2 Korin 6:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Meꞌ kasohean buwat kami, subay ga jama yaꞌ takila. Mingkan, kinatoonan kami meꞌ sikamimon. Daran gi kami nontongan kapatoy. Kahapan masi gi du baw kami llum. Damikiyan, daran kami binonoꞌ. Kahapan yaꞌ gi du baw kami bay matoy.

2 Korin 6:9 ပူးပေါင်းရင်းမြစ်များ

Salsila siga Rasul 17:18

Ndooy siꞌ ni Aten, luu duwa palhimpunan ga guru ma tigiꞌ magbilmaarup pasal jinisan hāl ma kinapitsayaan meꞌ manusiyaꞌ. Disu palhimpunan inawnan Epikuru, kuwan ilooy disu Istoik. Na ga jama looy siꞌ tu, pag lay jaꞌ pinasaplagan meꞌ si Pol pasal si Isa sampay hāl meꞌ na bay pinakallum, yuk kasohean, “Uy, magligaw jaꞌ bina lalla naa! Bitsala oy doꞌ ina meꞌ naa?” Yuk kasohean baw siꞌ tu, “Marean ta bina binitsala meꞌ na siga tuhan ma yaꞌ gi tasayu tabi.”

Salsila siga Rasul 19:26

Sugaꞌ song lungay na situ usaha tabi man sabapan tōꞌ lalla looy ma inawnan si Pol. Takita bi na du bong pooy na eka jama ntuu ni Epesus bay takoleꞌ na binitsalahan nohoꞌ ngalabbahan siga tuhan da. Baꞌ-bāꞌ na, siga tuhan ma pinabuwat meꞌ manusiyaꞌ saꞌ tuhan bana. Maka lay na du taaka bi saꞌ na sat jama ntuu bay takoleꞌ na binitsalahan, sampay ni sikaliput Asiya, meka na du pitsayaꞌ ni tōꞌ na.

Salsila siga Rasul 25:19

Ilooy du pagjawapan da yana hāl agama da maka pasal disu lalla inawnan si Isa ma bay pinapatoy. Sugaꞌ pamāꞌ si Pol, lay na llum lalla looy pabalik.

Salsila siga Rasul 25:26

Salla na, yaꞌ ku pandoy māꞌ bong oy palkalaꞌ njataꞌ na njawom suwat pokonan ku pa mman Panghuluꞌ Sultan. Sangkon ituu na situ kon na bay sohoꞌ ku binoo pitu pa awpan bi sikamimon, awla na ningkau Sultan Agripa. Dari pag lupus tabi mintu numariya iya, kawu-kawu luu na tatuntut ku jawom suwat ku.

Suwat si Pol pa mman Baanan Sukuꞌ si Isa ndooy ni Rom 15:19

Man kawasa Rū Tuhan njataꞌ ku, lay na ku kapōꞌ siga pabuwatan kahaylan-haylan. Maka man gaos Rū Tuhan, lay na du ku ngalataan lahat masaplag umanat mahap pasal Almasi labba man Jerusalem ngabut sampay pa Ilirikum.

Suwat si Pol pa mman Baanan Sukuꞌ si Isa ndooy ni Rom 8:36

Na bong luu kasusahan tuwaꞌ ningkitabi meꞌ looy, daa sa kitabi jayip, batan ndang bay silay sinuwatan jawom kitab, ilooy ma yuk na, “Papuꞌ, llaw pa dangallaw njawom bahaya jaꞌ kami, adak-adak na kami pinapatoy kalnaꞌ kau. Pangandaan jama subay ga kami bili-bili jaꞌ pataꞌ san sinumbaliꞌ.”

1 Korin 11:32

Sugaꞌ bong ina yaꞌ labbahan ta kalaatan ta, mastiꞌ pinidjalaꞌ jaꞌ sina kita meꞌ Tuhan. Sugaꞌ kon na ilay midjalaꞌ kita mari kita insap supaya yaꞌ na kita pinatabeꞌ ni hukuman ma llabuꞌ njataꞌ sagannap ma saꞌ sukuꞌ na bbos-bbos.

1 Korin 15:31

Baan ta kam banahan, llaw-llaw situ ku nontongan kapatoy. Kanaalla situ bitsala ku. Subay yaꞌ bana kagakan ku ni pagkatibuuk ku ka Papuꞌ tabi si Isa Almasi, boꞌ yaꞌ bana bay bitsala ku.

1 Korin 4:9

Pangandaan ku, meꞌ ga doman sa Tuhan kami siga rasul si Isa ni bukutan. Dari ko ngawon, lay na kami tinakdil meꞌ na diyoꞌ gi man jama mimon. Subay ga kami jama bay binotangan hukuman kapatoy. Labba man manusiyaꞌ sampay siga malaikat, matong kami na jaꞌ saula-ula pabuwatan ag-agan kami.

2 Korin 11:6

Marean ta yaꞌ du situ ku pintal mitsala meꞌ sila, sugaꞌ ni hāl pangahati pasal Tuhan, basta yaꞌ baw tu ku tamban meꞌ da. Kaam pun ina, katoonan bi na du, batan lay na du takale bi tōꞌ ku.

2 Korin 4:2

Lay na labbahan kami mimon pabuwatan kaiyaꞌ-iyaꞌ ma subay na pin tinapuk. Dari yaꞌ situ kami ngandupang jama atawa pun nabid isi umanat mahap ma bay hinalap ningkami meꞌ Tuhan. Isu-isu kabanahan pasampay kami. Bong siꞌ ina jama bonto, basta tabista da jaꞌ situ bana bitsala kami. Lagiꞌ na, katoonan Tuhan du sina.

2 Korin 5:11

Na pagka katoonan kami katawu-tawu hukuman Papuꞌ Isa, sabuli-buli kami na situ mitsalahan jama nohoꞌ pitsayaꞌ niiya. Katoonan Tuhan du sina yaꞌ luu sarī niyat njawom atay kami. Kamura-murahan kaam pun, tabista bi du.