2 Korin 6:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Tamūd llagpiꞌ kami sampay njīl. Tamūd llān kami meꞌ siga baanan jama hiluhalaꞌ nguntra kami. Sarī gi, daran yaꞌ luu kahali kami hangat kami maghulas-sangsāꞌ masampay umanat mahap. Tamūd natas na jaꞌ kami yaꞌ tuli timpus dambahangi sampay naggaan lingantu.

2 Korin 6:5 ပူးပေါင်းရင်းမြစ်များ

Matiyu 14:10

Dari lay du sohoꞌ na pinonggolan kallong si Yahiya ndooy njawom jīl.

Matiyu 14:3

Ngkon ilay Gubnul Herod bay mitsala meꞌ looy sabap hanggaw na ya pagka iya bay nohoꞌ si Yahiya sinungkuban sampay iningkotan boꞌ njīl. Kon na ilay bay nungkub sabap daran ya bay sinahawi meꞌ si Yahiya pasal kalaatan na bay ngagaw nda ariꞌ na si Pilip binuwat nda na. Awon danda looy siꞌ si Herodiyas.

Matiyu 9:15

Pag tampung si Isa, lay ya ngandalil siga mulit na pa jama ngaluruk ni pangawinan, yuk na, “Yaꞌ bilay sikatuwaꞌ bong siga luruk ni pangawinan puwasa halloman pangantin ma lalla masi dambuwaꞌ ka sila. Sugaꞌ luu du sina mintu masa man pangantin ma lalla llakkahan na mman da. Ni masa looy ilay mintu, bohoꞌ da pataꞌ yaꞌ na nginum atawa mangan ni kabasag lindu da.”

Salsila siga Rasul 13:3

Dari siꞌ pus da bay puwasa ka maku duwaa pa Tuhan, lay na sila nappak bumbunan ga si Balnabas ka si Sol muwanan sila kapatut. Pag-anu, lay na sila sinohoꞌ ngalataan lahat masaplag.

Salsila siga Rasul 14:19

Na sasang ga si Pol masi ndooy ni Listra, luu na baw takka siga Yahudi lakka man Antiyok ka man Ikoniyum. Sasang da ndooy, meka na baw jama bay takoleꞌ da binoo-boo mmeꞌ ninsila nulang ga si Pol. Dari lay na ga paglupung-lupungan da si Pol hiniyak ka batu. Pag ndaꞌ da meꞌ bantuk lay na matoy si Pol, lay na guyud da pa poan daira looy, boꞌ lay jaꞌ mbanan da.

Salsila siga Rasul 14:23

Na ni siga daira looy siꞌ man da bay pilay, ninggai-ninggai luu baanan sukuꞌ si Isa, lay sila binoo meꞌ si Pol ka si Balnabas kumpo-kumpo. Boꞌ lay gi sila puwasa ka maku duwaa pa Tuhan. Pus meꞌ looy, lay na baw ga si Pol nguwakilan kasohean sila binuwat siga pa-mmean. Pag-anu, boꞌ ga si Pol makuhan siga pa-mmean looy ka sikamimon ndiyoan da duwaa mari sila inayaran meꞌ Papuꞌ Isa ma kinapitsayaan na meꞌ da.

Salsila siga Rasul 17:5

Sugaꞌ kasohean Yahudi ndooy, pag ndaꞌ da meka na jama pitsayaꞌ ni tōꞌ si Pol, takkahan dangkiꞌ na baw. Dari bbuwatan da ngumpo siga jama maat binoo hiluhalaꞌ ni sikaliput daira looy. Maka lay gi sila pa lumaꞌ disu lalla inawnan si Jason man da miha si Pol ka si Saylas. Maksud da moo sila pa poan pa jawom baanan jama ndooy.

Salsila siga Rasul 20:31

Sangkon, amay-amay iyakin kam. Daa takupan bi bay tōꞌ ku ningkaam. Njawom tallun taun, llaw-sangom yaꞌ na bay luu hantiꞌ ku noan kaam kabanahan saliꞌ-saliꞌ. Sampay lay na ga latak boheꞌ mata ku ni kabasag luuy ku ningkaam.

Salsila siga Rasul 23:10

Na pag sikapasuꞌ jaꞌ ga Parisi ka ga Saddusi ndooy, hanggaw na komandel looy taggahaꞌ salik-manalik na baw baran si Pol meꞌ da. Dari lay sohoꞌ komandel looy llakkahan si Pol mandooy, boꞌ nohoꞌ binoo pabeleng pa kampu ni siga sundalu na.

Salsila siga Rasul 23:35

Yuk gubnul niiya, “Pag mintu takka na siga jama ma ngandiklamu kau, bungka ku na palkalaꞌ nu.” Pag-anu siꞌ, lay na sohoꞌ na njagahan si Pol ndooy ni astanaꞌ bay pabuwat Sultan Herod.

Salsila siga Rasul 24:27

Na paddus duwan taun, lay na ginantian si Pilik maggubnul meꞌ si Polsiyus Pestus. Sugaꞌ pagka Gubnul Pilik doman nulut siga Yahudi, masi du yaꞌ bay pōꞌ na si Pol man jawom jīl.

Salsila siga Rasul 26:10

Dari daran ku naggaꞌ sila ndooy ni Jerusalem. Ni kapatut bay dean siga imam langkaw niyaku, meka na sagannap ma mmeꞌ ni si Isa bay njīl meꞌ ku. Boꞌ lay gi ku ngaminan sagannap ma motangan sila hukuman kapatoy.

Salsila siga Rasul 26:29

Tampung si Pol, “Deꞌ-dēꞌ atawa niyaꞌ, paku ku baw duwaa pa Tuhan, kamura-murahan Ampun Sultan, labba man kau sampay na mimon ma pakale ntuu sumibuꞌ na niyaku mmeꞌ ni si Isa. Sugaꞌ kamura-murahan yaꞌ du kam mintu sumibuꞌ niyaku pinusas ka karina meꞌ tuu.”

Salsila siga Rasul 28:30

Na si Pol siꞌ tu, luu duwan taun halloman na bay tamban ni lumaꞌ looy ma bay sukayan na. Maka luu-luu jama luꞌ pilay ngandaꞌ-ngandaꞌ iya, lay jaꞌ du hinasi meꞌ na.

Salsila siga Rasul 5:18

Dari lay sohoꞌ da sinungkuban, boꞌ njīl.

1 Korin 15:10

Sugaꞌ san meꞌ looy, lay gi ku dari rasul man sabapan aseꞌ Tuhan niyaku. Boꞌ aseꞌ na ina yaꞌ du bay pasensengan ku sabap labi gi tuyuꞌ ku maghulas-sangsāꞌ kalnaꞌ si Isa man mimon pagkahi ku rasul na. Sugaꞌ saꞌ du baw silay ni kabasag gaos ku, arapun man gaos Tuhan ni jataꞌ ku.

1 Korin 4:11

Ngabut sampay batnaa, daran gi kami kalingantuhan sampay katohoan kallong. Boꞌ kulang pamakoy lagi kami. Daran kami llagpiꞌ, boꞌ yaꞌ san luu lumaꞌ kami.

1 Korin 7:5

Sangkon, daa na kam sisaggaꞌ-saggaꞌ ka dawom soheꞌ bi sitampu. Sugaꞌ bong baw luu pagsulutan bi naggaan napsu bi sabap luu san lasa dangoy ngallaw bay pagniyatan bi man maku duwaa, dari san kam yaꞌ na doꞌ sitapit. Sugaꞌ pag lupus waktu meꞌ looy, subay du kam siduwan-duwan dawom, taggahaꞌ yaꞌ na taagak bi dī bi sampay man bi takoleꞌ sinasat meꞌ Ibilis.

2 Korin 11:27

Min meka na situ ku bay lumingkaꞌ lamma banahan hangat magtuyuꞌ kalnaꞌ Tuhan. Daran ku bay pingkaꞌ yaꞌ tuli timpus dambahangi. Kansang gi ku bay naggaan lingantu sampay tohoꞌ kallong. Daran gi ku bay kakatisan balanjaꞌ sampay natasan tanne, boꞌ kulang pamakoy gi ku.

Epesus 3:1

Dari kalnaꞌ kaam siga bangsa saꞌ Yahudi, itu na ga ku lay tajīl sabap meꞌ ku bay masaplagan kaam kabanahan pasal si Isa Almasi.

Pilipi 1:13

Batan sikamimon ntuu sampay siga sundalu ma nganjagahan astanaꞌ sultan, katoonan da na danan ku bay tajīl isu-isu sabap meꞌ ku masaplag pasal Almasi.

1 Tesaloneka 2:9

Siga danganakan, tamasa bi na du silay bay jaman kami masaplag umanat mahap man Tuhan ni daira bi, yaꞌ du bay man bi tiksaꞌ. Batan sangom-llaw na kami bay magtuyuꞌ ngusahān dī kami bong pin yaꞌ jaꞌ kam paya malanjaan kami.

1 Timuti 4:10

Sangkon magtuyuꞌ-tuyuꞌ na pin kita maghulas-sangsāꞌ masampay umanat mahap man Tuhan. Batan tatantu ta Tuhan sabanna ma llum saumu-umu poonan kasalamatan para mimon manusiyaꞌ. Boꞌ mastiꞌ sinalamat jaꞌ sina meꞌ na mimon ma pitsayaꞌ ni si Isa Almasi.

2 Timuti 1:8

Sangkon daa na ko tawu maan jama pasal Papuꞌ ta. Damikiyan, daa na du ko tawu mangaku ga aku soheꞌ nu sukat ku njawom jīl. Gam pin, magpalapay na ko niyaku natasan oy-oy kamalasahiyan kalnaꞌ umanat mahap pasal Papuꞌ ta. Ndang-ndang luu du kawasa Tuhan nganggaosan kita.

2 Timuti 2:9

Salla na, sabap meꞌ ku masaplag, daran na ga ku bininsanaꞌ. Sampay lay na ga taabut man ku tatalungkuꞌ njawom jīl binuwat subay ga jama tukang ngalangga saraꞌ. Sugaꞌ san itu ku pinusas ka karina, bong inawnan umanat Tuhan, basta yaꞌ baw sina takoleꞌ kinarinahan.

2 Timuti 4:5

Na kuwan kau Timuti, subay ko wā ngagak dī nu ni mimon kahalan nu. Bong ko tumabbaꞌ njawom kamalasahiyan kalnaꞌ Papuꞌ, tatasan nu jaꞌ. Pagbuli-bulihan nu masaplag umanat mahap pasal si Isa. Pajatuhun na mimon ma bay hinalap meꞌ Tuhan ningkau.

Hibrani 11:36

Luu gi silay kasohean, sabapan pangando da, bay lumingkaꞌ binuwat kalabbiyan sampay llagpiꞌ. Kasohean pinusas na ga ka karina sampay tajīl gi.

Hibrani 13:17

Asipun bi siga pa-mmean bi sukuꞌ si Isa. Lillaꞌ jaꞌ kam ninsila batan sila ina ngayaran kaam mari sambu nyawa bi. Maka katoonan da du sina, luu jaꞌ masa ni sinōng paawop na sila pa Tuhan magsabanna bong pooy meꞌ da bay buwat ilooy ma bay sinukuꞌ ninsila. Dari bong ina bean bi jaꞌ sila, mastiꞌ gāk du sila ngayaran kaam. Sugaꞌ bong ina niyaꞌ, susa sina sila. Boꞌ na, kalugian gi ningkaam.

Hibrani 13:23

Na mari katoonan bi pasal danganakan tabi si Timuti, lay na ya pinōꞌ man jawom jīl. Bong ilay ya takka du pitu deꞌ-dēꞌ, malaingkan boo ku sa ya pilu ngandaꞌ-ngandaꞌ kaam.

Siga Pakaradjaan bay Pinalahil 2:10

Na mari katoonan bi, luu gi sina mintu kabinsanaan mehe tuwaꞌ njataꞌ bi. Kasohean kam ina tajīl man kapandoyan Ibilis. Sinuwayan sina mintu pangando bi niyaku. Njawom sapū ngallaw yaꞌ sina luu hantiꞌ laug njataꞌ bi. Sugaꞌ daa kam tawu. Magkanaalla jaꞌ kam mmeꞌ niyaku san gi man bi matoy, boꞌ bi sa tungbasan ku ka kaallum ma yaꞌ luu katapusan na.