2 Korin 6:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Kainagon kami ni mimon tangge-tingkōꞌ kami tumatandaꞌ ni jama bana-bana kami sosohoan Tuhan. Inaa sina kon kami natasan jinisan kabinsanaan, kamalasahiyan ka kasusahan.

2 Korin 6:4 ပူးပေါင်းရင်းမြစ်များ

Lukas 21:19

Basta ina natas jaꞌ pangando bi niyaku san gi oy katiksaan tuwaꞌ ningkaam, mastiꞌ sampulnaꞌ jaꞌ sina nyawa bi saumu-umu.

Yahiya 16:33

Ni junyaꞌ tuu tu, mastiꞌ lumingkaꞌ jaꞌ sina kam ni jinisan kamalasahiyan. Sugaꞌ pagakun bi jaꞌ atay bi batan lay na situ ku tumanjataꞌ man mimon kasusahan njawom junyaꞌ. Aku ilay bay maan kaam ilooy siꞌ labbasakayi supaya sannang na atay bi man sabapan pagkatibuuk bi ka aku.”

Salsila siga Rasul 2:22

Na lupus jaꞌ siꞌ si Pitel bay maintoman sila palman looy siꞌ, yuk na, “Kaam, siga pagkahi ku bangsa Israil, pakalehun bi doꞌ bitsala ku. Paintoman ta doꞌ kam pasal si Isa, lalla looy man Nasaret ma bay pinapitu meꞌ Tuhan. Tuhan ilay bay mōꞌ buktiꞌ si Isa lakka man iya batan luu na pin ya nganggaosan iya buwat jinisan pabuwatan kahaylan-haylan ka sipat kawasa. Kaam pun ina, katoonan bi na du bana bitsala ku batan meka sipat kawasa bay pabuwat si Isa ni pag-awpan bi.

Salsila siga Rasul 20:34

Tamasa bi na du aku bay ngusaha ka tangan ku mismu bong pin luu jaꞌ man kami magkaalluman ka ga soheꞌ ku.

Salsila siga Rasul 9:16

Baan ku sa ya, mastiꞌ lumingkaꞌ jaꞌ sina ya mintu njawom jinisan kabinsanaan sabap meꞌ na masaplag pasal aku.”

Suwat si Pol pa mman Baanan Sukuꞌ si Isa ndooy ni Rom 14:18

Na sagannap ma makutuꞌ hāl meꞌ looy sambayan da ngisbat Almasi, mastiꞌ kinahopan jaꞌ sina meꞌ manusiyaꞌ awla na Tuhan.

Suwat si Pol pa mman Baanan Sukuꞌ si Isa ndooy ni Rom 16:10

maka ni si Apelles ma tumatandaꞌ magkanaalla mmeꞌ ni si Isa. Maka salam duwaa du ni siga jama lumaꞌ si Aristobol

Suwat si Pol pa mman Baanan Sukuꞌ si Isa ndooy ni Rom 3:5

Na adakala yuk kasohean na baw mintu, “Mangkin kita buwat kalaatan, mangkin tumampak na kaintongan Tuhan sampay man na na sinanglitan. Dari bong kalaatan ta poonan man Tuhan sinanglitan, ongoy taggahaꞌ subay na pin kita minulkaan?” Sugaꞌ baan ta kam banahan, bitsala meꞌ looy ilay, karupangan jaꞌ lakka man akka manusiyaꞌ.

Suwat si Pol pa mman Baanan Sukuꞌ si Isa ndooy ni Rom 5:8

Boꞌ Tuhan ina, tandaꞌ ehe aseꞌ na ningkitabi, lay na ga bay pinaglillaꞌ meꞌ na Almasi pinapatoy kalnaꞌ kitabi jaman tabi masi gi baldusa.

1 Korin 3:5

Doꞌ kam bi. Soy doꞌ itu kami ka si Apolos? Kami bitu sosohoan sadjaꞌ ma bay mitsalahan kaam supaya kam pitsayaꞌ ni si Isa. Kami itu dangoy na, buwat jaꞌ kami saliꞌ-saliꞌ ma bay sinukuꞌ meꞌ Papuꞌ ningkami.

1 Korin 4:1

Dari meꞌ halling sambat ku na siꞌ, kuwan kami ma noan kaam, subay ingatun bi saliꞌ-saliꞌ du kami sosohoan Almasi sadjaꞌ. Maka saliꞌ-saliꞌ du kami bay sinukuan meꞌ Tuhan nohoꞌ masampay kabanahan ma yaꞌ gi bay tumampak kamaatunan na maruhuꞌ.

1 Korin 9:11

Dari pagka kami bay muwanan kaam balanjaꞌ nyawa bi, saꞌ ba, sapatut na, subay du kam muwanan kami san lasa balanjaꞌ baran kami?

2 Korin 11:23

Bong yuk da sosohoan Almasi sila, labi na aku. Na bong siꞌ itu yaꞌ talpaksaꞌ, subay ga ku jama yaꞌ luu honaꞌ-honaꞌ na magpabantug meꞌ tuu. Para na pin, bana du bitsala ku. Pooy-pooy jaꞌ ina meꞌ guru bi bay maghulas-sangsāꞌ kalnaꞌ Almasi, basta yaꞌ baw ina sila lumabi man aku. San du sila min dangoy bay tajīl kalnaꞌ iya, basta yaꞌ baw sina lumabi man niyaku. Maka bong ni hāl lagpiꞌ, basta min meka gi niyaku. Kansang gi ku nontongan kapatoy ku.

2 Korin 11:27

Min meka na situ ku bay lumingkaꞌ lamma banahan hangat magtuyuꞌ kalnaꞌ Tuhan. Daran ku bay pingkaꞌ yaꞌ tuli timpus dambahangi. Kansang gi ku bay naggaan lingantu sampay tohoꞌ kallong. Daran gi ku bay kakatisan balanjaꞌ sampay natasan tanne, boꞌ kulang pamakoy gi ku.

2 Korin 11:9

San ku bay kakatisan balanjaꞌ hallang-hallangan looy, yaꞌ du ku bay pingkaꞌ maku hasil mman bi, batan luu na baw bay takka siga danganakan tabi lakka man Masidunya bay nulung aku. Dari labba man sibuwa sampay batnaa, sabuli-buli ku naggaꞌ yaꞌ maku hasil bong pin yaꞌ jaꞌ kam sigpit sabapan ku. Damikiyan, sumawung-sumilan, masi du sina meꞌ naa meꞌ ku ka kaam.

2 Korin 12:10

Sangkon, magsuku na du ku san yaꞌ luu kawasa ku ni dī ku, san ku pinadiyoꞌ, nilaugan, sampay njawom katiksaan kalnaꞌ Almasi. Batan mangkin yaꞌ luu kawasa ku, mangkin na takka kawasa Almasi njataꞌ ku.

2 Korin 12:12

Bong siꞌ taintom bi bay jaman ku nnaa natasan kabinsanaan, tumatandaꞌ na pagkarasul ku. Batan jinisan pabuwatan kahaylan-haylan maka sipat kawasa Tuhan bay takita bi njataꞌ ku.

2 Korin 2:17

Kahapan, man tabang Tuhan, takaya kami na. Salla na, meka na batnaa yaꞌ kanaalla masaplag umanat Tuhan. Ilooy du puhung da sīn. Boꞌ ningkami itu, yaꞌ baw tapiki kami meꞌ naa. Ilu na Tuhan pakale-kale, tud hilas situ meꞌ kami masaplag. Meꞌ kami itu sosohoan Tuhan sampay tibuuk ka Almasi, mastiꞌ kanaalla sadjaꞌ umanat kami.

2 Korin 3:6

Maka Tuhan du sina nganggaosan kami masaplag pagsulutan bahau ni antaraꞌ iya ka manusiyaꞌ mari jama mahap na niiya. Ni pagsulutan bahau ina, Rū Sutsiꞌ ndean meꞌ Tuhan ni manusiyaꞌ. Boꞌ ni pagsulutan sibuwa, saraꞌ bay ndean ni manusiyaꞌ. Ni pagsulutan sibuwa ina, bong jama doman mahap na pa Tuhan, subay bogbogan da sara. Salla na, ilooy du takoleꞌ jama man saraꞌ yana katiksaan nyawa batan yaꞌ luu kabogbog labbasakayi. Boꞌ ni pagsulutan bahau ina, koleꞌ na kitabi kaallum bahau sampay kasampulnaan nyawa saumu-umu man sabapan Rū Sutsiꞌ.

2 Korin 4:17

Na siga kabinsanaan ma tatasan tabi itu batnaa, tabilang maggaan du bong binista ka ehe kabantugan ma ngagad kitabi. Kabantugan looy ilay mintu natas samumu-umu, boꞌ kabinsanaan njataꞌ tabi batnaa pingkaꞌ jaꞌ du.

2 Korin 4:2

Lay na labbahan kami mimon pabuwatan kaiyaꞌ-iyaꞌ ma subay na pin tinapuk. Dari yaꞌ situ kami ngandupang jama atawa pun nabid isi umanat mahap ma bay hinalap ningkami meꞌ Tuhan. Isu-isu kabanahan pasampay kami. Bong siꞌ ina jama bonto, basta tabista da jaꞌ situ bana bitsala kami. Lagiꞌ na, katoonan Tuhan du sina.

2 Korin 4:8

Dari man kawasa Tuhan, minsan kami daran tumabbaꞌ njawom kabinsanaan kayli-kawnan, yaꞌ du kami takoleꞌ llappiꞌ. San tamūd sobot pamiki kami, yaꞌ du tungkas iman kami.

2 Korin 7:11

Boꞌ kaam ina, sabapan kasusahan bay takissa bi man sabapan bay suwat ku, meka na njawom atay bi lay tahalin meꞌ Tuhan pa kaayaran. Batan sabapan susa atay bi, basag na kam makutuꞌ kaintongan. Maka lay na ga kam dugahan ni dī bi sabapan bay kadarihan bi. Maka lay gi pasōng meꞌ bi tawu pa Tuhan. Sarī gi, lay na kam magtuyuꞌ magpahāp ningkami awla na pa Tuhan. Boꞌ na, lay du kam magti deꞌ-dēꞌ naup bay kasaan bi, batan lay na kam magti midjalaꞌ jama looy ma bay buwat dusa ni baanan bi. Sangkon tumatandaꞌ na yaꞌ na luu susun njataꞌ bi.

Kolossa 1:11

Maka kamura-murahan binuwanan du kam meꞌ Tuhan gaos lakka man kawasa na ma yaꞌ luu sibuꞌ sabanding na. Dari san gi oy katuwaꞌ ningkaam, katatas kam maka masi na pin kam gāk. Sarī gi, patahaꞌ na pin pasensiya bi.

Kolossa 1:24

Na san ku tu batnaa tiksaꞌ sabap meꞌ ku wā masaplag, yaꞌ du tu lungay kagakan ku. Kon meꞌ looy batan lay jaꞌ du bay pa kaayaran ningkaam. San pun Almasi, bay du lumingkaꞌ njawom jinisan kamalasahiyan kalnaꞌ siga sukuꞌ na. Pag batnaa, aku na baw pagantiꞌ niiya ngissahan kamalasahiyan kalnaꞌ sagannap ma pitsayaꞌ niiya, yana kitabi ma binilang baran na.

1 Tesaloneka 3:7

Pag lay jaꞌ kami katuntutan masi hallot pangando bi, siga danganakan, inaa na man kami kagamgaman. Dari san kami njawom jinisan kasusahan ka kabinsanaan ntuu, tud gāk kami.

1 Tesaloneka 5:14

Maka siga danganakan, tugun kami na ningkaam, sohoun bi na buwat sagannap ma hūk nnaa. Kuwan siga pagkahi bi ma hanggaw, buwansangan bi mari pahallot pangando da ni Papuꞌ. Sagannap ni baanan bi ma yaꞌ gi taggu iman da, tabangan bi na pin. Maka subay tahaꞌ pasensiya bi ni sikamimon.

1 Timuti 2:15

Inaa na sina kon karandahan kabisahan maddi. Sugaꞌ masi du baw ina sila salamat pa Tuhan bong yaꞌ du labbahan da pangando da ni si Isa, ka aseꞌ da, sampay kasutsian da ma tumatandaꞌ ni hatu kawul-piil da.

1 Timuti 4:6

Na bong itu pasampay nu du bay bitsala ku siꞌ ni siga danganakan ta nnaa, malaingkan kau sosohoan si Isa Almasi kanaalla. Maka sasang nu nōꞌ kabanahan ma kinapitsayaan meꞌ ta sampay mmeꞌ ni tōꞌ ayad ma ndang binean meꞌ nu, mastiꞌ pasambu nu na nyawa nu.

1 Timuti 6:11

Sangkon Timuti, meꞌ kau disu lalla pinakoy meꞌ Tuhan, amay-amay palawak ko man kalaatan meꞌ looy. Iya pakutuun meꞌ nu buwat na pin kaintongan, meꞌ nu ngikut arat-tabiat Tuhan, sampay meꞌ nu mangando niiya ka maaseꞌ ni jama. Maka bila ko njawom kabinsanaan, tatasan nu na jaꞌ maka poun na pin lammaꞌ pangatayan nu.

2 Timuti 1:8

Sangkon daa na ko tawu maan jama pasal Papuꞌ ta. Damikiyan, daa na du ko tawu mangaku ga aku soheꞌ nu sukat ku njawom jīl. Gam pin, magpalapay na ko niyaku natasan oy-oy kamalasahiyan kalnaꞌ umanat mahap pasal Papuꞌ ta. Ndang-ndang luu du kawasa Tuhan nganggaosan kita.

2 Timuti 2:24

Boꞌ inawnan sosohoan Papuꞌ ina, yaꞌ dari sasaꞌ. Subay ya magpahāp ni sikamimon maka pandoy noan jama. Maka subay du tahaꞌ pasensiya na.

2 Timuti 4:5

Na kuwan kau Timuti, subay ko wā ngagak dī nu ni mimon kahalan nu. Bong ko tumabbaꞌ njawom kamalasahiyan kalnaꞌ Papuꞌ, tatasan nu jaꞌ. Pagbuli-bulihan nu masaplag umanat mahap pasal si Isa. Pajatuhun na mimon ma bay hinalap meꞌ Tuhan ningkau.

Hibrani 12:1

Na pagka meka jama mattoꞌ bay dari suntuan ayad ningkitabi sabap meꞌ da mangando pa Tuhan, sabuli-buli tabi ngakig sila. Maka labbahan tabi na dusa tabi sampay oy-oy na pin ma kasanggalang ningkitabi buwat kahandak Tuhan. Bong dalil ta pa jama maglumbaꞌ sonse, subay lakkahan tabi oy-oy kahabo ningkitabi supaya kitabi katatas sonse ni lān ma bay sinukuꞌ meꞌ Tuhan ningkitabi.

Siga Pakaradjaan bay Pinalahil 1:9

Na ni kapasal aku itu ma nuwat, meꞌ halling sambat ku na siꞌ, aku itu si Yahiya, disu danganakan bi meꞌ kaam du tibuuk ka Papuꞌ Isa. Aku itu sibuꞌ du ka kaam bininsanaꞌ. Saliꞌ-saliꞌ du kitabi natasan laug ma tuwaꞌ ni sagannap ma tabeꞌ ni pamarinta Tuhan. Lay situ ku tasungkub sampay luu na ku bay binoo pitu tinahan ni nusa Patmos. Kon ku bay tasungkub sabap meꞌ ku bay masaplag palman Tuhan ka umanat pasal si Isa.

Siga Pakaradjaan bay Pinalahil 3:10

Pagka kam tattap mean bitsala ku nohoꞌ natasan kabinsanaan kalnaꞌ awon ku, agpangan ta sa kam mintu pag taabut luu katiksaan ni mimon kalahat-lahatan. Batan song takka na sina katiksaan mehe ma nuwayan iman mimon manusiyaꞌ taꞌ babaw junyaꞌ.