2 Korin 5:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Na pagka katoonan kami katawu-tawu hukuman Papuꞌ Isa, sabuli-buli kami na situ mitsalahan jama nohoꞌ pitsayaꞌ niiya. Katoonan Tuhan du sina yaꞌ luu sarī niyat njawom atay kami. Kamura-murahan kaam pun, tabista bi du.

2 Korin 5:11 ပူးပေါင်းရင်းမြစ်များ

Panagnaan 35:5

Pag lakka da man Sekem, yaꞌ na luu jama mandooy bay ngonse sila mawos, batan mimon jama ni siga daira lahat looy lay na bay pinatakkahan tawu meꞌ Tuhan.

Matiyu 10:28

Daa na kam tawu ni jama ma takaya da mapatoy baran bi. Ndang-ndang yaꞌ du sina takaya da mapatoy nyawa bi. Arapun ilooy ya subay katawuhan bi yana Tuhan sabap labba man baran bi sampay nyawa bi ina tapabinasa du meꞌ na njawom nalkaꞌ.

Matiyu 25:46

Pag-anu, yuk si Isa, “Na siga jama meꞌ looy ilay ma bay sabbut ku siꞌ dambuli, llakkahan na silay mintu sampay minulkaan saumu-umu. Boꞌ siga jama looy ma intong, binuwanan na kasampulnaan nyawa njawom okoman Tuhan saumu-umu.”

Lukas 12:5

Arapun ilooy ya subay katawuhan bi yana Tuhan, batan sarī man ngalakkahan umu bi, luu gi kawasa na ngahiyakan kaam pa jawom nalkaꞌ. Sangkon, subay iya kinatawuhan.

Lukas 16:31

“Yuk Nabi Ibrahim, ‘Bong sila yaꞌ maruli saraꞌ Nabi Musa ka tōꞌ kanabi-nabihan, san silay bay luu jama matoy ma llum pabalik pilay maintoman sila, masi du silay sila yaꞌ takoleꞌ binitsalahan.’ ”

Salsila siga Rasul 13:43

Maka pag pōꞌ jamaa man jawom langga, meka na Yahudi sampay ga jama ma bay paasok ni agama Yahudi bay patuhut ni si Pol ka si Balnabas. Dari siꞌ binitsalahan na pin sila meꞌ ga si Pol. Sampay lay gi sila binuwansangan nohoꞌ matattog pangando da ni aseꞌ-tabang Tuhan.

Salsila siga Rasul 18:13

Yuk siga Yahudi looy siꞌ tu ni gubnul, “Lalla tuu tu, meꞌ na noan jama numba Tuhan, tud nulang ni lanan saraꞌ agama kami.”

Salsila siga Rasul 18:4

Na tuktuk Llaw Pahali, pilay si Pol pa langga Yahudi. Ndooy siꞌ, daran ya magbilmaarup ka siga Yahudi sampay na bangsa Greek kawu-kawu taboo na na sila pitsayaꞌ ni si Isa.

Salsila siga Rasul 19:26

Sugaꞌ song lungay na situ usaha tabi man sabapan tōꞌ lalla looy ma inawnan si Pol. Takita bi na du bong pooy na eka jama ntuu ni Epesus bay takoleꞌ na binitsalahan nohoꞌ ngalabbahan siga tuhan da. Baꞌ-bāꞌ na, siga tuhan ma pinabuwat meꞌ manusiyaꞌ saꞌ tuhan bana. Maka lay na du taaka bi saꞌ na sat jama ntuu bay takoleꞌ na binitsalahan, sampay ni sikaliput Asiya, meka na du pitsayaꞌ ni tōꞌ na.

Salsila siga Rasul 26:26

Ampun Sultan Agripa pun ina, tasayu na du kabanahan ni bay bitsala ku siꞌ. Ilooy na silay siꞌ kon ku yaꞌ na bay alang-kapalang mitsala ni awpan na. Kon ku kabāꞌ katoonan na du mimon hāl ma bay sabbut ku siꞌ batan ilooy ma bay katuwaꞌ ni si Isa yaꞌ bay sinipuk.”

Salsila siga Rasul 28:23

Dari lay na baw sila isun bong llaw oy tanam man da pakale ni bitsala si Pol. Na taabut llaw looy, meka na lay pilay pa lumaꞌ man si Pol. Pag-anu siꞌ, lay na sila pahatiyan si Pol kabanahan pasal pamarinta Tuhan. Boꞌ na, lay gi ya mōꞌ buktiꞌ man jawom saraꞌ Nabi Musa ka kitab kanabi-nabihan inaa si Isa yana tukang nalamat ma bay njanjiꞌ meꞌ Tuhan. Boꞌ tud bay pinagtuyuan bana meꞌ si Pol mitsalahan sila labba man sayu ngabut sampay sangom bong pin sila pitsayaꞌ jaꞌ ni si Isa.

2 Korin 2:17

Kahapan, man tabang Tuhan, takaya kami na. Salla na, meka na batnaa yaꞌ kanaalla masaplag umanat Tuhan. Ilooy du puhung da sīn. Boꞌ ningkami itu, yaꞌ baw tapiki kami meꞌ naa. Ilu na Tuhan pakale-kale, tud hilas situ meꞌ kami masaplag. Meꞌ kami itu sosohoan Tuhan sampay tibuuk ka Almasi, mastiꞌ kanaalla sadjaꞌ umanat kami.

2 Korin 5:20

Kitabi itu yana siga wakil Almasi. Sangkon bila kitabi mitsalahan jama, sibuꞌ du karuha tabi ka Tuhan mitsalahan sila. Halling tabi ninsila, “Junjung kami na ningkaam kalnaꞌ si Isa Almasi, tusun bi na lān man bi mahap na pa Tuhan.

2 Korin 6:1

Na meꞌ kitabi tu saliꞌ-saliꞌ limbang Tuhan ngaliyun manusiyaꞌ pa mman na, junjung kami na ningkaam, daa na pasensengan bi aseꞌ Tuhan ningkaam.

Galatiya 1:10

Na ni hāl bay halling ku ilay siꞌ, katoonan ku du luu nnaa kasohean yaꞌ kasulutan niyaku. Sugaꞌ basta lay jaꞌ ku nulut ni kahandak Tuhan, yaꞌ du dari oy na san ku yaꞌ na kinahopan meꞌ manusiyaꞌ. Bong siꞌ itu masi puhung ku subay na pin ku kinahopan leꞌ manusiyaꞌ, yaꞌ du ku pataꞌ inawnan sosohoan si Isa Almasi.

Epesus 5:21

Maka magpadiyoꞌ kam saliꞌ-saliꞌ ni pagkahi bi man bi ngisbat Almasi.

Hibrani 10:31

Boꞌ katawu-tawu sina mintu ni soysoy bay kalabuan hukuman Tuhan sabanna ma llum saumu-umu.

Hibrani 12:29

Batan Tuhan ma sumba tabi ina, subay ga api noleyab ngampud sikamimon bong lasu na.

Suwat Lakka man si Jūd 1:23

Kuwan sagannap ma bay magsiꞌ, paintoman bi sila. Bong ina mintu tud bay du sila takoleꞌ mmeꞌ ni bitsala bi, sibuꞌ du sina sila ka bay dagmit bi man jawom api mari salamat. Bong luu pagkahi bi amu-amu buwat dusa, daa du kam jamu makitahan sila aseꞌ. Sugaꞌ iyakin kam taggahaꞌ lay na baw kam mintu kalakkotan meꞌ dusa da. Dusa da ina meꞌ karuha tamak mehe ni badjuꞌ poteꞌ.