2 Korin 4:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Yaꞌ sila pitsayaꞌ sabap pikilan da lay na tinambunan meꞌ Ibilis ma buwat dī na tuhan ni junyaꞌ tuu. Sangkon yaꞌ tapadantaan pamiki da meꞌ umanat mahap pasal ehe kaayaran ilooy ma pulnaꞌ limbagan Tuhan, yana Almasi.

2 Korin 4:4 ပူးပေါင်းရင်းမြစ်များ

Matiyu 13:22

“Kuwan tanaꞌ looy ma meka lumput itingan na man bani looy bay tumiluꞌ, tuwaꞌ pa sagannap ma bay kale umanat Tuhan sampay pitsayaꞌ, sugaꞌ wā sila hanggaw ni hāl meꞌ da llum ni junyaꞌ. Taboo-boo sila magsiꞌ meꞌ napsu da ni sīn. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

Yahiya 1:18

Na inawnan Tuhan, yaꞌ bay pingkaꞌ takita leꞌ manusiyaꞌ. Sugaꞌ lay na baw ya pinalahil ningkitabi meꞌ Anak tungga na, yana Tuhan du ma tattap njawom atay Mmaꞌ na.

Yahiya 12:31

Taabut na situ waktu man Tuhan ngalabuꞌ hukuman na ni kapasal mimon dusa manusiyaꞌ. Maka taabut na du waktu man maā Ibilis ma panghuluꞌ ni manusiyaꞌ ma yaꞌ pitsayaꞌ niyaku.

Yahiya 12:35

Pag tampung si Isa, lay jaꞌ ya ngandalil dī na pa sūꞌ, yuk na, “Dangkitiꞌ lasa situ waktu sūꞌ ninag. Sangkon, padpad masi ninag, tusun bi na lān ma sinūꞌ meꞌ dantaꞌ na, taggahaꞌ lay na baw kam mintu kalindoman. Batan jama ina ma lumān njawom lindom, yaꞌ katoonan da bong luꞌ paninggai sila.

Yahiya 12:40

“Lay na sila pinabuta meꞌ Tuhan supaya sila yaꞌ ngita. Lay na pinalindoman meꞌ na pamiki da supaya sila yaꞌ kahati. Bong siꞌ saꞌ meꞌ looy, luu gi dapat da nawbat, boꞌ taulian ku pangatayan da.”

Yahiya 12:45

Damikiyan, soysoy ngita aku, takita na du ilooy ma bay mapitu aku.

Yahiya 14:30

Yaꞌ na patahaꞌ ku bitsala ku sabap song takka na Ibilis ngalān aku. Iya ilay magbayaan manusiyaꞌ ma yaꞌ pitsayaꞌ niyaku. Sugaꞌ bong baw aku, basta yaꞌ baw tu luu kawasa-kapatut na njataꞌ ku.

Yahiya 16:11

Ni kapasal hukuman, pinalahil meꞌ na lai na kabotangan hukuman Ibilis, ilooy ma panghuluꞌ ni manusiyaꞌ ma yaꞌ pitsayaꞌ niyaku.

Yahiya 8:12

Pag-anu, luu na baw disu waktu si Isa noan jama, yuk na, “Aku tu yana sūꞌ marantaan pamiki manusiyaꞌ. Soysoy mmeꞌ niyaku, yaꞌ na sila bagagap njawom lindom batan luu na sūꞌ da man da ngita lān pa kasampulnaan nyawa.”

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’

Salsila siga Rasul 26:23

Njawom tunaꞌ da, tukang nalamat ma bay njanjiꞌ meꞌ Tuhan mastiꞌ lumingkaꞌ doꞌ njawom kabinsanaan sampay pinapatoy. Maka njawom tunaꞌ da, iya na silay duhuꞌ-duhuꞌ pinakallum ma yaꞌ na kuhi matoy saumu-umu. Maka pag lay na ya llum pabalik, pinamahalayak na umanat kasalamatan ni siga Yahudi sampay ma saꞌ Yahudi. Umanat looy ilay siꞌ meꞌ karuha sūꞌ man manusiyaꞌ ngita kabanahan.”

1 Korin 10:20

Arapun awnan ku, tuktuk siga kapil nongan kulban da, ilooy ya sinumba meꞌ da siga seytan, saꞌ ga Tuhan. Boꞌ aku tu, bong kinawnan siga seytan, karomanan ku yaꞌ luu lamud bi ninsila.

2 Korin 2:11

supaya kitabi yaꞌ tumandiyoꞌ meꞌ Ibilis. Batan katoonan tabi na du angan-angan Ibilis ngalangkat pagkatibuuk tabi.

2 Korin 2:12

Na ni bay palanan ku masampay umanat mahap pasal Almasi, lay ku bay nakka Troas. Ndooy siꞌ, lay na ku binuwanan lawang meꞌ Tuhan masaplag.

2 Korin 3:11

Dan jinis meꞌ halling, bong ayad pagsulutan sibuwa ma sandaꞌ-sandaꞌ jaꞌ, labi na saꞌ ayad banahan pagsulutan bahau ma natas saumu-umu.

2 Korin 3:14

Salla na, kuwan pagkahi ku bangsa Israil, labba man maruhuꞌ ngabut sampay batnaa, tud tohas kōk da. Sangkon tuktuk da matsa saraꞌ Nabi Musa, masi du yaꞌ tahati da kamaatunan na. Dari ko ngawon, tambun ni luwa Nabi Musa meꞌ lay na sinaynan pa jataꞌ pamiki da. Bong ina saꞌ Papuꞌ ngalakka, yaꞌ na kuhi lakka tambun ni pamiki da.

2 Korin 3:18

Dari kitabi itu batnaa, pagka lai na kinaddoan tambun ni pamiki tabi, tumampak na ningkitabi ehe kaayaran Papuꞌ. Maka hangat kinanna meꞌ tabi kaayaran na, hinalin na pin sina pagkajama tabi leꞌ Rū na ngabut sampay sumibuꞌ na kitabi ka arat-tabiat na.

2 Korin 4:6

Na jaman junyaꞌ ilay bay pinapayak, lay Tuhan nohoꞌ dantaꞌ ninag njawom lindom. Pag batnaa, sibuꞌ du ka lay balikan na batan lay na baw ya marantaan pamiki tabi. Dari tahati tabi na ehe kaayaran na man sabapan pabuwatan na bay mapitu si Isa Almasi pa junyaꞌ.

Galatiya 1:4

ma bay nongan umu na man muwasan dusa tabi. Maksud na supaya kitabi tapaddusan na man jawom sakup kalaatan ntuu ni junyaꞌ. Boꞌ ndang ituu na situ bay garaꞌ Mmaꞌ tabi Tuhan man maruhuꞌ-ruhuꞌ lagi.

Epesus 2:2

Jaman looy ilay, bbuwatan bi mandang hāl junyaꞌ jaꞌ sabap bay kam pinagmundaan meꞌ panghuluꞌ siga seytan, yana Ibilis. Iya ilay ndang magbayaan sagannap ma yaꞌ doman mmeꞌ ni kahandak Tuhan.

Epesus 6:12

Banta ta ina saꞌ manusiyaꞌ, arapun siga seytan ni antalaan ma moo-moo jama buwat maat. Sila ilay ngantanan kawasa-kapatut magbayaan mimon manusiyaꞌ ma masi njawom lindom ntuu ni junyaꞌ.

Pilipi 2:6

Bistahun bi doꞌ, minsan sibuꞌ pagkaTuhan na ka Mmaꞌ na, yaꞌ du ya bay palogos nohoꞌ pinaehe.

Kolossa 1:15

Na Tuhan ina yaꞌ takita, sugaꞌ man sabapan si Isa Almasi, sibuꞌ na du ka takita tabi arat-tabiat Tuhan ka kawasa na. Batan si Isa ina pulnaꞌ limbagan Tuhan. Maka ginalla du ya Anak Siyaka sabap iya ngantanan kawasa-kapatut njataꞌ mimon ma bay pinapayak.

Kolossa 1:27

Umanat Tuhan ina, yana pasal garaꞌ na matabeꞌ kaam ma saꞌ Yahudi ni ladjikiꞌ lakka man iya. Ladjikiꞌ looy ilay yana Almasi patannaꞌ njawom baran bi. Boꞌ iya na sina poonan bi ngaholat ngabut arat-tabiat na.

1 Timuti 1:11

Inawnan tōꞌ sabanna ina, yana oy-oy tōꞌ ma magbēꞌ ka umanat mahap pasal si Isa Almasi. Boꞌ umanat mahap ina, malahil ehe kaayaran Tuhan ma tawop pinudji saumu. Boꞌ inaa na sina umanat ma bay hinalap niyaku nohoꞌ pinasaplag.

Taytus 2:13

Ilooy ilay siꞌ subay isbat tabi sasang tabi ngagad llaw kagak-gāk ma pinagdautan meꞌ tabi. Awnan ku ilay siꞌ katakka si Isa Almasi, yana Tuhan tabi Sangat Kawasa ma tukang nalamat kitabi.

Hibrani 1:3

Maka njataꞌ Anak na, takita tabi na kawasa ka kaayaran Mmaꞌ na Tuhan, batan iya sabana-bana limbagan arat-tabiat Tuhan. Pooy-pooy kadari Tuhan, meꞌ naa du sina Anak na. Boꞌ Anak na ina magbayaan mimon-mimon ni sikaliput alam man kawasa palman na mari yaꞌ pulak-palik. Maka iya ilay bay muwasan dusa tabi mari kitabi sutsiꞌ na pa Tuhan. Pus meꞌ looy, lay na ya pabeleng pa sulgaꞌ boꞌ na ningkōꞌ ni bihing Tuhan Sangat Kawasa huwin pa kawnan.

Hibrani 6:4

mari song patakkoꞌ na pin pangando tabi ni Almasi. Batan bong ina jama lay na ngalabbahan pangando da niiya, siya-siya sila. Bistahun bi doꞌ, lay na sila pingkaꞌ pinadantaan pamiki da, maka lay na takissa da kaayaran ladjikiꞌ man sulgaꞌ ma yaꞌ luu sibuꞌ sabanding na. Sampay lay na sila pinaasokan Rū Sutsiꞌ. Sarī gi, lay na sila ngissa kaayaran ma bay njanjiꞌ njawom palman Tuhan. Sampay lay na sila ngissa kawasa njataꞌ da sasang da njawman pamarinta Tuhan ma bahau jaꞌ takka ni masa tuu. Na bong ilay ga jama meꞌ looy lay na patatak, tunmanūn na silay meꞌ da pinatawbat balik sabap sibuꞌ du sila ka bay ngalansang Anak Tuhan taꞌ tehang pabalik. Batan man sabapan da, awon si Isa binuwat na ga kalabbiyan.

2 Pitel 1:19

Dari pagka lay takita kami sampay lay na takale kami ilooy siꞌ sikamimon, magdaruhun na meꞌ kami kasiguru tud bana du siga tunaꞌ kanabi-nabihan pasal Almasi. Suwat da ilay njawom kitab meꞌ sapantun sūꞌ ninag njawom lindom. Sangkon subay indanan bi bitsala da ngabut sampay ninag na Kababbasan njawom atay bi sampay pakallat na mataallaw. Hati na, ngabut sampay takka na Almasi marantaan mimon pamiki bi.

1 Yahiya 2:11

Sugaꞌ soysoy ina lammis ni pagkahi na, malaingkan masi ya njawom lindom. Ni kaawam na, meꞌ karuha jama buta ya bagagap njawom lindom. Yaꞌ san katoonan na luꞌ paninggai ya.

1 Yahiya 2:8

Sugaꞌ kon na tabilang panohoan bahau batan bahau jaꞌ tahati tabi bong oy aseꞌ sabanna. Aseꞌ sabanna ina, lay na takita njataꞌ si Isa. Batnaa pun, takita na du njataꞌ bi batan luu na kam jawom dantaꞌ. Yaꞌ na kam njawom lindom batan ninag na sūꞌ sabanna ningkaam.

1 Yahiya 5:19

Maka katoonan tabi du san mimon manusiyaꞌ ma yaꞌ pitsayaꞌ ni si Isa lay na takawum leꞌ Ibilis, bong kitabi, niyaꞌ na, batan sukuꞌ Tuhan na kitabi.