2 Korin 7:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Maka ndaꞌ ku, pag luu jaꞌ si Taytus bay pabeleng pitu, tud lay na pasōng ehe aseꞌ na ningkaam. Maka tud gāk ya konoꞌ tuktuk taintom na lay ya hinasi meꞌ bi paayad sampay inasip ni palbiatan na. Boꞌ hanggaw gi kam konoꞌ taggahaꞌ yaꞌ kam kinahopan meꞌ na.

2 Korin 7:15 ပူးပေါင်းရင်းမြစ်များ

Panagnaan 43:30

Pus meꞌ looy, lay doꞌ lakka si Yusup deꞌ-dēꞌ sabap yaꞌ tasaggaꞌ na luuy na ni ariꞌ na. Sampay lay na doꞌ ya paasok pa jawom bilik ngahuwasan tangis na.

Yahiya 16:21

Sibuꞌ du sina mintu karuha bi ka danda magkamaddi-maddi. Halloman anak na yaꞌ gi bay pōꞌ, biddaꞌ na kasusahan na. Sugaꞌ bong lay na kaluwa anak na, mastiꞌ takupan na na bay kamalasahiyan na sabap gāk ya luu na anak na bay pinalahil pa junyaꞌ.

Salsila siga Rasul 16:29

Dari tukang jaga looy siꞌ magti bay nohoꞌ binoonan siga sūꞌ, boꞌ na deꞌ-dēꞌ paasok ni bilik man ga si Pol ka si Saylas. Mipig na ga baran na sambayan na nangge ka tuut na ni awpan da.

1 Korin 2:3

Aku ilay bay pilu masaplag, tud bay tabista ku du yaꞌ luu kawasa ku ni dī ku. Boꞌ agon mipig na ga ku ni kahanggaw ku, taggahaꞌ yaꞌ tapajatu ku pabuwatan ma bay hinalap meꞌ Tuhan niyaku.

2 Korin 2:9

Aku ilay bay nuwatan kaam maruhuꞌ pasal lalla looy man ku jaꞌ mindoga bong kam bana-bana du mmeꞌ ni kallong ku atawa niyaꞌ. Kahapan lay du kam mmeꞌ.

2 Korin 6:12

Bong sabagay lay na maglumba meꞌ tabi sikaaseꞌ, saꞌ na situ man kami.

Epesus 6:5

Na kuwan kaam ma ata, asipun bi siga papuꞌ bi. Mag-arat kam ni kaloman bi ninsila. Ni mimon pabuwatan bi ninsila, subay kam magtuyuꞌ buwat ni kahilas atay bi. Meꞌ bi ngingat, sibuꞌ du kam ka maghulas-sangsāꞌ kalnaꞌ Papuꞌ Isa.

Pilipi 1:8

Ilu na Tuhan pakale-kale, tud mehe sina meꞌ ku ngintom ningkaam sikamimon, batan ssob ku meꞌ aseꞌ si Isa Almasi ningkaam.

Pilipi 2:12

Sangkon siga kakasi ku, yana meꞌ bi bay adil ngasip ni Papuꞌ bay jaman ku nnaa man bi, labihan bi lagi likutan ku ntuu. Subay kam tawu pa Tuhan ka ngisbat iya. Subay kam mmeꞌ ni kahandak na sampay maglillaꞌ niiya sigi-sigi ngahalin pangatayan bi. Meꞌ naa ina, tapajatu na na maksud na bay nalamat kaam.

Kolossa 3:12

Sangkon meꞌ kaam ina kakasi Tuhan maka sutsiꞌ na sampay lay na kam bay pineneꞌ binuwat sukuꞌ na, subay kam manimbang ni jama ka buwat mahap ninsila. Subay diyoꞌ ka lammaꞌ pangatayan bi. Maka subay tahaꞌ pasensiya bi.

2 Tesaloneka 3:14

Bong ndaꞌ bi luu nnaa yaꞌ maruli ni pituwa kami jawom suwat tuu, indanan bi. Daa na kam palamud ninsila supaya tabista da na yaꞌ tuwaꞌ pabuwatan da, boꞌ da iyaꞌ ni dī da.

1 Yahiya 3:17

Damikiyan, subay du kitabi nulung siga pagkahi tabi ma njawom sigpit. Bong luu pangabut tabi, boꞌ yaꞌ san kitabi nulung ninsila, pooy meꞌ tabi kabāꞌ maaseꞌ kitabi pa Tuhan?