2 Korin 5:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Na ilooy ilay siꞌ, sikamimon man gantaan Tuhan. Bistahun bi doꞌ, san kitabi bay ndusa pa Tuhan sibuwa, lay gi ya buwat jalan man tabi mahap na niiya njataꞌ pabuwatan Almasi. Boꞌ lay gi Tuhan nguwakilan kitabi nohoꞌ mahati jama bong pooy meꞌ da mahap na niiya.

2 Korin 5:18 ပူးပေါင်းရင်းမြစ်များ

Lukas 10:5

“Na pag dutai bi pa lumaꞌ jama, duhuꞌ-duhuꞌ halling bi, ‘Kamura-murahan binuwanan du kam meꞌ Tuhan kasannangan.’

Lukas 24:47

Maka yuk si Isa, “Luu gi bay sinuwatan subay pinasaplag umanat mahap pasal Almasi ni mimon kabangsa-bangsahan nagnaꞌ mantuu ni Jerusalem. Subay jama binaan bong tawbatan da dusa da maka pitsayaꞌ ni Almasi, malaingkan inampun na sila meꞌ Tuhan.

Yahiya 3:16

Biddaꞌ na sina ehe aseꞌ Tuhan ni manusiyaꞌ. Sangkon lay na pinaglillaꞌ meꞌ na Anak tungga na pinapatoy supaya soysoy pitsayaꞌ niiya yaꞌ na tanalkaꞌ, gam pin koleꞌ gi kasampulnaan nyawa ma yaꞌ luu katapusan na.

Yahiya 3:27

Tampung si Yahiya ninsila, “Yaꞌ bilay luu jama ngantanan kawasa-kapatut buwat meꞌ looy bong yaꞌ bay kabuwanan leꞌ Tuhan.

Salsila siga Rasul 10:36

“Batnaa pasampay ku na ningkaam umanat mahap ma lay na palahil Tuhan duhuꞌ ningkami bangsa Israil. Meꞌ tuu: Luu na situ jalan man manusiyaꞌ mahap na pa Tuhan man sabapan pabuwatan si Isa Almasi, yana Papuꞌ manusiyaꞌ sikamimon.

Suwat si Pol pa mman Baanan Sukuꞌ si Isa ndooy ni Rom 11:36

Kon na ilay meꞌ looy batan mimon-mimon lakka man Tuhan. Maka iya magbayaan labbasakayi. Maksud mimon-mimon bay pinapayak supaya labbasakayi kaboo kabantugan niiya. Sangkon, subay ya pinudji saumu-umu. Amin.

Suwat si Pol pa mman Baanan Sukuꞌ si Isa ndooy ni Rom 5:1

Na kitabi itu, lay na kitabi initung intong sabap meꞌ tabi pitsayaꞌ ni si Isa Almasi. Dari sabapan Papuꞌ tabi si Isa, mahap na kitabi pa Tuhan.

1 Korin 1:30

Kahapan man kahandak Tuhan, tibuuk na kitabi ka si Isa Almasi, yana poonan man tabi koleꞌ kapandoyan man Tuhan. Lagiꞌ na, sabapan si Isa Almasi, lay na kitabi initung meꞌ Tuhan intong sampay lay na kitabi dari sukuꞌ Tuhan. Maka sabapan si Isa, lay na kitabi pinaddusan man hukuman ni mimon dusa tabi.

1 Korin 11:12

Batan san ina danda bay lakka man lalla, yaꞌ na baw sina pasampun kalallahan bong saꞌ sabapan karandahan. Sugaꞌ mimon-mimon lakka man Tuhan.

1 Korin 12:6

Maka kajinisan jalan man tabi nabangan pagkahi tabi manusiyaꞌ, sugaꞌ disu du nganggaosan kitabi sikamimon, yana Tuhan.

1 Korin 3:5

Doꞌ kam bi. Soy doꞌ itu kami ka si Apolos? Kami bitu sosohoan sadjaꞌ ma bay mitsalahan kaam supaya kam pitsayaꞌ ni si Isa. Kami itu dangoy na, buwat jaꞌ kami saliꞌ-saliꞌ ma bay sinukuꞌ meꞌ Papuꞌ ningkami.

1 Korin 8:6

Sugaꞌ bong baw ningkitabi, basta disu du Tuhan, yana Mmaꞌ tabi ma bay mapayak mimon-mimon. Maka danan tabi itu llum kalnaꞌ iya. Damikiyan, disu du Papuꞌ tabi, yana si Isa Almasi ma bay man Tuhan mapayak mimon-mimon. Maka njataꞌ na du sina man tabi koleꞌ kaallum bahau.

Kolossa 1:22

Lipara, luu na Anak na bay dari manusiyaꞌ, boꞌ na nongan umu na kalnaꞌ kaam supaya kam mahap na pa Tuhan. Pag batnaa, sabapan Anak na, sutsiꞌ na kam. Yaꞌ na luu sutsutan njataꞌ bi ni mata Tuhan,

Hibrani 2:17

Sangkon talpaksaꞌ ya bay dari manusiyaꞌ meꞌ karuha kitabi du siga danganakan na. Maka talpaksaꞌ du ya ngalingkaan jinisan kamalasahiyan manusiyaꞌ supaya takissa na parasahan tabi. Boꞌ na, bay tinakdil niiya meꞌ looy supaya ya tawop binuwat panghuluꞌ imam ma kanaalla ni hāl Tuhan, maka supaya tasongan na umu na man muwasan mimon dusa tabi.

Yaꞌkub 1:17

Mmaꞌ tabi Tuhan ina tattap mahap. Mimon ladjikiꞌ sampay kaayaran ma takoleꞌ manusiyaꞌ lakka man ilooy ma bay mapayak mimon sūꞌ taꞌ langit, yana Tuhan. Yaꞌ luu meꞌ na baluba san dangkitiꞌ.

1 Yahiya 2:2

Ni gasad bayaꞌ na, lay na sambut na mulkaꞌ Tuhan mari tatanggung na mimon dusa tabi supaya tabi taampun na meꞌ Tuhan. Boꞌ saꞌ sat mimon dusa tabi bay tanggung na, arapun sampay dusa manusiyaꞌ labbasakayi, lai du tanggung na.

1 Yahiya 4:10

Na inawnan aseꞌ sabanna, saꞌ ga aseꞌ tabi pa Tuhan, arapun aseꞌ Tuhan ningkitabi. Batan atas na bay mapitu Anak na nohoꞌ nanggung mulkaꞌ ma subay siꞌ bay labuꞌ pa jataꞌ tabi. Dari puwas na dusa tabi maka lay na kitabi inampun meꞌ Tuhan.