ si Isa, ilooy ma yuk na, “Yaꞌ gi san ina mintu bay tingkauk manuk, ndang min tallu na ko bay maylu bahasa yaꞌ ku takila nu.” Pag-anu, lay magti pōꞌ si Pitel man jawom haman looy sampay tud bay ya nangis banahan ni kasasso na.

Matiyu 5:4

Njawom supaat sina sagannap ma magkasusahan ni bay dusa da batan pinagamgaman du sina sila meꞌ Tuhan.

Lukas 22:44

San baw meꞌ looy, amu-amu ya maku na pin duwaa sabap meꞌ lassa hansu na atay na. Ni kaehe susa atay na, nongot na ga ya sampay ngattap na ga taꞌ tanaꞌ subay ga kattap lahaꞌ pinaduwai.

Salsila siga Rasul 11:23

Si Balnabas siꞌ tu jama mahap maka sukup pangando. Boꞌ na, ssob na ya meꞌ Rū Sutsiꞌ. Pag takka na pilay, tud bay gāk ya batan ni lilingan na luu na pin supaat Tuhan ni jataꞌ siga sukuꞌ si Isa ndooy. Dari lay ya muwansangan sila nohoꞌ magkanaalla ngisbat Papuꞌ ni mimon hilas atay da. Labba mandooy, tud bay meka na jama pasampun mmeꞌ ni Papuꞌ Isa ni daira looy.

Suwat si Pol pa mman Baanan Sukuꞌ si Isa ndooy ni Rom 1:12

Maka kainagon ku sikagāk-kagāk kitabi pag ndaꞌ tabi saliꞌ-saliꞌ takkoꞌ pangando tabi.

1 Korin 5:2

Boꞌ kaam baw nnaa, sannang jaꞌ kam ngabbu saula-ula kanaalla kam buwat kaintongan. Subay siꞌ gam pin magkasusahan kam. Maka subay siꞌ bay pinōꞌ meꞌ bi lalla looy man baanan bi.

2 Korin 1:4

Iya ina tukang magamgaman atay tabi tuktuk luu kasusahan tabi supaya kitabi na baw pandoy magamgaman siga pagkahi tabi ma njawom kasusahan. Dari pamiki ayad ma takoleꞌ tabi man Tuhan, man tabi na baw magamgaman jama.

2 Korin 2:9

Aku ilay bay nuwatan kaam maruhuꞌ pasal lalla looy man ku jaꞌ mindoga bong kam bana-bana du mmeꞌ ni kallong ku atawa niyaꞌ. Kahapan lay du kam mmeꞌ.

2 Korin 5:2

Batnaa tu, dari ko ngawon, ngandahing na kitabi ni kaehe kainagon tabi koleꞌ lumaꞌ looy. Awnan ku ilay siꞌ yana baran bahau man sulgaꞌ.

2 Korin 7:6

Kahapan lay du bay pinagamgaman atay kami meꞌ ilooy ma tukang magamgaman atay manusiyaꞌ, yana Tuhan, sabap meꞌ na bay mapitu si Taytus pa mman kami.

2 Korin 7:8

Ni kapasal bay suwat ku ningkaam, tud bay sasso du silay ku sabap tabista ku kasusahan ningkaam pag lay jaꞌ tabatsa bi. Sugaꞌ pag lay jaꞌ ku kabaan tud lay du kam ngasip, kagamgaman na du ku. Njawom atay ku, san kam bay susa samantalaꞌ, tuwaꞌ na du ku bay nuwat batan lay du bay pa kaayaran ningkaam.

2 Korin 8:16

Magsuku kami pa Tuhan batan lay ya muwanan si Taytus kainagon ngayaran kaam meꞌ karuha ningkami du.

Pilipi 1:20

Kainagon ku yaꞌ luu oy maka oy na pabuwat ku man ku iyaꞌ ni awpan Tuhan. Kamura-murahan batnaa, meꞌ maruhuꞌ na pin, yaꞌ maglumba tawakka ku masaplag umanat mahap. Batan kaallum-kapatoy ku itu, kainagon ku pinaehe Almasi sabapan ku.

Kolossa 2:5

San ku yaꞌ luu nnaa, tattap kam njawom atay ku. Maka kaam ina kagakan mehe niyaku sabap magtaayun pamiki bi maka takkoꞌ na pangando bi ni Almasi.

1 Tesaloneka 3:6

Pag batnaa, yaꞌ na luu kagampangan ku sabap bahau jaꞌ si Timuti bay takka moo habal mahap pasal kaam. Bāꞌ na, masi hallot pangando bi, maka masi kam basag sikaaseꞌ-kaaseꞌ. Maka bāꞌ na, tud gāk kam tuktuk kami tapanambung bi. Maka yuk na, meꞌ kami na du kam konoꞌ wā maglogtoꞌ doman sitammu ka kami pabalik.

1 Tesaloneka 3:8

Dari ko ngawon, lassa sulig dahakka na ga kami pag lay jaꞌ katoonan kami yaꞌ bay kuhi maglumba pangando bi ni Papuꞌ Isa.

Hibrani 2:1

Na pagka meꞌ looy na ehe hagaꞌ Anak Tuhan, subay kanna tabi umanat na, taggahaꞌ lay na baw mintu kitabi patā man kabanahan.

Yaꞌkub 5:17

Pamintangan bi na bay jaman Nabi Eliyas. Iya ilay meꞌ kitabi du manusiyaꞌ sadjaꞌ. Ni kaintong na, jaman na bay maku duwaa pa Tuhan yaꞌ nohoꞌ uwan, yaꞌ du bay uwan lahat njawom tallun taun ka nnom buwan.

2 Yahiya 1:4

Tud bay gāk ku sitammu ka kasohean anak nu batan ndaꞌ ku mmeꞌ du sila ni kabanahan ma bay sohoꞌ Mmaꞌ tabi Tuhan ningkitabi.

Suwat Lakka man si Jūd 1:3

Siga kakasi ku, sibuwa ilay, tud doman ku nuwat ningkaam pasal kasalamatan ma lay na takoleꞌ tabi saliꞌ-saliꞌ. Sugaꞌ bistahan ku gam na ku nuwat nohoꞌ kaam ngandapitan siga tōꞌ ayad ma kinapitsayaan meꞌ tabi. Batan siga tōꞌ naa ina, si Isa mismu bay masampay ni siga sukuꞌ na. Boꞌ saumu na sina yaꞌ na baluba samasakali.