2 Korin 2:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Dari batnaa tu, bong kam ngampun lalla looy, mastiꞌ ampun ku na du ya. Maka bong bistahan bi luu dusa na niyaku, ilu na Almasi pakale-kale, mastiꞌ ampun ku na du ya kalnaꞌ kaam,

2 Korin 2:10 ပူးပေါင်းရင်းမြစ်များ

Matiyu 18:18

“Baan ta kam banahan, oy-oy ina tinagga meꞌ bi ntuu ni junyaꞌ, tinagga du sina meꞌ Tuhan. Oy-oy padari bi ntuu ni junyaꞌ, pinadari du sina meꞌ Tuhan.

Yahiya 20:23

Meꞌ kaam siga wakil ku, bong ina kam bay ngampun jama ni bay dusa da, malaingkan inampun du sila meꞌ Tuhan. Bong ina yaꞌ ampun bi, malaingkan niyaꞌ du sila inampun meꞌ Tuhan.”

1 Korin 5:4

Dari pag mintu kam kumpo-kumpo balik numba Papuꞌ tabi si Isa, ingatun bi luu na du ku nnaa mman bi. Maka ni kapatut bay ndean kitabi meꞌ Papuꞌ Isa,

2 Korin 4:6

Na jaman junyaꞌ ilay bay pinapayak, lay Tuhan nohoꞌ dantaꞌ ninag njawom lindom. Pag batnaa, sibuꞌ du ka lay balikan na batan lay na baw ya marantaan pamiki tabi. Dari tahati tabi na ehe kaayaran na man sabapan pabuwatan na bay mapitu si Isa Almasi pa junyaꞌ.

2 Korin 5:20

Kitabi itu yana siga wakil Almasi. Sangkon bila kitabi mitsalahan jama, sibuꞌ du karuha tabi ka Tuhan mitsalahan sila. Halling tabi ninsila, “Junjung kami na ningkaam kalnaꞌ si Isa Almasi, tusun bi na lān man bi mahap na pa Tuhan.

2 Korin 6:6

Maka tandaꞌ kami sosohoan Tuhan, yaꞌ luu pabuwat kami oy maka oy na man kami taawnan sabu. Boꞌ na, tumatandaꞌ du luu pangahati kami ni kitab. Sarī gi, tahaꞌ pasensiya kami maka manimbang kami ni jama. Maka tumatandaꞌ du pinagmundaan kami meꞌ Rū Sutsiꞌ. Maka hilas jaꞌ aseꞌ kami ni mimon manusiyaꞌ.

Epesus 4:32

Batan meꞌ kitabi itu sukuꞌ Tuhan, subay kitabi sikaaseꞌ-kaaseꞌ maka sikaluuy-kaluuy sampay siampun-ampun. Akig tabi na Tuhan bay ngampun kitabi man sabapan pabuwatan Almasi.