2 Korin 13:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Na ni kaminduwa ku bay pilu, ndang lay na bay saggong ku sagannap ma bay buwat dusa. Pag batnaa, ndang bandaan ta na kam pabalik padpad yaꞌ gi ku takka pilu. Bong ina mintu ndaꞌ ku masi luu yaꞌ bay ngalabbahan dusa da, yaꞌ na du sina sila agak ku; basta sasso jaꞌ sina sila meꞌ ku.

2 Korin 13:2 ပူးပေါင်းရင်းမြစ်များ

1 Korin 5:5

pa-ntanun bi na lalla looy pa mman Ibilis supaya pinakaat na baran na. Kawu-kawu pag takissa na meꞌ looy, tawbatan na na du dusa na sampay salamat na nyawa na pag taabut llaw Papuꞌ Isa ngahukum manusiyaꞌ.

2 Korin 1:23

Na danan ku ilay yaꞌ na bay tabawus pilu pa Korin, ilu na Tuhan pakale-kale, man ku jaꞌ ngilagan paddi atay bi bong luu gi kam nnaa ma subay na pin sahawi ku.

2 Korin 12:14

Batnaa tu, song pilu na ku ngandaꞌ-ngandaꞌ kaam. Bong itu ku bay tabawus, kamintallu tuu na situ ku nakka lahat bi. Sugaꞌ san baw tu ku mintu pilu, masi du ku yaꞌ maku hasil sabap kaam ya mehe niyaku, saꞌ ga sīn bi. Ndang-ndang saꞌ du sina sukuꞌ ga anak malanjaan induꞌ-mmaꞌ, arapun induꞌ-mmaꞌ ya subay malanjaan ga anak.

2 Korin 13:10

Ngkon ku tu nuwat meꞌ tuu halloman ku yaꞌ gi bay pilu, kawu-kawu nawbat na sagannap ma buwat kalaatan nnaa. Dari pag takka ku pilu, yaꞌ na ku talpaksaꞌ mainsapan kaam. Ndang-ndang kapatut bay dean Tuhan aku itu para man mabasagan pangando bi ni Almasi, saꞌ ga man mabinasa kaam.