2 Korin 13:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Boꞌ kami tu, kamura-murahan tabista bi du yaꞌ kami pitsayaꞌ ni kuwit tōng kami sadjaꞌ.

2 Korin 13:6 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 1:28

Pagka bistahan da yaꞌ luu pūs na bong kita ngisbat Tuhan, pinabiya na sina sila meꞌ Tuhan pinagmundaan meꞌ pamiki bingkok buwat kajinisan ma yaꞌ pataꞌ pinabuwat.

2 Korin 12:20

Ituu baw tu kahanggawan ku taggahaꞌ pag takka ku pilu, sarī holat ku, sarī na baw kadarihan bi. Boꞌ yaꞌ du sina mintu kam kamahapan bong subay na pin ku nahawi kaam. Ilooy kagampangan ku taggahaꞌ luu na pin kam nnaa sasaꞌ-manasaꞌ, sikadangkiꞌ-kadangkiꞌ, sikalasu-kalasu sampay yaꞌ ngaddoꞌ-ngaddoꞌ pa lassa. Maka gampang ku taggahaꞌ bbuwatan bi mitna, ngalimut, maglangkaw-langkawan sampay buwat kahiposan nnaa.

2 Korin 13:10

Ngkon ku tu nuwat meꞌ tuu halloman ku yaꞌ gi bay pilu, kawu-kawu nawbat na sagannap ma buwat kalaatan nnaa. Dari pag takka ku pilu, yaꞌ na ku talpaksaꞌ mainsapan kaam. Ndang-ndang kapatut bay dean Tuhan aku itu para man mabasagan pangando bi ni Almasi, saꞌ ga man mabinasa kaam.

2 Korin 13:5

Sangkon na ina, pindogahan bi bana kawul-piil bi bong sikatuwaꞌ du ka umanat mahap ma kinapitsayaan meꞌ bi. Bong ina tud bana-bana du si Isa Almasi patannaꞌ njawom atay bi, mastiꞌ tumatandaꞌ jaꞌ sina ni ayad kawul-piil bi. Bong ina niyaꞌ, saꞌ ga bina oy, meꞌ bi pitsayaꞌ ni kuwit tōng bi sadjaꞌ.

2 Korin 13:7

Maku na pin kami duwaa pa Tuhan, kamura-murahan yaꞌ na kam luu buwat oy maka oy ma maat. Saꞌ baw tu kon kami makuhan kaam meꞌ tuu supaya kami sinanglitan inawnan guru alistu nōꞌ. Arapun binilang kami pandoy atawa niyaꞌ, ilooy ya puhung kami bong pin kam nūs jaꞌ lān intong.