2 Korin 6:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Maka tandaꞌ kami sosohoan Tuhan, yaꞌ luu pabuwat kami oy maka oy na man kami taawnan sabu. Boꞌ na, tumatandaꞌ du luu pangahati kami ni kitab. Sarī gi, tahaꞌ pasensiya kami maka manimbang kami ni jama. Maka tumatandaꞌ du pinagmundaan kami meꞌ Rū Sutsiꞌ. Maka hilas jaꞌ aseꞌ kami ni mimon manusiyaꞌ.

2 Korin 6:6 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 12:9

Na meꞌ kitabi itu sikaaseꞌ-kaaseꞌ, subay hilas aseꞌ tabi. Subay kitabi wā lammis ni kalaatan. Maka subay kitabi wā makutuꞌ kaayaran.

Suwat si Pol pa mman Baanan Sukuꞌ si Isa ndooy ni Rom 15:19

Man kawasa Rū Tuhan njataꞌ ku, lay na ku kapōꞌ siga pabuwatan kahaylan-haylan. Maka man gaos Rū Tuhan, lay na du ku ngalataan lahat masaplag umanat mahap pasal Almasi labba man Jerusalem ngabut sampay pa Ilirikum.

1 Korin 12:8

Kasohean kitabi kaladjikian meꞌ Rū Sutsiꞌ mōꞌ pangahati lawom. Kuwan kasohean, kaladjikian maan jama hāl ma isu-isu Tuhan toon.

1 Korin 13:4

Na arat jama ina maaseꞌ meꞌ tuu: Tahaꞌ pasensiya na, manimbang ni pagkahi na manusiyaꞌ, yaꞌ dangkiꞌ, yaꞌ ngabbu atawa malangkaw dī na

1 Korin 2:16

Meꞌ halling sambat njawom kitab, “Soy toon njawom pamiki Tuhan? Soy kapagpandoyan iya?” Boꞌ kitabi itu, katoonan tabi bong oy njawom pamiki na batan sabapan Rū Sutsiꞌ, luu na ningkitabi pamiki Almasi.

1 Korin 2:4

Aku ilay bay masaplag ka magnasihat nnaa, ndang katoonan bi na du, yaꞌ du ku bay makoy alat bitsala. Batan kahandak ku bong kam pitsayaꞌ, subay saꞌ man sabapan kapintal ku mitsalahan kaam. Arapun kainagon ku bong kam pitsayaꞌ, subay man sabapan siga sipat kawasa Tuhan bay tasakup bi maka sabapan Rū Sutsiꞌ bay mukaꞌ puad bi.

2 Korin 1:23

Na danan ku ilay yaꞌ na bay tabawus pilu pa Korin, ilu na Tuhan pakale-kale, man ku jaꞌ ngilagan paddi atay bi bong luu gi kam nnaa ma subay na pin sahawi ku.

2 Korin 11:11

Ni bistahan bi, yaꞌ kina kam kaasean ku sukat ku yaꞌ koleꞌ tulung lakka mman bi? Katoonan Tuhan du sina bong pooy ehe aseꞌ ku ningkaam.

2 Korin 11:4

Gampang ku la ningkaam. Bong luu jama pilu moo tōꞌ sarī pasal si Isa ma yaꞌ magbēꞌ ka tōꞌ kami, kuhi-kuhi jaꞌ kam pitsayaꞌ. Damikiyan, bong luu noan kaam pasal Rū Sutsiꞌ atawa pasal umanat mahap, kuhi-kuhi jaꞌ du kam pitsayaꞌ san yaꞌ sikatuwaꞌ tōꞌ da ka ningkami.

2 Korin 11:6

Marean ta yaꞌ du situ ku pintal mitsala meꞌ sila, sugaꞌ ni hāl pangahati pasal Tuhan, basta yaꞌ baw tu ku tamban meꞌ da. Kaam pun ina, katoonan bi na du, batan lay na du takale bi tōꞌ ku.

2 Korin 12:15

Gāk du situ ku magtuyuꞌ-tuyuꞌ kalnaꞌ kaam san gi man sīn ku katis sampay anggawtaꞌ ku bong pin sambu jaꞌ nyawa bi. Sugaꞌ tilaw ta teꞌ kam, meꞌ tuu na tamba-manamba na aseꞌ ku ningkaam, sikatuwaꞌ kina bong subay gi maglumba aseꞌ bi niyaku?

2 Korin 13:10

Ngkon ku tu nuwat meꞌ tuu halloman ku yaꞌ gi bay pilu, kawu-kawu nawbat na sagannap ma buwat kalaatan nnaa. Dari pag takka ku pilu, yaꞌ na ku talpaksaꞌ mainsapan kaam. Ndang-ndang kapatut bay dean Tuhan aku itu para man mabasagan pangando bi ni Almasi, saꞌ ga man mabinasa kaam.

2 Korin 2:10

Dari batnaa tu, bong kam ngampun lalla looy, mastiꞌ ampun ku na du ya. Maka bong bistahan bi luu dusa na niyaku, ilu na Almasi pakale-kale, mastiꞌ ampun ku na du ya kalnaꞌ kaam,

2 Korin 2:4

Jaman ku bay nuwatan kaam, lassa hansu na ga atay ku susahan kadarihan bi nnaa, sampay lay na ga ngattap boheꞌ mata ku. Kamura-murahan tabista bi du maksud ku bay nuwat man makitahan kaam ehe aseꞌ ku ningkaam, saꞌ ga man masusahan kaam.

2 Korin 3:3

Dan jinis meꞌ halling, sabap lay na kam pitsayaꞌ ni umanat kami, tadalil na kam pa suwat bay sinuwatan meꞌ Almasi pa mman sikamimon. Batan tuktuk liling jama kawul-piil bi, sibuꞌ du ka bay na sila matsa kaayaran Almasi njataꞌ bi. Sugaꞌ saꞌ baw ina kam meꞌ karuha suwat ma bay sinuwatan ka īng. Arapun kaam ina meꞌ sapantun suwat ma bay sinuwatan ka Rū Sutsiꞌ lakka man Tuhan sabanna ma llum saumu-umu. Maka panohoan Tuhan ina lay na sinuwatan njawom atay bi, saꞌ na meꞌ maruhuꞌ bay gi sinuwatan taꞌ siga batu ni bay jaman Nabi Musa.

2 Korin 4:6

Na jaman junyaꞌ ilay bay pinapayak, lay Tuhan nohoꞌ dantaꞌ ninag njawom lindom. Pag batnaa, sibuꞌ du ka lay balikan na batan lay na baw ya marantaan pamiki tabi. Dari tahati tabi na ehe kaayaran na man sabapan pabuwatan na bay mapitu si Isa Almasi pa junyaꞌ.

2 Korin 7:2

Siga danganakan, junjung ku na ningkaam, pasallopun bi na ba kami njawom atay bi. Ndang-ndang yaꞌ du kam luu san disu man kami bay kapagdusa atawa pun bay boo kami magsiꞌ. Maka yaꞌ du luu nnaa bay pingkaꞌ kinugut meꞌ kami.

Galatiya 3:2

Tilaw ta teꞌ kam. Pooy meꞌ bi bay koleꞌ Rū Sutsiꞌ? Man sabapan meꞌ bi kilay bay mogbogan saraꞌ? Mastiꞌ ssaꞌ silay! Arapun ngkon bi ilay bay pinaasokan Rū Sutsiꞌ sabap meꞌ bi bay pitsayaꞌ ni umanat mahap ma bay takale bi man kami.

Galatiya 3:5

Saꞌ ba, lay na dean Tuhan Rū na ningkaam, boꞌ lay gi ya makitahan kaam jinisan pabuwatan kahaylan-haylan? Sugaꞌ saꞌ silay sabap meꞌ bi bay buwat jinisan taat saraꞌ agama. Arapun iya ilay bay buwat meꞌ looy sabap meꞌ bi bay pitsayaꞌ ni umanat ma bay takale bi pasal si Isa.

Galatiya 5:22

Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

Epesus 3:4

Bong itu mintu lay na katis batsa bi suwat tuu, malaingkan tabista bi na du sina tud tahati ku garaꞌ Tuhan ma bay pinajatu njataꞌ Almasi.

Epesus 4:2

Subay diyoꞌ ka lammaꞌ pangatayan bi sampay tahaꞌ pasensiya bi. Pagka kam sikaaseꞌ-kaaseꞌ, tatasan bi jaꞌ salla arat siga pagkahi bi.

Epesus 4:32

Batan meꞌ kitabi itu sukuꞌ Tuhan, subay kitabi sikaaseꞌ-kaaseꞌ maka sikaluuy-kaluuy sampay siampun-ampun. Akig tabi na Tuhan bay ngampun kitabi man sabapan pabuwatan Almasi.

Kolossa 1:27

Umanat Tuhan ina, yana pasal garaꞌ na matabeꞌ kaam ma saꞌ Yahudi ni ladjikiꞌ lakka man iya. Ladjikiꞌ looy ilay yana Almasi patannaꞌ njawom baran bi. Boꞌ iya na sina poonan bi ngaholat ngabut arat-tabiat na.

Kolossa 2:3

Isu-isu Almasi kabuwanan kitabi akka lawom mari tahati tabi hāl Tuhan. Boꞌ pangahati ni hāl Tuhan ina yana ladjikiꞌ hagaan.

Kolossa 3:12

Sangkon meꞌ kaam ina kakasi Tuhan maka sutsiꞌ na sampay lay na kam bay pineneꞌ binuwat sukuꞌ na, subay kam manimbang ni jama ka buwat mahap ninsila. Subay diyoꞌ ka lammaꞌ pangatayan bi. Maka subay tahaꞌ pasensiya bi.

1 Tesaloneka 2:10

Labba man Tuhan sampay na kaam, lay na du tasakup bi bay kadarihan kami nnaa. Kaam ina sikamimon ma pitsayaꞌ ni si Isa nnaa, mastiꞌ lay jaꞌ tasakup bi kaintongan ka kasutsian tangge-tingkōꞌ kami. Damikiyan, yaꞌ du bay luu pabuwat kami man kami tasahawi.

1 Timuti 4:12

Timuti, daa ko loman nōꞌ bong sabagay luu nnaa nahawi kau sukat yaꞌ gi sangkad umu nu. Gam pin buwat na pin ko suntuan ayad ni mimon sukuꞌ si Isa nnaa. Pakitahan nu sila kawul-piil ayad ka aseꞌ. Maka subay tumatandaꞌ kasutsian nu ka basag pangando nu ni si Isa.

1 Timuti 5:2

Tuwaꞌ pa karandahan ma umuhan gi man kau, subay du hanunut-hanunut meꞌ nu naup sila. Buwatun sila meꞌ saparati nneꞌ nu. Kuwan karandahan ma sumiyali man kau, bila ko naup, buwatun du sila meꞌ saparati danganakan nu. Maka subay sutsiꞌ niyat atay nu ka sila.

2 Timuti 3:10

Sugaꞌ kuwan kau Timuti, akigun jaꞌ ku. Kau ina, ndang hallom na du bay taindan nu tōꞌ ku sampay kawul-piil ku. Katoonan nu na du maksud ku. Lay na du tasakup nu pangando ku ni Papuꞌ maka pasensiya ku sampay aseꞌ ku. Maka tasayu nu na du bong pooy tatas ku njawom jinisan katiksaan kalnaꞌ Tuhan.

2 Timuti 4:2

masaplag umanat Tuhan. Pagbuli-bulihan nu na noan jama kabanahan, doman-yaꞌ sila doman mmeꞌ. Paintoman nu na pin sagannap ma magsāꞌ atawa amu-amu buwat dusa. Bitsalahan nu sila nohoꞌ nawbat. Patagguhun na pin iman da. Maka bila ko noan sila, subay tahaꞌ jaꞌ pasensiya nu.

Taytus 2:7

Labi na kau Taytus, subay bogbogan nu hāp kawul-piil nu mari luu suntuan ayad inakig meꞌ siga soheꞌ nu. Maka mimon tangge-tingkōꞌ nu subay magbēꞌ jaꞌ ka kabanahan ma tinōꞌ meꞌ nu.

Yaꞌkub 3:17

Boꞌ jama ma luu pangahati da lawom man Tuhan, duhuꞌ-duhuꞌ, sutsiꞌ kawul-piil da. Pasunuꞌ, tiggo sila ngulihal kasalassayan. Boꞌ na, gampang gi sila ni parasahan jama. Kuhi sila tinoan. Basag sila manimbang ni jama maka mōꞌ sila jinisan kaayaran. Yaꞌ sila minig jama maka arat-tabiat da wā magbēꞌ ka kabanahan ma kinapitsayaan meꞌ da.

1 Pitel 1:12

Boꞌ lay gi pinalahil meꞌ Tuhan ni kanabi-nabihan siga tunaꞌ da yaꞌ gi binakbul ni jaman da. Sakayi da binakbul, noy ni sinōng na, yana ni angkat-angkatan tabi na situ batnaa. Batan bohoꞌ luu bay pinapitu pa junyaꞌ tukang nalamat looy siꞌ, yana Almasi. Pag-anu, luu na umanat mahap pasal iya bay pinasaplag ningkaam meꞌ siga jama ma ginaosan meꞌ Rū Sutsiꞌ, yana Rū Tuhan bay pinapitu man sulgaꞌ. Siga pakaradjaan ma bay sabbut ku siꞌ, minsan siga malaikat magkainagon du kahati banahan.

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

1 Yahiya 3:18

Sangkon siga anak, daa kita maaseꞌ ni bitsala jaꞌ atawa ni kuwit tōng sadjaꞌ. Arapun subay du takita aseꞌ ta ni tangge-tingkōꞌ ta batan inaa aseꞌ sabanna.