2 Korin 5:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Kitabi itu yana siga wakil Almasi. Sangkon bila kitabi mitsalahan jama, sibuꞌ du karuha tabi ka Tuhan mitsalahan sila. Halling tabi ninsila, “Junjung kami na ningkaam kalnaꞌ si Isa Almasi, tusun bi na lān man bi mahap na pa Tuhan.

2 Korin 5:20 ပူးပေါင်းရင်းမြစ်များ

Lukas 10:16

“Na kuwan kaam siga mulit ku, soysoy ina mintu ngahasi bitsala bi, saliꞌ du sila ka bay ngahasi bitsala ku. Soysoy nuwak kaam, saliꞌ du ka aku bay tuwak da. Maka soysoy nuwak aku, saliꞌ du sila ka nuwak ilooy ma bay mapitu aku.”

Lukas 14:23

“Pag-anu yuk bōs na, ‘Batnaa pilay na baw ko pa kadilehan. Lataan nu na siga lān mehe-dikiꞌ ndooy man nu miha jama. Pagbuli-bulihan nu mogos sila nohoꞌ mmeꞌ pitu mari pannoꞌ na lumaꞌ ku.

Yahiya 20:21

Pag-anu siꞌ, lay na baw si Isa halling pabalik, “Kasannangan ningkaam. Yana meꞌ Mmaꞌ ku bay mapitu aku nohoꞌ masaplag umanat mahap, damikiyan, sohoꞌ ta na du kam ngalataan lahat masaplag.”

Suwat si Pol pa mman Baanan Sukuꞌ si Isa ndooy ni Rom 5:10

Dan jinis meꞌ halling, bong jaman tabi masi lagi banta Tuhan, lay na kitabi mahap niiya sabapan kapatoy Anak na, labi na saꞌ kitabi sinalamat pagka llum na Anak na pabalik sampay tibuuk na kitabi ka iya.

2 Korin 12:10

Sangkon, magsuku na du ku san yaꞌ luu kawasa ku ni dī ku, san ku pinadiyoꞌ, nilaugan, sampay njawom katiksaan kalnaꞌ Almasi. Batan mangkin yaꞌ luu kawasa ku, mangkin na takka kawasa Almasi njataꞌ ku.

2 Korin 3:6

Maka Tuhan du sina nganggaosan kami masaplag pagsulutan bahau ni antaraꞌ iya ka manusiyaꞌ mari jama mahap na niiya. Ni pagsulutan bahau ina, Rū Sutsiꞌ ndean meꞌ Tuhan ni manusiyaꞌ. Boꞌ ni pagsulutan sibuwa, saraꞌ bay ndean ni manusiyaꞌ. Ni pagsulutan sibuwa ina, bong jama doman mahap na pa Tuhan, subay bogbogan da sara. Salla na, ilooy du takoleꞌ jama man saraꞌ yana katiksaan nyawa batan yaꞌ luu kabogbog labbasakayi. Boꞌ ni pagsulutan bahau ina, koleꞌ na kitabi kaallum bahau sampay kasampulnaan nyawa saumu-umu man sabapan Rū Sutsiꞌ.

2 Korin 5:11

Na pagka katoonan kami katawu-tawu hukuman Papuꞌ Isa, sabuli-buli kami na situ mitsalahan jama nohoꞌ pitsayaꞌ niiya. Katoonan Tuhan du sina yaꞌ luu sarī niyat njawom atay kami. Kamura-murahan kaam pun, tabista bi du.

2 Korin 6:1

Na meꞌ kitabi tu saliꞌ-saliꞌ limbang Tuhan ngaliyun manusiyaꞌ pa mman na, junjung kami na ningkaam, daa na pasensengan bi aseꞌ Tuhan ningkaam.

Epesus 6:20

Ituu tu man ku halling meꞌ tuu batan luu situ ku ntuu tatalungkuꞌ njawom jīl sabap meꞌ ku masaplag. Pakuhan bi na pin ku duwaa mari ku nawakka mitsala batan ndang inaa pataꞌ subay pabuwat ku.

Kolossa 1:20

Maka ndang luu du garaꞌ Tuhan muwan lawang man mimon-mimon labba man junyaꞌ sampay taꞌ langit mahap na niiya. Garaꞌ na ilay bay pinajatu njataꞌ lahaꞌ Anak na bay pinaduwai taꞌ tehang.

1 Tesaloneka 4:8

Na bong luu kam nnaa nuwak tōꞌ tuu siꞌ pasal kasutsian, saꞌ ga silay tōꞌ manusiyaꞌ tuwak bi, arapun iya tuwak bi Tuhan mismu, batan iya bay ngandean Rū Sutsiꞌ ningkitabi supaya kitabi sutsiꞌ.