2 Korin 3:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na adakala luu na baw kasohean nnaa mista bitsala ku nsiniꞌ man ku jaꞌ mantug dī kami. Sugaꞌ oy tud kami buwat meꞌ looy? Ndang katoonan bi na du bong soy kami, saꞌ ba? Saꞌ situ kami meꞌ guru kasohean, subay na pin moo suwat pa mman bi man nanglitan sila supaya sila hinasi. Damikiyan, bong itu kami pa lahat disu, san kami yaꞌ na maku suwat mman bi pin kami hinasi jaꞌ meꞌ jama.

2 Korin 3:1 ပူးပေါင်းရင်းမြစ်များ

Salsila siga Rasul 18:27

Na hallom maka hallom na, doman na baw si Apolos patuwak pa Akaya masaplag. Boꞌ lay du inaminan garaꞌ na meꞌ siga pagkahi na sukuꞌ si Isa ni Epesus. Sampay lay gi sila nuwat pa mman sagannap ma mmeꞌ ni si Isa ndooy ni Akaya supaya hinasi meꞌ da paayad si Apolos. Na pag takka na pa Korin ndooy ni Akaya, man sabapan gaos Tuhan njataꞌ na, tud bay mehe tabang tōꞌ na ni sagannap ma pitsayaꞌ na ni si Isa.

Suwat si Pol pa mman Baanan Sukuꞌ si Isa ndooy ni Rom 16:1

Dambuli man naa, pakila ku doꞌ ningkaam disu danda, yana danganakan tabi inawnan si Pibi. Iya ilay disu tukang nabangan baanan sukuꞌ si Isa ndooy ni Sengkariya.

1 Korin 10:33

Aku pun itu, inaa du aturan bean ku. Wā ku ngilag oy-oy pabuwatan ma binista meꞌ jama maat. Batan yaꞌ ku muhung kaayaran ni dī ku. Arapun ilooy ya puhung ku, kaayaran ni pagkahi ku manusiyaꞌ bong pin sila nammu jaꞌ kasalamatan.

1 Korin 16:3

Bong ina ku mintu luu na nnaa, kuwan sagannap ma peneꞌ bi masampay tulung bi pilay pa Jerusalem, buwanan ku sa sila suwat man makila sila ni siga danganakan tabi ndooy.

1 Korin 3:10

Kuwan aku, man kapandoyan bay dean Tuhan niyaku, aku meꞌ sapantun disu tukang alistu bay nagnaꞌ buwat lumaꞌ na. Dari ko ngawon, aku bay matangge tehang lumaꞌ na. Hati na, aku bay duhuꞌ masaplagan kaam. Pag-anu, luu na baw pasunuꞌ siga tukang ma nangon kalangkapan ni tehang bay patangge ku. Sugaꞌ sagannap ma pasunuꞌ subay paayad-ayad meꞌ da buwat.

1 Korin 4:15

San ina meka bay pingkaꞌ ngayaran kaam mari kam yaꞌ magsiꞌ man Almasi, aku du tabilang mmaꞌ bi. Batan poonan bi bay pitsayaꞌ ni si Isa Almasi sabap aku bay masampay umanat mahap ningkaam.

2 Korin 10:12

Na jama ina ma tigiꞌ malaat kami, saꞌ ga oy, doman jaꞌ sila ngangkat dī da batan ndang nabiat sila sibanding-banding bong soy patingkat. Padahal, mangkin da ina sibanding-banding sampay maglangkaw-langkawan, mangkin tumatandaꞌ na yaꞌ luu akka da. Boꞌ kami itu, yaꞌ kami biyasa buwat meꞌ looy.

2 Korin 10:18

Na san du sina pooy meꞌ tabi nanglitan dī tabi, bong yaꞌ du Tuhan kasulutan ningkitabi, oy pus na? Sangkon ilooy ya banahan subay mehe ningkitabi, basta kitabi sinanglitan jaꞌ meꞌ Tuhan.

2 Korin 10:8

Na bong sawpama landuꞌ meꞌ ku magpabantug pasal kapatut ma bay ndean kami meꞌ Papuꞌ, yaꞌ du silay mintu man ku hinaꞌ. Ndang-ndang kapatut ku itu lay du pakoy ku man ku masambu nyawa bi, saꞌ ga man makaat kaam.

2 Korin 12:11

Na man sabapan kadarihan bi, lay na ga ku talpaksaꞌ mōꞌ dupang ku magpabantug. Subay siꞌ bay ku dapitan bi tuktuk ku pinitnahan. Minsan yaꞌ luu pūs ku, yaꞌ baw tu ku samasakali tamban meꞌ sagannap ma buwat dī da subay ga rasul si Isa patingkat man kasohean.

2 Korin 12:19

Na kanna bi mareꞌ maksud ku nuwat meꞌ tuu man ku jaꞌ ngandapitan dī kami. Sugaꞌ siga kakasi ku, saꞌ sina meꞌ naa maksud ku. Meꞌ kami tu tibuuk ka Almasi, ilu na Tuhan pakale-kale, mimon pabuwat kami ka bitsala kami ningkaam, numbul satu maksud kami masambu nyawa bi.

2 Korin 2:17

Kahapan, man tabang Tuhan, takaya kami na. Salla na, meka na batnaa yaꞌ kanaalla masaplag umanat Tuhan. Ilooy du puhung da sīn. Boꞌ ningkami itu, yaꞌ baw tapiki kami meꞌ naa. Ilu na Tuhan pakale-kale, tud hilas situ meꞌ kami masaplag. Meꞌ kami itu sosohoan Tuhan sampay tibuuk ka Almasi, mastiꞌ kanaalla sadjaꞌ umanat kami.

2 Korin 5:12

Bitsala ku ilay siꞌ ni suwat tuu, yaꞌ luu maksud ku muhung sinanglitan. Arapun lay jaꞌ ku maan kaam kabanahan supaya luu man bi ngandapitan kami ni siga guru palsu nnaa ma tigiꞌ madiyoꞌ kami. Sila ina, ilooy du hagaan ninsila mantug ntan da, boꞌ yaꞌ san paruli da bong oy niyat njawom atay da.