2 Korin 4:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Dari kitabi itu, kon tabi natas batan ilooy pinandang meꞌ tabi ma yaꞌ takita, yana hāl Tuhan. Batan siga pakaradjaan ma takita ina ntuu ni junyaꞌ, sandaꞌ-sandaꞌ jaꞌ. Boꞌ siga ilooy ma yaꞌ takita natas saumu-umu.

2 Korin 4:18 ပူးပေါင်းရင်းမြစ်များ

Matiyu 25:46

Pag-anu, yuk si Isa, “Na siga jama meꞌ looy ilay ma bay sabbut ku siꞌ dambuli, llakkahan na silay mintu sampay minulkaan saumu-umu. Boꞌ siga jama looy ma intong, binuwanan na kasampulnaan nyawa njawom okoman Tuhan saumu-umu.”

2 Korin 5:7

San meꞌ looy, halloman tabi itu llum ni junyaꞌ tuu, mangando jaꞌ kitabi ni Papuꞌ Isa san yaꞌ gi takita tabi ilooy ma bay hinalliꞌ ningkitabi.

2 Tesaloneka 2:16

Na siga danganakan, kakasi Tuhan, kamura-murahan pinagamgaman na pin atay bi meꞌ Mmaꞌ tabi Tuhan ka Papuꞌ tabi si Isa Almasi. Kamura-murahan ginaosan na pin kam meꞌ Tuhan mari mahap jaꞌ mimon tangge-tingkōꞌ bi ka bitsala bi. Batnaa, sabap Tuhan poonan tabang mehe ningkitabi, luu na kagakan njawom atay tabi saumu sampay holat ayad saꞌ alang-alang.

Hibrani 11:1

Na bong ina luu pangando tabi pa Tuhan, tatantu tabi takoleꞌ tabi jaꞌ mimon ma agad tabi ma bay njanjiꞌ meꞌ Tuhan. Minsan yaꞌ lagi takita tabi ilooy ma hinolat meꞌ tabi, pagka luu pangando tabi, yaꞌ na tabi hawal-hawalan mastiꞌ luu jaꞌ masa na takoleꞌ tabi.

Hibrani 11:13

Na ga Nabi Ibrahim ilay ka ga anak-mpu na mangando na pin pa Tuhan ngabut sampay da bay matoy san yaꞌ gi bay takoleꞌ da ilooy ma bay njanjiꞌ meꞌ Tuhan ninsila. Sugaꞌ gāk baw sila batan tabista da bbos-bbos takoleꞌ da ilooy ma bay agad da. Sangkon meꞌ da ngingat, jama sampi sadjaꞌ sila pahās jaꞌ ni junyaꞌ tuu.

Hibrani 9:11

Lipara, bay na pitu Almasi sampay lay ya dari panghuluꞌ imam ma asahan tabi. Dari takissa tabi na siga supaat poonan pagsulutan bahau ma bay pinasampay meꞌ na. Kuwan langga man na bay paasok mag-imam, patingkat man langga kabboꞌ-bboan tabi. Langga ma bay asok na, yaꞌ luu kulang na sabap saꞌ manusiyaꞌ bay matangge. Intong na, saꞌ silay meꞌ siga pakaradjaan ni junyaꞌ tuu.

1 Yahiya 2:25

Maka kannahun bi na pin janjiꞌ Anak Tuhan muwanan sagannap ma pitsayaꞌ niiya kasampulnaan nyawa saumu-umu.