2 Korin 2:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Na ni kapasal lalla looy ni baanan bi ma bay buwat dusa, bana lay du silay ku pingkaꞌ magkasusahan sabapan na. Sugaꞌ bistahan ku, sa susa-susa ku, mas mehe gi susa bi sikamimon. Sangkon ni hāl inaa, yaꞌ na ku doman mitsala paeka taggahaꞌ landuꞌ meꞌ bi susa.

2 Korin 2:5 ပူးပေါင်းရင်းမြစ်များ

Matiyu 15:22

Ndooy siꞌ, luu disu danda bangsa Kanan lay pilay pa mman si Isa nganjunjung, yuk na, “Ū Tuwan, panubuꞌ Sultan Daud, panimbangan doꞌ ku sabap tud malasahi la anak ku bay inasok meꞌ seytan.”

Galatiya 4:12

Sangkon siga danganakan, junjung ku na ningkaam, akigun bi jaꞌ ku mari kam meꞌ aku na du paddus na man sakup saraꞌ bangsa Yahudi. Bong siꞌ taintom bi jaman ku nnaa mman bi, lay jaꞌ ku buwat dī ku meꞌ karuha kaam ma yaꞌ ngantanan saraꞌ Yahudi. Siga danganakan, yaꞌ situ takupan ku ayad meꞌ bi bay buwat aku jaman ku nnaa.

Galatiya 5:10

Kamasaꞌ, pagka ina kam ndang luu na njawman Papuꞌ Isa, tatantu ku mastiꞌ pabeleng du sina kam pa kabanahan ma bay tōꞌ ku ningkaam. Boꞌ ga jama looy ilay ma ngalingog pamiki bi ka tōꞌ palsu, soy maka soy na, basta kalabuan jaꞌ sina sila hukuman meꞌ Tuhan.