2 Korin 7:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Kahapan lay du bay pinagamgaman atay kami meꞌ ilooy ma tukang magamgaman atay manusiyaꞌ, yana Tuhan, sabap meꞌ na bay mapitu si Taytus pa mman kami.

2 Korin 7:6 ပူးပေါင်းရင်းမြစ်များ

Matiyu 5:4

Njawom supaat sina sagannap ma magkasusahan ni bay dusa da batan pinagamgaman du sina sila meꞌ Tuhan.

Yahiya 14:16

San ku itu palakka, pakuhan ta sa kam man Mmaꞌ ku disu Tukang Nabang, gantiꞌ ku, nohoꞌ pinapitu. Iya ina mintu tattap dambuwaꞌ ka kaam saumu.

Suwat si Pol pa mman Baanan Sukuꞌ si Isa ndooy ni Rom 15:5

Tuhan ina yana poonan gaos tabi maka tukang mataggu iman tabi supaya kitabi natas njawom kasusahan. Kamura-murahan tinabangan du kam meꞌ na supaya kam dambuwaꞌ pamiki njawom kasalassayan sasang bi ngikut siga tōꞌ si Isa Almasi.

2 Korin 7:13

Dari pagka lay na halin kadarihan bi, mehe meꞌ kami kagamgaman pasal kaam. Ilooy gi man magsasōng kagakan kami, pag ndaꞌ kami tud bay gāk si Taytus sabapan bi. Batan lay konoꞌ lungay susa atay na pag ndaꞌ na mahap meꞌ bi bay ngahasi suwat looy.

2 Korin 7:14

Boꞌ ndang lay na silay kam pinag-abbu meꞌ ku ni si Taytus halloman na yaꞌ gi bay pilu pa mman bi. Kahapan yaꞌ du ku bay parapatan bi, batan lay na du tasakup meꞌ si Taytus ayad kawul-piil bi nnaa. Dari yana meꞌ mimon tōꞌ kami ningkaam bana sadjaꞌ, damikiyan, tumatandaꞌ na du ni si Taytus bana du bay sanglit ku pasal kaam.

2 Korin 7:7

Sarī man katakka si Taytus, lay gi pasampun kagakan kami pag lay jaꞌ kami tabaan na pasal meꞌ bi bay magāk atay na. Lay gi kami tuntutan na ehe kainagon bi sitammu ka aku pabalik. Maka biddaꞌ na konoꞌ bay sasso bi pag lay jaꞌ batsa bi bay suwat ku nahawi kaam. Maka lay gi ku tuntutan na tud lay du kam konoꞌ bana ngasip ni panohoan ku.

Pilipi 2:1

Siga danganakan, saꞌ ba, gāk kam sabap tibuuk na kam ka Almasi maka kagamgaman na kam sabapan aseꞌ na ningkaam? Maka saꞌ ba, lungbid na kam ka Rū Sutsiꞌ sampay luuy na kam ni jama? Pagka meꞌ naa,