2 Korin 4:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Sangkon yaꞌ kami kuhi jamu maghulas-sangsāꞌ kalnaꞌ Tuhan. Kami itu, san palamma na pin anggawtaꞌ baran kami, magsasōng na pin baw taggu iman kami llaw pa dangallaw.

2 Korin 4:16 ပူးပေါင်းရင်းမြစ်များ

Lukas 11:3

Maka kamura-murahan buwanan nu na pin kami balanjaꞌ llaw pa dangallaw.

Suwat si Pol pa mman Baanan Sukuꞌ si Isa ndooy ni Rom 12:2

Daa na kam mmeꞌ meꞌ uwahan jama ma yaꞌ pitsayaꞌ ni Almasi. Halinun bi na pamiki bi mari sikatuwaꞌ na ka pamiki Almasi. Meꞌ looy ilay, tapabahauwan na leꞌ Tuhan pangatayan bi supaya katoonan bi na kahandak na sampay tapabuwat bi na. Boꞌ inawnan kahandak Tuhan ina, mastiꞌ mahap jaꞌ, boꞌ kagak-gāk lagi maka yaꞌ luu salla na.

Suwat si Pol pa mman Baanan Sukuꞌ si Isa ndooy ni Rom 7:22

San njawom atay ku tud doman ku mean saraꞌ Tuhan,

1 Korin 15:58

Sangkon siga danganakan ku, kakasi ku, pahallotun bi pangando bi ni Papuꞌ Isa maka daa kam kuhi pinagsian. Gam pin pakutuun bi meꞌ bi maghulas-sangsāꞌ kalnaꞌ iya. Ndang-ndang katoonan bi na du, yaꞌ du senseng oy-oy pabuwat bi kalnaꞌ iya.

2 Korin 12:15

Gāk du situ ku magtuyuꞌ-tuyuꞌ kalnaꞌ kaam san gi man sīn ku katis sampay anggawtaꞌ ku bong pin sambu jaꞌ nyawa bi. Sugaꞌ tilaw ta teꞌ kam, meꞌ tuu na tamba-manamba na aseꞌ ku ningkaam, sikatuwaꞌ kina bong subay gi maglumba aseꞌ bi niyaku?

2 Korin 4:1

Ni kaehe timbang Tuhan, lay kami peneꞌ na masaplag umanat mahap. Sangkon yaꞌ kami jamu maghulas-sangsāꞌ kalnaꞌ iya.

Epesus 3:16

Paku ku duwaa pa Tuhan Sangat Kawasa, kamura-murahan ni kaehe kawasa na ka aseꞌ na, binuwanan du kam leꞌ Rū na gaos mari magsasōng na pin taggu iman bi.

Epesus 4:23

Sugaꞌ pag batnaa, bean bi na Rū Sutsiꞌ mari tahalin na pamiki bi ka pangatayan bi.

Kolossa 3:10

sampay lay na saynan bi ka pagkajama bahau. Dari mangkin pasōng pangahati bi ni ilooy ma bay mapayak kaam, mangkin magsasōng na pin meꞌ arat-tabiat bi hinalin ngkod-ngkoran yaꞌ gi taabut bi arat-tabiat na.

Taytus 3:5

Lay na ya nalamat kitabi. Boꞌ tud kainu-inu silay batan yaꞌ luu kaayaran bay pabuwat tabi gantaꞌ man tabi pataꞌ sinalamat. Arapun kon Tuhan bay nalamat kitabi sabap ehe timbang na ni manusiyaꞌ. Dari man sabapan pabuwatan si Isa Almasi, tukang nalamat kitabi, lay na puwasan Tuhan dusa tabi. Dari ko ngawon, lay na kosoan na atay tabi supaya kinaddoan dusa tabi. Boꞌ lay gi ya nupaatan kitabi ka Rū na, yana Rū Sutsiꞌ bay pinaasok njawom atay tabi. Dari sabapan Rū Sutsiꞌ, sibuꞌ na du kitabi ka lay na pinamaddihan pabalik, batan luu na kaallum tabi bahau.

1 Pitel 3:4

Arapun iya pakutuun bi, meꞌ bi malingkat njawom atay bi meꞌ sapantun magpadiyoꞌ sampay pahatu-hatu. Lingkat meꞌ naa ina yaꞌ na kuhi baluba. Boꞌ na, hagaan lagi banahan pa Tuhan.

1 Pitel 4:14

Bila kam pinadiyoꞌ-diyoꞌ sabap meꞌ bi pitsayaꞌ ni Almasi, njawom supaat kam sabap luu na pin Rū Sangat Kawasa nabangan kaam, yana Rū Tuhan ma bay pinatannaꞌ ningkaam.