2 Korin 2:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Sangkon batnaa, ampunun bi na ya. Pagamgaman bi na atay na, taggahaꞌ lay na baw ya mintu patatak hangat ngandung kasusahan.

2 Korin 2:7 ပူးပေါင်းရင်းမြစ်များ

1 Korin 15:54

Dari pag ina mintu luu na baran tabi ma yaꞌ kuhi matoy, bohoꞌ na sina mintu binakbul na suwat njawom kitab, ilooy ma yuk na, “Lay na ā kapatoy.

2 Korin 2:8

Junjung ku na ningkaam, pakitahan bi na ya buktiꞌ masi kam maaseꞌ niiya.

2 Korin 5:4

Halloman tabi itu pahantiꞌ ni baran tabi batnaa, dari ko ngawon, ngandahing na kitabi sabap meka kasusahan tabi. Sugaꞌ saꞌ baw tu ga hatiyan na doman na kitabi matoy. Sat na jaꞌ, agon yaꞌ na kitabi kaagad masa man baran tabi ma kuhi gi matoy ginantian ka ilooy ma llum saumu-umu.

2 Korin 7:10

Batan bong ina kita susa sabapan dusa ta, boꞌ kasusahan ta lay dari poonan man ta nawbat, inaa ina susa pinagpiha meꞌ Tuhan. Maka susa meꞌ looy ilay moo kita pa jawom kasalamatan sampay kalakkahan sasso ta lagi. Boꞌ siga jama ma niyaꞌ ngisbat Tuhan ina, minsan tamūd magkasusahan sila ni bay dusa da, yaꞌ du kuhi nawbat. Dari toklas na, tiksaꞌ nyawa da.

Epesus 4:32

Batan meꞌ kitabi itu sukuꞌ Tuhan, subay kitabi sikaaseꞌ-kaaseꞌ maka sikaluuy-kaluuy sampay siampun-ampun. Akig tabi na Tuhan bay ngampun kitabi man sabapan pabuwatan Almasi.

Pilipi 2:27

Boꞌ bana du baw situ bay ya saki banahan sampay dak na ga ya matoy. Lipara luu timbang Tuhan niiya sampay na niyaku. Batan bong ilay ya bay matoy, pasampun na baw kasusahan ku ntuu.

Kolossa 3:13

Intong na, subay kam pandoy natasan salla arat pagkahi bi. Bong luu pagsaggaan bi ka pagkahi bi, siampun-ampun kam. Intomun bi, kaam pun ina, lay du kam bay inampun meꞌ Papuꞌ. Dari sapatut na, subay du kam ngampun.

1 Tesaloneka 4:13

Siga danganakan, doman kami mahati ningkaam pasal siga pagkahi tabi sukuꞌ si Isa ma lay na matoy. Kon kami mahati, taggahaꞌ kalanduꞌ na baw kam susa meꞌ karuha siga jama ma saꞌ sukuꞌ si Isa bila sila kapatoyan. Meꞌ sila ilay, kon da susa, batan yaꞌ luu kaayaran hinolat meꞌ da ni ahirat.

2 Tesaloneka 3:6

Na siga danganakan, ni kapatut bay ndean kami meꞌ Papuꞌ tabi si Isa Almasi, luu gi situ panohoan ku ningkaam. Bong luu pagkahi bi sukuꞌ si Isa nnaa ma hūk buwat maka yaꞌ mean bay tōꞌ kami ningkaam, daa kam palamud ninsila.