2 Korin 6:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Na siga danganakan kami nnaa ni Korin, kami itu mitsala, yaꞌ luu sinipuk njawom atay kami, batan tud maaseꞌ kami ningkaam.

2 Korin 6:11 ပူးပေါင်းရင်းမြစ်များ

Salsila siga Rasul 18:1

Pag-anu, lay na lakka si Pol man Aten, boꞌ na pilay pa Korin.

Salsila siga Rasul 18:8

Pag-anu, yaꞌ hallom, kuwan pa-mmean langga looy, yana si Kirispus, lay na du mmeꞌ pitsayaꞌ ni si Isa sampay na mimon jama lumaꞌ da. Maka meka na jama ni Korin ma bay kale umanat si Pol lay na du pitsayaꞌ ni si Isa sampay lay na pinandi.

2 Korin 12:15

Gāk du situ ku magtuyuꞌ-tuyuꞌ kalnaꞌ kaam san gi man sīn ku katis sampay anggawtaꞌ ku bong pin sambu jaꞌ nyawa bi. Sugaꞌ tilaw ta teꞌ kam, meꞌ tuu na tamba-manamba na aseꞌ ku ningkaam, sikatuwaꞌ kina bong subay gi maglumba aseꞌ bi niyaku?

2 Korin 2:4

Jaman ku bay nuwatan kaam, lassa hansu na ga atay ku susahan kadarihan bi nnaa, sampay lay na ga ngattap boheꞌ mata ku. Kamura-murahan tabista bi du maksud ku bay nuwat man makitahan kaam ehe aseꞌ ku ningkaam, saꞌ ga man masusahan kaam.

Galatiya 3:1

Kuwan kaam baw nnaa ni Galatiya, subay ga kam jama yaꞌ luu panayu bi. Meꞌ bay na kam hinikmatan. Batan tatammu bi na baw ga mmeꞌ-mmeꞌ ni jama nnaa ma māꞌ subay bogbogan bi saraꞌ agama Yahudi boꞌ bi dari initung intong. Boꞌ ko, isu-isu kapatoy Almasi taꞌ tehang poonan manusiyaꞌ initung intong. Tud tallak na bilay la meꞌ ku bay mahatiyan kaam.

Galatiya 4:12

Sangkon siga danganakan, junjung ku na ningkaam, akigun bi jaꞌ ku mari kam meꞌ aku na du paddus na man sakup saraꞌ bangsa Yahudi. Bong siꞌ taintom bi jaman ku nnaa mman bi, lay jaꞌ ku buwat dī ku meꞌ karuha kaam ma yaꞌ ngantanan saraꞌ Yahudi. Siga danganakan, yaꞌ situ takupan ku ayad meꞌ bi bay buwat aku jaman ku nnaa.

Epesus 6:19

Damikiyan aku pun, pakuhan bi du baw ku duwaa supaya ku binuwanan meꞌ Tuhan bitsala hantap bila ku magnasihat. Maka pakuhan bi ku duwaa supaya ku tawakka masaplag umanat mahap ma yaꞌ gi bay kinatoonan meꞌ jama maruhuꞌ.

Epesus 6:8

Katoonan bi du sina, oy-oy jaꞌ kaayaran pabuwat tabi, mastiꞌ tinungbasan du meꞌ Papuꞌ Isa, saꞌ biddaꞌ bong kitabi ata atawa ssaꞌ.

Pilipi 1:8

Ilu na Tuhan pakale-kale, tud mehe sina meꞌ ku ngintom ningkaam sikamimon, batan ssob ku meꞌ aseꞌ si Isa Almasi ningkaam.

Pilipi 4:15

Sibuwa ku masaplag umanat mahap nnaa ni Masidunya, taintom bi du silay, pag lakka ku, yaꞌ luu baanan sukuꞌ si Isa bay nulung aku sarī man kaam nnaa ni Pilipi.

Siga Pakaradjaan bay Pinalahil 22:12

Pag-anu, yuk Papuꞌ Isa, “Iyakin kam batan tapit na sina katakka ku. Pag takka ku, tungbasan ku na sina mintu sikamimon manusiyaꞌ magpataꞌ ka bay pabuwatan da.