2 Korin 5:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Halloman tabi itu pahantiꞌ ni baran tabi batnaa, dari ko ngawon, ngandahing na kitabi sabap meka kasusahan tabi. Sugaꞌ saꞌ baw tu ga hatiyan na doman na kitabi matoy. Sat na jaꞌ, agon yaꞌ na kitabi kaagad masa man baran tabi ma kuhi gi matoy ginantian ka ilooy ma llum saumu-umu.

2 Korin 5:4 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 8:23

Kitabi pun itu, meꞌ sapantun ngandahing na du, batan landuꞌ na meꞌ tabi magdautan llaw man baran tabi pinabahauwan. Bana na, lay na kitabi pinaasokan Rū Tuhan, yana sabahagiꞌ ni mimon supaat ma bay duhuꞌ pinamuwan meꞌ Tuhan ningkitabi. Sugaꞌ masi du kitabi magdautan llaw man Tuhan malahil kajatuhan mimon supaat ma ndang bay hinallian siga anak na.

1 Korin 15:51

Batnaa baan ta doꞌ kam hāl ma yaꞌ gi bay pinalahil meꞌ Tuhan maruhuꞌ. Ni katakka Almasi ina bbos-bbos, kasohean sukuꞌ na yaꞌ gi bay matoy, sugaꞌ mimon kitabi, ma llum ma matoy, pinabahauwan na.

2 Korin 5:2

Batnaa tu, dari ko ngawon, ngandahing na kitabi ni kaehe kainagon tabi koleꞌ lumaꞌ looy. Awnan ku ilay siꞌ yana baran bahau man sulgaꞌ.

2 Korin 5:3

Baran tabi ilay mintu man sulgaꞌ tadalil pa juba nyawa tabi mari kitabi yaꞌ taawnan nantang.

2 Pitel 1:13

Kon meꞌ looy batan tasayu ku yaꞌ na ku humallom ni junyaꞌ tuu. Man ku kasayu meꞌ looy batan bay pinalahil meꞌ Papuꞌ tabi si Isa Almasi niyaku. Dari padpad yaꞌ lagi ku bay limbu, sapatut na, paintoman ta na pin kam tōꞌ sabanna man ku mangun pamiki bi.