2 Korin 7:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na siga kakasi ku, siga janjiꞌ Tuhan ilay para ningkitabi. Sangkon, labbahan tabi na mimon pamiki maat ka mimon pabuwatan ma katamak ningkitabi. Maka pakutuꞌ tabi na meꞌ tabi mōꞌ kawul-piil sutsiꞌ ma nulut ni kahandak Tuhan, pamaehe maltabat niiya.

2 Korin 7:1 ပူးပေါင်းရင်းမြစ်များ

Matiyu 12:33

Yuk si Isa lagi ninsila, “Manusiyaꞌ ina meꞌ karuha poon kayu. Tiyap-tiyap poon kayu mahap, mastiꞌ buwaꞌ na ina mahap du. Sugaꞌ bong ina poon kayu maat, mastiꞌ buwaꞌ na maat du. Sangkon ni buwaꞌ na takila bi jaꞌ sina bong poon kayu mahap atawa maat.

Matiyu 5:48

Sangkon, subay mahap gi man mahap arat-tabiat bi meꞌ karuha arat-tabiat Mmaꞌ bi Tuhan.”

Matiyu 5:8

Njawom supaat sina sagannap ma sutsiꞌ niyat atay da batan takita da du sina mintu Tuhan.

Salsila siga Rasul 9:31

Na pus meꞌ looy, yaꞌ na baw bay luu laug njataꞌ siga baanan sukuꞌ si Isa ni sikaliput Yahudiya ka Jalil sampay Samariya. Boꞌ na, pabasag na pin pangando da ni Papuꞌ maka yaꞌ maglumba meꞌ da ngisbat iya. Dari man tabang Rū Sutsiꞌ njataꞌ sukuꞌ si Isa, pasōng na pin eka jama ma pitsayaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 5:20

Balik ta pa saraꞌ Nabi Musa, ngkon na ilay bay pinamuwan meꞌ Tuhan niiya supaya tasayu na meꞌ manusiyaꞌ meka na dusa da. Sugaꞌ saehe-ehe dusa manusiyaꞌ, mas mehe gi ampun ka aseꞌ Tuhan.

1 Korin 6:20

batan biddaꞌ na bay ehe bayad na supaya kitabi dari sukuꞌ na. Sangkon pakoyun bi baran bi man bi moo kabantugan niiya.

2 Korin 1:20

Boꞌ na, mimon ma bay njanjiꞌ meꞌ Tuhan, lay du bana tinuman njataꞌ Anak na. Sangkon kabāꞌ kitabi mattan du Tuhan kanaalla mmeꞌ ni lapa na. Boꞌ ilooy na silay kaboo kitabi mudji iya.

Epesus 2:3

Kamasaꞌ, mimon ilay kitabi lay jaꞌ du bay lumingkaꞌ meꞌ looy jaman tabi bay maabak meꞌ nganduwan napsu tabi. Bay jaꞌ du kitabi buwat oy-oy kalaatan bay talangga pamiki tabi. Dari pagka meꞌ looy bay tabiat tabi, mastiꞌ tumiluꞌ jaꞌ kitabi pa jawom mulkaꞌ Tuhan meꞌ karuha mimon manusiyaꞌ ma yaꞌ ngisbat iya.

1 Tesaloneka 3:13

Meꞌ looy ilay, tattap na pin kasutsian bi maka yaꞌ luu sutsutan njataꞌ bi ni pag-awpan Mmaꞌ tabi Tuhan pag beleng Papuꞌ tabi si Isa ka siga malaikat na.

1 Tesaloneka 4:7

Kitabi ilay bay lliyun meꞌ Tuhan pa jawom okoman na supaya kitabi mōꞌ kawul-piil sutsiꞌ, saꞌ ga buwat kalalamaan.

1 Tesaloneka 5:23

Kamura-murahan tinabangan du kam meꞌ Tuhan, yana poonan kasannangan, supaya sutsiꞌ na banahan mimon kawul-piil bi. Kamura-murahan inayaran na pin meꞌ na nyawa bi, pamiki bi, sampay baran bi supaya yaꞌ luu sutsutan njataꞌ bi pag beleng Papuꞌ tabi si Isa Almasi.

Hibrani 12:23

Maka ndooy ilay, lay na tabi takka pa jawom kumpohan sagannap ma ginalla siga anak Tuhan siyaka, yana sagannap ma pitsayaꞌ ni Almasi, ma lay na talista awon da ni sulgaꞌ. Maka lay na tabi takka pa jawom baanan siga rū jama intong mattoꞌ ma yaꞌ na luu salla na. Maka lay na tabi takka pa mman Tuhan, yana tukang ngahukum manusiyaꞌ sikamimon.

Hibrani 12:28

Sangkon, pagka Tuhan bay matabeꞌ kitabi ni pamarinta na ma yaꞌ tajogjog, subay kitabi magsuku niiya sampay kinanna meꞌ tabi ehe aseꞌ na ningkitabi. Maka sumba tabi ya ni lanan magpataꞌ niiya, hati na, ni kaehe maltabat tabi ka tawu tabi niiya.

Hibrani 4:1

Na san meꞌ looy bay katuwaꞌ ni kabboꞌ-bboan tabi, masi du situ luu pahaliyan ni timpu batnaa ma bay njanjiꞌ meꞌ Tuhan ndean siga sukuꞌ na. Sugaꞌ paliksaun bi doꞌ dī bi bong tud luu na kam njawom pahaliyan looy, taggahaꞌ luu na pin kam yaꞌ gi bay paasok.

Hibrani 6:9

Siga kakasi ku, san ku ilay siꞌ bay halling meꞌ looy, ni bistahan ku, saꞌ baw lay tuwaꞌ pa kaam meꞌ karuha tanaꞌ looy ma yaꞌ luu pūs na. Batan tatantu ku iya pabuwat bi kaayaran ma sikatuwaꞌ ka jama ma salamat na.

Yaꞌkub 4:8

Patapit na kam pa Tuhan, boꞌ na patapit pa mman bi. Kaam ma amu-amu buwat dusa, labbahan bi na dusa bi. Kaam ma duwa-duwa pikilan bi, patattogun bi na pamiki bi mmeꞌ ni Papuꞌ.

1 Pitel 1:15

Sugaꞌ batnaa, yana meꞌ Tuhan ma bay ngaliyun kaam sutsiꞌ, subay du kam sutsiꞌ ni mimon tangge-tingkōꞌ bi.

1 Pitel 1:17

Na san ina kam magmmaꞌ na ni Tuhan, ingatun bi masi du sina ya tukang ngahukum. Iya du sina mintu nungbasan manusiyaꞌ saliꞌ-saliꞌ magbēꞌ ka pabuwatan da mahap-maat. Yaꞌ ya minig jama. Sangkon, halloman tabi magsampihan ni junyaꞌ tuu, subay luu tawu tabi pa Tuhan.

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

1 Pitel 2:11

Siga kakasi ku, junyaꞌ tuu itu saꞌ lahat tabi sabanna. Sampi jaꞌ kitabi ntuu. Sangkon junjung ku na ningkaam, daa na duwanun bi napsu maat ma pinaabak meꞌ jama ma nabiat mandang hāl junyaꞌ. Batan siga napsu meꞌ looy ilay, meꞌ karuha banta bi ma niksaꞌ nyawa bi.

1 Pitel 5:10

Sugaꞌ pus bi bay natas samantalaꞌ njawom kabinsanaan, tinabang du sina kam meꞌ Tuhan. Pahallotan na sina pangando bi maka pinataggu meꞌ na iman bi supaya kam meꞌ karuha poon kayu ma yaꞌ kuhi habbaꞌ sabap lawom gamut na. Bistahun bi doꞌ, ni kaehe aseꞌ-tabang Tuhan, lay na kam liyun na pa jawom okoman na. Maksud na supaya kam tumabeꞌ ni kabantugan na man sabapan pagkatibuuk bi ka si Isa Almasi. Boꞌ kabantugan na ina yaꞌ luu katapusan na.

1 Yahiya 1:7

Sugaꞌ bong itu kitabi tattog njawom dantaꞌ meꞌ karuha Tuhan, dambuwaꞌ atay na kitabi. Maka puwas na dusa tabi sabapan lahaꞌ Anak Tuhan, yana si Isa. Sangkon sutsiꞌ na kitabi.

1 Yahiya 1:9

Sugaꞌ bong kitabi magsabanna pa Tuhan ni bay dusa tabi, mastiꞌ inampun jaꞌ kitabi meꞌ na. Maka sinutsiꞌ na pin pangatayan tabi meꞌ na mari yaꞌ na luu kalaatan tabi. Batan Tuhan ina intong ka kanaalla numan bay janjiꞌ na.

1 Yahiya 3:3

Dari sagannap ma ngagad kajatuhan meꞌ looy bbos-bbos, malaingkan labbahan da na mimon kawul-piil ma yaꞌ mahap mari sila meꞌ Almasi na du sutsiꞌ.