2 Korin 4:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Na siga kabinsanaan ma tatasan tabi itu batnaa, tabilang maggaan du bong binista ka ehe kabantugan ma ngagad kitabi. Kabantugan looy ilay mintu natas samumu-umu, boꞌ kabinsanaan njataꞌ tabi batnaa pingkaꞌ jaꞌ du.

2 Korin 4:17 ပူးပေါင်းရင်းမြစ်များ

Panagnaan 15:1

Na paddus meꞌ looy, yaꞌ gi hallom, lay na baw si Ibram tinammuhan meꞌ Tuhan. Njawom pandapat na, yuk Tuhan niiya, “Ū Ibram, daa ko tawu ni oy maka oy na. Luu na pin situ ku ngagpangan kau. Maka buwanan ta du sina ko ladjikiꞌ mehe.”

Matiyu 5:12

Bila ina mintu kam lumangga na meꞌ naa, pagakun bi atay bi batan luu sina mintu tungbas bi mehe ni sulgaꞌ. Intomun bi, ngkon ilay siga kanabi-nabihan pinaehe banahan sabap meꞌ da bay kanaalla natasan jinisan kabinsanaan kalnaꞌ Tuhan.”

Lukas 6:23

Bila ina kam mintu lumangga na ni kabinsanaan meꞌ looy siꞌ, gam pin pupusan bi na kagakan njawom atay bi, batan luu du sina tungbas ayad para ningkaam ni sulgaꞌ. Sibuꞌ du sina kadari bi ka bay jaman kanabi-nabihan nilaugan meꞌ kabboꞌ-bboan tabi.

Salsila siga Rasul 20:23

Ilooy du katoonan ku, ni mimon daira ma bay lingkaan ku, bay pinalahil meꞌ Rū Sutsiꞌ niyaku, mastiꞌ luu jaꞌ katuwaꞌ aku kabinsanaan bong saꞌ jīl.

Suwat si Pol pa mman Baanan Sukuꞌ si Isa ndooy ni Rom 2:7

Na kasohean ina sigi-sigi buwat mahap sabap doman sila koleꞌ sanglit ka kabantugan man Tuhan. Maka doman sila llum saumu ni okoman na. Jama meꞌ looy ilay binuwanan meꞌ Tuhan kasampulnaan nyawa saumu-umu.

Suwat si Pol pa mman Baanan Sukuꞌ si Isa ndooy ni Rom 8:18

Sugaꞌ kumpas ku, siga kamalasahiyan ma lingkaan tabi ni batnaa, sibuꞌ du ka yaꞌ luu bong binista ka kaayaran ka kabantugan takoleꞌ tabi bbos-bbos.

Suwat si Pol pa mman Baanan Sukuꞌ si Isa ndooy ni Rom 8:34

Maka bong luu halling mastiꞌ pinidjalaꞌ jaꞌ kitabi bbos-bbos sabapan dusa tabi, magsāꞌ sila, batan lay na bay tinanggung meꞌ si Isa dusa tabi jaman na bay nongan umu na kalnaꞌ kitabi. Kahapan, lay na du ya pinakallum pabalik sampay lay na pinatingkōꞌ ni bihing Tuhan huwin pa kawnan. Boꞌ ndooy na ya wā makuhan kitabi tabang pa Tuhan.

Suwat si Pol pa mman Baanan Sukuꞌ si Isa ndooy ni Rom 8:37

Sugaꞌ san gi oy katuwaꞌ ningkitabi, mastiꞌ tumanjataꞌ jaꞌ kitabi, batan luu na pin tabang ilooy ma maasean kitabi, yana si Isa Almasi.

1 Korin 2:9

Kahapan, sabapan kapatoy na, lay na bukisan Tuhan lawang man manusiyaꞌ koleꞌ jinisan supaat. Boꞌ magbēꞌ bana ka bay tunaꞌ njawom kitab, ilooy ma yuk na, “Luu siga supaat ma ndang bay hinalliꞌ meꞌ Tuhan ni sagannap ma maaseꞌ niiya. Siga supaat looy ilay yaꞌ gi bay pingkaꞌ takita maka yaꞌ gi bay takale sampay yaꞌ san bay taingat meꞌ pamiki manusiyaꞌ.”

2 Korin 3:18

Dari kitabi itu batnaa, pagka lai na kinaddoan tambun ni pamiki tabi, tumampak na ningkitabi ehe kaayaran Papuꞌ. Maka hangat kinanna meꞌ tabi kaayaran na, hinalin na pin sina pagkajama tabi leꞌ Rū na ngabut sampay sumibuꞌ na kitabi ka arat-tabiat na.

Pilipi 1:19

katoonan ku man sabapan siga duwaa bi maka tabang Rū si Isa Almasi ni jataꞌ ku, pinōꞌ du ku bbos-bbos.

2 Tesaloneka 1:4

Sangkon bila kami maglaw-lamud ka baanan sukuꞌ Tuhan ni kalahat-lahatan, wā kami nanglitan kaam. Bāꞌ kami ninsila, minsan kam kansang nilaugan atawa pun tumabbaꞌ njawom kamalasahiyan, basta tinatasan na jaꞌ meꞌ bi. Maka yaꞌ na pin kam kuhi patatak pitsayaꞌ ni Papuꞌ Isa.

2 Tesaloneka 1:6

Maka ni kaintong hukuman na, kuwan sagannap ma niksaꞌ kaam, mastiꞌ pinidjalaꞌ du sina mintu meꞌ na.

2 Timuti 2:10

Umanat Tuhan ilay siꞌ kaboo kasalamatan ni soysoy pitsayaꞌ. Sangkon atas ku na natasan oy-oy jaꞌ kamalasahiyan kalnaꞌ sagannap ma bay pineneꞌ meꞌ Tuhan. Kainagon ku koleꞌ jaꞌ sila kasalamatan njataꞌ si Isa Almasi sampay tumabeꞌ ni kabantugan na saumu-umu.

Yaꞌkub 1:12

Na sagannap ma amu-amu natas njawom kasusahan ma nuwayan pangando da ni si Isa, mastiꞌ sinupaatan jaꞌ sina. Batan pagka tumatandaꞌ na takkoꞌ pangando da, koleꞌ jaꞌ sina sila kasampulnaan nyawa saumu-umu ma ndang bay njanjiꞌ meꞌ Tuhan ni sagannap ma maaseꞌ niiya.

1 Pitel 4:7

Na katapusan junyaꞌ ina, yaꞌ na hallom. Sangkon paayarun bi na pamiki bi maka ilagan bi dī bi supaya yaꞌ na luu kasanggalang ningkaam maku duwaa pa Tuhan.

1 Pitel 5:10

Sugaꞌ pus bi bay natas samantalaꞌ njawom kabinsanaan, tinabang du sina kam meꞌ Tuhan. Pahallotan na sina pangando bi maka pinataggu meꞌ na iman bi supaya kam meꞌ karuha poon kayu ma yaꞌ kuhi habbaꞌ sabap lawom gamut na. Bistahun bi doꞌ, ni kaehe aseꞌ-tabang Tuhan, lay na kam liyun na pa jawom okoman na. Maksud na supaya kam tumabeꞌ ni kabantugan na man sabapan pagkatibuuk bi ka si Isa Almasi. Boꞌ kabantugan na ina yaꞌ luu katapusan na.

1 Yahiya 3:2

Siga kakasi ku, batnaa anak Tuhan na situ kitabi, sugaꞌ yaꞌ gi baw bay pinalahil ningkitabi bong pooy kadari tabi bbos-bbos. Ilooy du katoonan tabi, pag beleng Almasi, meꞌ iya na du kitabi batan takita tabi na sina mintu bong pooy kadari na banahan.

Suwat Lakka man si Jūd 1:24

Pudji tabi Tuhan. Iya na sina katabang ningkitabi supaya yaꞌ na kitabi taboo-boo buwat dusa. Damikiyan, iya na du sina kapuwasan dusa tabi supaya yaꞌ na luu sutsutan njataꞌ tabi pag mintu taabut tabi nangge ni awpan sahayaꞌ na. Ndooy ilay mintu ni pag-awpan na, tud gāk na kitabi saꞌ alang-alang.