2 Korin 13:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Sangkon na ina, pindogahan bi bana kawul-piil bi bong sikatuwaꞌ du ka umanat mahap ma kinapitsayaan meꞌ bi. Bong ina tud bana-bana du si Isa Almasi patannaꞌ njawom atay bi, mastiꞌ tumatandaꞌ jaꞌ sina ni ayad kawul-piil bi. Bong ina niyaꞌ, saꞌ ga bina oy, meꞌ bi pitsayaꞌ ni kuwit tōng bi sadjaꞌ.

2 Korin 13:5 ပူးပေါင်းရင်းမြစ်များ

Yahiya 14:23

Pag tampung si Isa, “Bong jama maaseꞌ niyaku, bean na jaꞌ sina bitsala ku. Jama meꞌ looy ilay kinaasean meꞌ Mmaꞌ ku. Dari patiluꞌ sina kami ka Mmaꞌ ku pa mman na, boꞌ kami patannaꞌ njawom atay na.

Yahiya 15:4

“Yaꞌ sina luu dapat engas anggul buwaꞌ bong yaꞌ langkit ka poon na. Damikiyan kaam pun, bong kam yaꞌ langkit ka aku, yaꞌ du luu dapat bi buwat kaayaran ma sinukuꞌ meꞌ Tuhan ningkaam. Sangkon subay kam tattog langkit ka aku. Basta meꞌ naa, aku pun tattog du langkit ka kaam.

Yahiya 17:23

Kainagon ku tibuuk na sila meꞌ karuha pagkatibuuk ku ka sila atawa meꞌ karuha pagkatibuuk nu ka aku. Kamura-murahan dambuwaꞌ atay na sila banahan supaya tumatandaꞌ ni manusiyaꞌ kau bay mapitu aku. Meꞌ looy ilay, tabista jama na aseꞌ nu ni siga sukuꞌ ku sibuꞌ du ka aseꞌ nu niyaku.

Yahiya 17:26

Lay na ku malahil arat-tabiat nu ninsila. Boꞌ darahan ku na pin situ supaya aseꞌ da ni pagkahi da meꞌ aseꞌ nu du niyaku, maka supaya luu na pin ku njawom atay da.”

Yahiya 6:56

Soysoy mangan isi ku sampay nginum lahaꞌ ku, malaingkan tibuuk ka aku.

Yahiya 6:6

Iya siꞌ bay nilaw, ndang luu na njawom pamiki na bong oy song pabuwat na. Sugaꞌ kon na nilaw man na jaꞌ nongkad pamiki si Pilip bong oy tampung na.

Suwat si Pol pa mman Baanan Sukuꞌ si Isa ndooy ni Rom 1:28

Pagka bistahan da yaꞌ luu pūs na bong kita ngisbat Tuhan, pinabiya na sina sila meꞌ Tuhan pinagmundaan meꞌ pamiki bingkok buwat kajinisan ma yaꞌ pataꞌ pinabuwat.

Suwat si Pol pa mman Baanan Sukuꞌ si Isa ndooy ni Rom 8:10

Sugaꞌ bong ina luu na Almasi patannaꞌ njawom atay bi, malaingkan baran bi ma bay pakoy bi man buwat dusa, meꞌ bi ngingat, lay na matoy. Maka luu na Rū Sutsiꞌ nampulnaꞌ nyawa bi sabap lay na kam initung meꞌ Tuhan intong.

1 Korin 11:28

Sangkon, tuktuk bi mangan tinapay ka nginum tubaꞌ anggul meꞌ looy, paliksaun bi doꞌ duhuꞌ kawul-piil bi bong tuwaꞌ meꞌ bi buwat pagkahi bi atawa niyaꞌ. Bong ndaꞌ bi yaꞌ tuwaꞌ pabuwatan bi, nawbat na doꞌ kam duhuꞌ, boꞌ bi mangan ka nginum.

1 Korin 11:31

Sugaꞌ bong siꞌ ina paliksaꞌ bi doꞌ duhuꞌ kawul-piil bi sampay labbahan bi na pabuwatan bi ma yaꞌ tuwaꞌ, malaingkan yaꞌ na kam kalabuan pidjalaꞌ meꞌ looy.

1 Korin 3:16

Na kaam, sukuꞌ si Isa, subay katoonan bi kaam lumaꞌ Tuhan batan luu na Rū na maglumaꞌ njawom atay bi.

1 Korin 6:15

Yaꞌ kina katoonan bi baran tabi binilang na siga kalangkapan baran Almasi? Sangkon meꞌ baran tabi tu sukuꞌ si Isa na, tud yaꞌ dari tinibuuk ka puta.

1 Korin 6:19

Bong yaꞌ katoonan bi, baran tabi itu lumaꞌ Rū Sutsiꞌ ma bay dean Tuhan kitabi. Saꞌ na sina kitabi dapu baran tabi, arapun Tuhan na dapu

1 Korin 6:2

Yaꞌ kina katoonan bi, bbos-bbos kitabi sukuꞌ Tuhan ngahukum mimon manusiyaꞌ ma yaꞌ pitsayaꞌ? Dari bong yaꞌ takaya bi nalassay sat palkalaꞌ dikiꞌ ni baanan siga danganakan bi, pooy na baw mintu meꞌ bi pandoy ngahukum mimon ma saꞌ sukuꞌ Tuhan?

1 Korin 9:24

Kitabi itu ma mmeꞌ ni si Isa, subay pupusan tabi basag tabi makutuꞌ kahandak na meꞌ karuha jama maglumbaꞌ sonse mupusan basag da pin koleꞌ jaꞌ haddiya numbul satu. Na tiyap-tiyap jama maglumbaꞌ ina, disu du koleꞌ haddiya numbul satu. Sangkon subay kam kanaalla makutuꞌ kahandak Papuꞌ mari takoleꞌ bi haddiya ma puhung bi.

1 Korin 9:27

Maka iyakinan ku dī ku. Yaꞌ ku nganduwan napsu ku, taggahaꞌ aku gi bay noan jama bong pooy meꞌ da koleꞌ haddiya numbul satu, aku na baw ya mintu yaꞌ koleꞌ oy maka oy na.

2 Korin 6:16

Lagiꞌ na, yana meꞌ lumaꞌ Tuhan yaꞌ dari llamuran siga tuhan-tuhan, damikiyan kitabi pun, yaꞌ du dari mmeꞌ meꞌ uwahan jama ma yaꞌ pitsayaꞌ ni si Isa. Batan kitabi na situ binilang lumaꞌ Tuhan sabap Tuhan sabanna ma llum saumu-umu patannaꞌ njawom baran tabi. Meꞌ halling sambat palman Tuhan njawom kitab, yuk na, “Patannaꞌ na sina ku mintu njawom baran da maka luu na pin ku ngunungan sila. Aku na sina mintu Tuhan da maka sukuꞌ ku na sila.” Maka lay gi magpalman Tuhan, yuk na,

Galatiya 2:20

Pag batnaa, Almasi na llum ni baran ku, saꞌ na aku. Sangkon kahandak na jaꞌ bean ku, saꞌ na kahandak ku. Maka batnaa, halloman ku llum, mangando jaꞌ ku ni Anak Tuhan. Batan maaseꞌ ya niyaku sampay lay na ga paglillaꞌ na dī na pinapatoy kalnaꞌ aku.

Galatiya 4:19

Siga anak, halloman ku ilay bay ngagad kaam pitsayaꞌ ni Almasi, tud bay gampang ku ningkaam. Sibuꞌ du parasahan ku ka danda magkamaddi-maddi ngagad anak na pōꞌ. Pag batnaa, meꞌ ga pabalik na baw gampang ku ningkaam, batan kahalloman ku la ngagad kawul-piil Almasi tumatandaꞌ ni jataꞌ bi.

Galatiya 6:4

Gam na pindogahan tabi doꞌ dī tabi bong tuwaꞌ pabuwatan tabi atawa niyaꞌ. Bong ina tud tuwaꞌ du, inaa ya pataꞌ man tabi gāk. Daa jaꞌ kitabi meꞌ kasohean ma tigiꞌ manding bong sila lumabi man pagkahi da.

Epesus 3:17

Maka kamura-murahan luu na pin Almasi patannaꞌ njawom atay bi man sabapan pangando bi niiya. Maka kamura-murahan tattog na pin aseꞌ bi pa Tuhan sampay pa manusiyaꞌ meꞌ karuha kayu nganggamut palawom njawom tanaꞌ.

Kolossa 1:23

basta kam tattap jaꞌ pitsayaꞌ ni umanat mahap pasal si Isa. Sangkon daa na kam kuhi pinagsian man kabanahan njawom umanat mahap ma bay takale bi. Maka daa kam jamu ngaholat Tuhan numan mimon janjiꞌ na njawom umanat mahap. Umanat mahap ina, liput na junyaꞌ man na pinasaplag. Na ni sagannap ma bay pineneꞌ masaplag, kuwan disu, yana aku na situ.

Kolossa 1:27

Umanat Tuhan ina, yana pasal garaꞌ na matabeꞌ kaam ma saꞌ Yahudi ni ladjikiꞌ lakka man iya. Ladjikiꞌ looy ilay yana Almasi patannaꞌ njawom baran bi. Boꞌ iya na sina poonan bi ngaholat ngabut arat-tabiat na.

Kolossa 2:19

Ga jama meꞌ looy ilay yaꞌ na ngantanan tōꞌ Almasi. Padahal Almasi ina, yana takōk ningkitabi ma binilang baran na. Iya sina poonan man mimon kalangkapan baran na koleꞌ oy-oy gunahan ninsila. Dari tiyap-tiyap ina baran langkit ka kōk na, tibuuk jaꞌ sina sikamimon. Mimon kalangkapan na sama-sama usik. Boꞌ magsasōng na pin meꞌ da sampulnaꞌ magbēꞌ ka gantaan Tuhan.

Kolossa 2:7

Subay tattog pangando bi niiya meꞌ karuha kayu ma nganggamut palawom njawom tanaꞌ. Ikutun bi na pin kabanahan ma bay tinōꞌ ningkaam pasal iya mari magsasōng na pin pangando bi niiya. Maka subay kam wā magsuku pa Tuhan.

1 Timuti 2:15

Inaa na sina kon karandahan kabisahan maddi. Sugaꞌ masi du baw ina sila salamat pa Tuhan bong yaꞌ du labbahan da pangando da ni si Isa, ka aseꞌ da, sampay kasutsian da ma tumatandaꞌ ni hatu kawul-piil da.

2 Timuti 3:8

Kuwan sila ina ma tukang masampay siga tōꞌ palsu, ndang bingkok na pamiki da. Yaꞌ hilas pangando da pa Tuhan. Nulang sila kabanahan meꞌ bay jaman ga si Jannes ka si Jambres bay nulang Nabi Musa mattoꞌ.

Taytus 1:13

Na bitsala looy ilay siꞌ, luu du bana na. Sangkon daa ko paagak maintoman sagannap ma ndiyoan nu supaya sila tattap mmeꞌ ni tōꞌ si Isa ma kinapitsayaan meꞌ ta.

Taytus 1:16

Boꞌ sagannap ma nuwak tōꞌ sabanna, san ina sila māꞌ katoonan da Tuhan, tumatandaꞌ du ni tangge-tingkōꞌ da yaꞌ bana bitsala da. Pabuwatan da ina sinukang meꞌ Tuhan. Yaꞌ sila ngasip niiya. Maka yaꞌ sila tawop pinakoy ni oy-oy pabuwatan mahap.

Taytus 2:2

Baan nu sagannap matatoa ma lalla, subay sila pandoy ngagak dī da. Maka subay sila pahatu-hatu ka patong mamiki mari sila tawop pinag-aratan. Subay sila tattap mmeꞌ ni tōꞌ ma kinapitsayaan meꞌ tabi ka maaseꞌ ni jama, sampay natas njawom katiksaan.

Hibrani 12:15

Sipaintom-paintom na pin kam mari kam yaꞌ luu nikutan Tuhan sampay masensengan aseꞌ na. Paayad-ayad kam taggahaꞌ nganggamut na baw duga njawom atay bi. Batan bong ina luu ni baanan bi meꞌ naa, malaingkan kalingog sina ningkaam maka song hallom meka na kam kalakkotan ni arat na.

Hibrani 4:1

Na san meꞌ looy bay katuwaꞌ ni kabboꞌ-bboan tabi, masi du situ luu pahaliyan ni timpu batnaa ma bay njanjiꞌ meꞌ Tuhan ndean siga sukuꞌ na. Sugaꞌ paliksaun bi doꞌ dī bi bong tud luu na kam njawom pahaliyan looy, taggahaꞌ luu na pin kam yaꞌ gi bay paasok.

Hibrani 6:8

Sugaꞌ kasohean tanaꞌ ni huma looy gam pin katomoan lumput itingan. Tanaꞌ meꞌ looy ilay yaꞌ luu pūs na. Pag toklas na, sinumpaan sampay tinunu na ddas ka tinanom na.

Yaꞌkub 4:4

Bong ina pakaradjaan meꞌ naa paabak bi, yaꞌ kam magkanaalla pa Tuhan. Ilooy ya meꞌ punu njawom atay bi hāl junyaꞌ. Bong yaꞌ katoonan bi, tiyap-tiyap ina pakaradjaan junyaꞌ inisbat meꞌ bi, malaingkan nikutan kam Tuhan maka sibuꞌ du kam ka manta iya.

1 Pitel 5:9

Sangkon subay tattap meꞌ bi mangando ni Papuꞌ Isa man bi naggaꞌ Ibilis. Ingatun bi, meka du sina pagkahi bi sukuꞌ si Isa ni sikaliput junyaꞌ tuwaꞌ kabinsanaan meꞌ ningkaam du batnaa.

Siga Pakaradjaan bay Pinalahil 2:5

Kamura-murahan tabista bi du ehe pagbiddaan bay aseꞌ bi niyaku maruhuꞌ maka batnaa, boꞌ bi nawbat. Bong ina kam yaꞌ nawbat, pilu du sina ku, boꞌ lakkahan ku palitaan bi ddas ka pananggehan na.