2 Korin 6:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Yana meꞌ Almasi yaꞌ luu kabigiꞌ-bigian na ni tabiat Ibilis, damikiyan, kitabi pun ina ma pitsayaꞌ ni Almasi yaꞌ du sina luu kabigiꞌ-bigian tabi ni tabiat jama ma yaꞌ pitsayaꞌ niiya.

2 Korin 6:15 ပူးပေါင်းရင်းမြစ်များ

Malkus 16:16

Soysoy ina pitsayaꞌ niyaku sampay bay pinandi, malaingkan salamat na ya. Sugaꞌ soysoy ina yaꞌ pitsayaꞌ, kalabuan du sina hukuman Tuhan.

Salsila siga Rasul 5:14

Sugaꞌ san meꞌ looy, paeka boꞌ paeka na pin manusiyaꞌ, danda-lalla, pitsayaꞌ na ni Papuꞌ Isa. Sampay lay na du sila matabeꞌ dī da ni siga sukuꞌ na.

Salsila siga Rasul 8:20

Sugaꞌ gam pin lay gi ya pinahallingan meꞌ si Pitel, yuk na, “Tanalkaꞌ sina ko mintu sampay sīn nu! Kau bitu, kanna nu taballi-balli nu ka sīn ladjikiꞌ ma dean Tuhan.

1 Korin 6:6

Kaam ina, inawnan baw kam danganakan, sugaꞌ kaam na baw pagkahi sipalkalaꞌ-palkalaꞌ! Boꞌ ilooy gi laat na, tuhiyan bi lagi palkalaꞌ bi nohoꞌ hinukum ni siga saraꞌ ma yaꞌ san pitsayaꞌ ni si Isa!

1 Timuti 5:8

Batan bong ina luu ma pitsayaꞌ ni si Isa yaꞌ san ngayaran paglūng na, awla na jama lumaꞌ na, mastiꞌ lay na labbahan na tōꞌ sabanna ma kinapitsayaan meꞌ tabi. Boꞌ na, maat gi ya man laanat.

1 Pitel 1:21

Dari sabapan pabuwatan Almasi, pitsayaꞌ na kam pa Tuhan ma bay makallum Almasi pabalik sampay lay muwanan iya kabantugan mehe. Dari tattog na pangando bi pa Tuhan maka luu na pag-asa bi koleꞌ mimon ma bay janjiꞌ Tuhan ni sukuꞌ na.