2 Korin 7:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Boꞌ kaam ina, sabapan kasusahan bay takissa bi man sabapan bay suwat ku, meka na njawom atay bi lay tahalin meꞌ Tuhan pa kaayaran. Batan sabapan susa atay bi, basag na kam makutuꞌ kaintongan. Maka lay na ga kam dugahan ni dī bi sabapan bay kadarihan bi. Maka lay gi pasōng meꞌ bi tawu pa Tuhan. Sarī gi, lay na kam magtuyuꞌ magpahāp ningkami awla na pa Tuhan. Boꞌ na, lay du kam magti deꞌ-dēꞌ naup bay kasaan bi, batan lay na kam magti midjalaꞌ jama looy ma bay buwat dusa ni baanan bi. Sangkon tumatandaꞌ na yaꞌ na luu susun njataꞌ bi.

2 Korin 7:11 ပူးပေါင်းရင်းမြစ်များ

Malkus 3:5

Si Isa siꞌ tu, sasang na ngandaꞌ ninsila, maglamud na lasu na ka susa na ninsila sabap tumatandaꞌ yaꞌ san luu luuy da ni jama. Pag-anu, yuk si Isa ni lalla looy, “Pa-nnatun na tangan nu.” Pag nnat na, sarunduun du ya kasay.

Yahiya 2:17

Na sasang ga mulit si Isa siꞌ maiman, taintom da na suwat njawom kitab, ilooy ma yuk na, “Ni kaehe sēng ku ni lumaꞌ nu, meꞌ lassa api noleyab njawom atay ku.”

Salsila siga Rasul 17:16

Sasang si Pol ngagad sila ndooy ni Aten, tud bay susa atay na pag ndaꞌ na meka jama-jama ma sinumba ni sikaliput daira looy.

Suwat si Pol pa mman Baanan Sukuꞌ si Isa ndooy ni Rom 11:20

Bana du baw bilay, sugaꞌ intomun bi, danan da bay sinappean sabap yaꞌ sila pitsayaꞌ ni si Isa. Boꞌ kaam ina, danan bi bay pinatunggu isu-isu sabap pitsayaꞌ kam. Sangkon, daa kam malangkaw dī bi. Gam pin subay kam tawu taggahaꞌ binasa kam meꞌ abbu bi.

Suwat si Pol pa mman Baanan Sukuꞌ si Isa ndooy ni Rom 14:18

Na sagannap ma makutuꞌ hāl meꞌ looy sambayan da ngisbat Almasi, mastiꞌ kinahopan jaꞌ sina meꞌ manusiyaꞌ awla na Tuhan.

Suwat si Pol pa mman Baanan Sukuꞌ si Isa ndooy ni Rom 3:5

Na adakala yuk kasohean na baw mintu, “Mangkin kita buwat kalaatan, mangkin tumampak na kaintongan Tuhan sampay man na na sinanglitan. Dari bong kalaatan ta poonan man Tuhan sinanglitan, ongoy taggahaꞌ subay na pin kita minulkaan?” Sugaꞌ baan ta kam banahan, bitsala meꞌ looy ilay, karupangan jaꞌ lakka man akka manusiyaꞌ.

1 Korin 12:25

Dan jinis meꞌ halling, siga kalangkapan baran ina bay pinagsibatuk-batuk meꞌ Tuhan supaya sila sama-sama sitabang-tabang, saꞌ ga supaya sila magsaw-saggaꞌ.

1 Korin 5:2

Boꞌ kaam baw nnaa, sannang jaꞌ kam ngabbu saula-ula kanaalla kam buwat kaintongan. Subay siꞌ gam pin magkasusahan kam. Maka subay siꞌ bay pinōꞌ meꞌ bi lalla looy man baanan bi.

2 Korin 13:7

Maku na pin kami duwaa pa Tuhan, kamura-murahan yaꞌ na kam luu buwat oy maka oy ma maat. Saꞌ baw tu kon kami makuhan kaam meꞌ tuu supaya kami sinanglitan inawnan guru alistu nōꞌ. Arapun binilang kami pandoy atawa niyaꞌ, ilooy ya puhung kami bong pin kam nūs jaꞌ lān intong.

2 Korin 2:6

Saddong na du silay meꞌ bi bay mainsapan iya.

2 Korin 6:4

Kainagon kami ni mimon tangge-tingkōꞌ kami tumatandaꞌ ni jama bana-bana kami sosohoan Tuhan. Inaa sina kon kami natasan jinisan kabinsanaan, kamalasahiyan ka kasusahan.

2 Korin 7:1

Na siga kakasi ku, siga janjiꞌ Tuhan ilay para ningkitabi. Sangkon, labbahan tabi na mimon pamiki maat ka mimon pabuwatan ma katamak ningkitabi. Maka pakutuꞌ tabi na meꞌ tabi mōꞌ kawul-piil sutsiꞌ ma nulut ni kahandak Tuhan, pamaehe maltabat niiya.

2 Korin 7:7

Sarī man katakka si Taytus, lay gi pasampun kagakan kami pag lay jaꞌ kami tabaan na pasal meꞌ bi bay magāk atay na. Lay gi kami tuntutan na ehe kainagon bi sitammu ka aku pabalik. Maka biddaꞌ na konoꞌ bay sasso bi pag lay jaꞌ batsa bi bay suwat ku nahawi kaam. Maka lay gi ku tuntutan na tud lay du kam konoꞌ bana ngasip ni panohoan ku.

2 Korin 7:9

Sangkon gāk situ ku. Sugaꞌ saꞌ baw lay ngkon ku gāk sabap meꞌ bi bay susa. Arapun ituu man ku gāk sabap lay tapakoy Tuhan kasusahan bi man moo kaam nawbat. Sangkon san ilay bay bisa suwat ku, yaꞌ du kam bay kasaniyaan, gam pin lay gi kam koleꞌ kaayaran.

2 Korin 9:2

Batan katoonan ku du ndang mehe kainagon bi nulung. Boꞌ lay gi kam sinanglitan meꞌ ku ni siga danganakan tabi ntuu ni Masidunya. Yuk ku ninsila, kaam nnaa ni Akaya, bay taun tee lagi ma bay pingkaꞌ, ndang sakap na kam nulung. Pag taaka da meꞌ looy, adak mimon na du sila magkainagon mmeꞌ nulung.

Epesus 4:26

Bong luu lasu bi, njawom iman kam taggahaꞌ dapat dusa na baw kam. Sangkon lasu batnaa, daa na pinagsumawung lagi,

Epesus 5:11

Daa kam mmeꞌ-mmeꞌ meꞌ uwahan jama njawom kalindoman buwat jinisan ma yaꞌ pataꞌ pinabuwat. Arapun pakitahan bi sila kaintongan kawul-piil bi mari tumatandaꞌ kalaatan da.

Pilipi 2:12

Sangkon siga kakasi ku, yana meꞌ bi bay adil ngasip ni Papuꞌ bay jaman ku nnaa man bi, labihan bi lagi likutan ku ntuu. Subay kam tawu pa Tuhan ka ngisbat iya. Subay kam mmeꞌ ni kahandak na sampay maglillaꞌ niiya sigi-sigi ngahalin pangatayan bi. Meꞌ naa ina, tapajatu na na maksud na bay nalamat kaam.

1 Tesaloneka 4:6

Daa kam buwat dusa ni siga pagkahi bi, labi na hāl jina. Saꞌ ba, ndang lay na kam bandaan kami, soysoy ina buwat meꞌ naa, mastiꞌ pinidjalaꞌ jaꞌ meꞌ Tuhan.

1 Timuti 5:20

Sugaꞌ bong mintu ya bay kamattanan, subay ya sinaggong ni pag-awpan baanan jamaa nnaa supaya tawu na du ilooy kasohean buwat dusa meꞌ iya.

2 Timuti 2:15

Timuti, pagbuli-bulihan nu meꞌ nu makitahan Tuhan kau disu sosohoan ma tawop niiya. Umanat kabanahan ma pinasampay meꞌ nu, daa pabiyahun sinakotan ka tōꞌ palsu. Bong siꞌ ina takaya nu meꞌ naa, yaꞌ luu meꞌ nu hinaꞌ ni mata Tuhan.

Taytus 3:8

Na siga tōꞌ ku itu tud kanaalla. Sangkon Taytus, sohoun na kinanna ni mimon nnaa ma mangando pa Tuhan. Meꞌ looy ilay, inisbat na meꞌ da buwat jinisan kaayaran ni siga pagkahi da manusiyaꞌ. Na bitsala ku itu, mahap jaꞌ labbasakayi, boꞌ kasampulnaꞌ ni jama.

Hibrani 4:1

Na san meꞌ looy bay katuwaꞌ ni kabboꞌ-bboan tabi, masi du situ luu pahaliyan ni timpu batnaa ma bay njanjiꞌ meꞌ Tuhan ndean siga sukuꞌ na. Sugaꞌ paliksaun bi doꞌ dī bi bong tud luu na kam njawom pahaliyan looy, taggahaꞌ luu na pin kam yaꞌ gi bay paasok.

Yaꞌkub 3:17

Boꞌ jama ma luu pangahati da lawom man Tuhan, duhuꞌ-duhuꞌ, sutsiꞌ kawul-piil da. Pasunuꞌ, tiggo sila ngulihal kasalassayan. Boꞌ na, gampang gi sila ni parasahan jama. Kuhi sila tinoan. Basag sila manimbang ni jama maka mōꞌ sila jinisan kaayaran. Yaꞌ sila minig jama maka arat-tabiat da wā magbēꞌ ka kabanahan ma kinapitsayaan meꞌ da.

1 Pitel 1:17

Na san ina kam magmmaꞌ na ni Tuhan, ingatun bi masi du sina ya tukang ngahukum. Iya du sina mintu nungbasan manusiyaꞌ saliꞌ-saliꞌ magbēꞌ ka pabuwatan da mahap-maat. Yaꞌ ya minig jama. Sangkon, halloman tabi magsampihan ni junyaꞌ tuu, subay luu tawu tabi pa Tuhan.

1 Pitel 2:2

Pagka lay na takissa bi kaayaran Tuhan, kannahun bi na palman na. Yana meꞌ anak-anak bahau pinamaddihan magkainagon ni boheꞌ duruꞌ, kaam pun subay du meꞌ naa kainagon bi ni palman Tuhan. Batan palman Tuhan ina balanjaꞌ pulnaꞌ para ni nyawa bi. Sangkon kannahun bi na supaya magsasōng na pin meꞌ bi ngikut arat-tabiat Tuhan ngabut sampay magjatu na kasalamatan bi.

Suwat Lakka man si Jūd 1:23

Kuwan sagannap ma bay magsiꞌ, paintoman bi sila. Bong ina mintu tud bay du sila takoleꞌ mmeꞌ ni bitsala bi, sibuꞌ du sina sila ka bay dagmit bi man jawom api mari salamat. Bong luu pagkahi bi amu-amu buwat dusa, daa du kam jamu makitahan sila aseꞌ. Sugaꞌ iyakin kam taggahaꞌ lay na baw kam mintu kalakkotan meꞌ dusa da. Dusa da ina meꞌ karuha tamak mehe ni badjuꞌ poteꞌ.

Siga Pakaradjaan bay Pinalahil 3:19

“Na soysoy ina kaasean ku, mastiꞌ saggong ku sampay adjal ku. Sangkon bong kam doman paintong, tawbatan bi na dusa bi, boꞌ pupusan bi na meꞌ bi mmeꞌ niyaku.