2 Korin 5:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Kitabi itu, ndang lay na sinaddiya meꞌ Tuhan koleꞌ baran lakka man sulgaꞌ. Lagiꞌ na, Tuhan du sina bay maasok Rū Sutsiꞌ ningkitabi, yana buktiꞌ man tabi kasiguru koleꞌ mimon bay sinukuꞌ ningkitabi bbos-bbos.

2 Korin 5:5 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 8:23

Kitabi pun itu, meꞌ sapantun ngandahing na du, batan landuꞌ na meꞌ tabi magdautan llaw man baran tabi pinabahauwan. Bana na, lay na kitabi pinaasokan Rū Tuhan, yana sabahagiꞌ ni mimon supaat ma bay duhuꞌ pinamuwan meꞌ Tuhan ningkitabi. Sugaꞌ masi du kitabi magdautan llaw man Tuhan malahil kajatuhan mimon supaat ma ndang bay hinallian siga anak na.

2 Korin 1:22

Damikiyan iya na du sina bay maasok Rū Sutsiꞌ pa jawom atay tabi tandaꞌ sukuꞌ na na kitabi. Boꞌ Rū Sutsiꞌ ina yana buktiꞌ man tabi kasiguru koleꞌ mimon ma bay njanjiꞌ meꞌ Tuhan ni sukuꞌ na.

2 Korin 4:17

Na siga kabinsanaan ma tatasan tabi itu batnaa, tabilang maggaan du bong binista ka ehe kabantugan ma ngagad kitabi. Kabantugan looy ilay mintu natas samumu-umu, boꞌ kabinsanaan njataꞌ tabi batnaa pingkaꞌ jaꞌ du.

Epesus 2:10

Sugaꞌ saꞌ baw ina ga yaꞌ na puntukan hāl meꞌ buwat mahap. Arapun Tuhan bay muwanan kitabi kaallum bahau njawman si Isa Almasi supaya tabi buwat siga pabuwatan mahap. Batan ndang inaa bay garaꞌ na ningkitabi.

Epesus 4:30

Maka daa pasusahun bi Rū Sutsiꞌ ka kawul-piil ma naggaꞌ ni kahandak na. Iya ina yana katakkoan man tabi katantu sukuꞌ Tuhan na kitabi. Maka iya du sina katakkoan man tabi katantu mastiꞌ pinaddusan jaꞌ kitabi man mimon kalaatan junyaꞌ bbos-bbos.

1 Yahiya 3:24

Soysoy ngasip ni siga panohoan Tuhan, tattog ya ni Tuhan maka Tuhan pun tattog du niiya. Man tabi toon tattog Tuhan ningkitabi man sabapan Rū na ma bay patannaꞌ na njawom atay tabi.