2 Korin 7:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Boꞌ ndang lay na silay kam pinag-abbu meꞌ ku ni si Taytus halloman na yaꞌ gi bay pilu pa mman bi. Kahapan yaꞌ du ku bay parapatan bi, batan lay na du tasakup meꞌ si Taytus ayad kawul-piil bi nnaa. Dari yana meꞌ mimon tōꞌ kami ningkaam bana sadjaꞌ, damikiyan, tumatandaꞌ na du ni si Taytus bana du bay sanglit ku pasal kaam.

2 Korin 7:14 ပူးပေါင်းရင်းမြစ်များ

Yahiya 17:19

Kalnaꞌ sila, paglillaꞌ ku na umu ku supaya dari sukuꞌ nu na sila mmeꞌ ni kabanahan.

2 Korin 10:8

Na bong sawpama landuꞌ meꞌ ku magpabantug pasal kapatut ma bay ndean kami meꞌ Papuꞌ, yaꞌ du silay mintu man ku hinaꞌ. Ndang-ndang kapatut ku itu lay du pakoy ku man ku masambu nyawa bi, saꞌ ga man makaat kaam.

2 Korin 12:6

Sugaꞌ bong siꞌ ku ilay bay doman magpabantug ni hāl ma bay pinalahil niyaku, san ku yaꞌ na magdupang-dupang ngalabihan bitsala batan yaꞌ ku mitsala bong saꞌ kabanahan. Sugaꞌ agak ku gi situ dī ku nuntut hāl ma bay pinalahil niyaku. Karomanan ku bong ku binantug, subay yaꞌ labi man ilooy ma bay tasakup jama ni jataꞌ ku.

2 Korin 2:13

Sugaꞌ san meꞌ looy, gampang na pin ku sabap danganakan tabi si Taytus yaꞌ bay kaluwa ni waktu man kami bay tugun. Dari lay na ku muwan salam duwaa ni siga pagkahi ku ndooy ni Troas, boꞌ ku lay na pawus pa Masidunya miha iya.

2 Korin 7:13

Dari pagka lay na halin kadarihan bi, mehe meꞌ kami kagamgaman pasal kaam. Ilooy gi man magsasōng kagakan kami, pag ndaꞌ kami tud bay gāk si Taytus sabapan bi. Batan lay konoꞌ lungay susa atay na pag ndaꞌ na mahap meꞌ bi bay ngahasi suwat looy.

2 Korin 7:4

Tud kasulutan ku ningkaam sampay daran gi kam pinagbantug meꞌ ku. San yaꞌ taambat kabinsanaan njataꞌ kami, mehe meꞌ ku kagamgaman sabapan bi. Kaam ina poonan kagakan mehe niyaku.

2 Korin 7:6

Kahapan lay du bay pinagamgaman atay kami meꞌ ilooy ma tukang magamgaman atay manusiyaꞌ, yana Tuhan, sabap meꞌ na bay mapitu si Taytus pa mman kami.

2 Korin 8:24

Dari bong anu, pag takka da pilu, kaasean bi sila supaya tumatandaꞌ ni siga baanan sukuꞌ si Isa tud mattan du bay sanglit kami pasal kaam.

Pilipi 1:26

Sarī gi, bong itu ku mintu lay na kapilu pa mman bi, magsasōng lagi sina meꞌ bi mudji si Isa Almasi sabapan tabang na mabeleng aku pa mman bi.

2 Tesaloneka 1:4

Sangkon bila kami maglaw-lamud ka baanan sukuꞌ Tuhan ni kalahat-lahatan, wā kami nanglitan kaam. Bāꞌ kami ninsila, minsan kam kansang nilaugan atawa pun tumabbaꞌ njawom kamalasahiyan, basta tinatasan na jaꞌ meꞌ bi. Maka yaꞌ na pin kam kuhi patatak pitsayaꞌ ni Papuꞌ Isa.