2 Korin 13:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Katapusan bitsala ku, siga danganakan, pagakun bi atay bi. Pagbuli-bulihan bi mogbogan kawul-piil ayad. Kannahun bi banahan palbiatan ku maka tuyuan bi meꞌ bi dambuwaꞌ atay. Miha kam jalan man bi wā njawom kasalassayan ka pagkahi bi. Bong siꞌ ina bean bi jaꞌ, inunungan jaꞌ sina kam meꞌ Tuhan, yana poonan aseꞌ ka kasannangan.

2 Korin 13:11 ပူးပေါင်းရင်းမြစ်များ

Panagnaan 37:4

Pag liling ga siyaka na pabiddaꞌ aseꞌ mmaꞌ da ni siyali da, ilooy ma kinagigitan na ya. Dari pagpōꞌ-pagpōꞌ bitsala da ni si Yusup, kasla na jaꞌ.

Panagnaan 45:24

Pag-anu siꞌ, lay na palakka si Yusup siga danganakan na sambayan na nugun sila yaꞌ nohoꞌ sasaꞌ-manasaꞌ ni tangngaꞌ lān.

Matiyu 1:23

“Bbos-bbos luu sina budjang battong yaꞌ san bay pingkaꞌ sitapit ka lalla. Pag pōꞌ anak na, lalla. Bbos-bbos inawnan ya si Emmanuwel.” (Hatiyan na, Tuhan luu na ntuu mman tabi.)

Matiyu 5:48

Sangkon, subay mahap gi man mahap arat-tabiat bi meꞌ karuha arat-tabiat Mmaꞌ bi Tuhan.”

Malkus 10:49

Pag-anu siꞌ, ilooy ma lay na patagong si Isa boꞌ na halling, “Sōn bi na ba ya pitu.” Dari lay na binaan meꞌ da lalla looy siꞌ ma buta, yuk da, “Daa na ko susa. Nangge na ko. Alay na ko sohoꞌ na pilay pa mman na.”

Malkus 9:50

“Bong inawnan timus, ndang mahap. Sugaꞌ bong meꞌ sapantun lay na lungay maasin na, niyaꞌ na sina tapabalik. Yaꞌ na luu kapansahaliyan na samasakali. Sangkon kuwan kaam, daa palungayun bi kapansahaliyan bi ni pagkahi bi manusiyaꞌ. Maka ngulihal na pin kam meꞌ bi njawom kasalassayan ka sila.”

Lukas 9:61

Yuk disu na baw, “Mmeꞌ ku la ningkau Tuwan, sugaꞌ bong siꞌ kadarihan ningkau, moleꞌ doꞌ ku duhuꞌ muhun ni ga jama lumaꞌ kami.”

Yahiya 17:23

Kainagon ku tibuuk na sila meꞌ karuha pagkatibuuk ku ka sila atawa meꞌ karuha pagkatibuuk nu ka aku. Kamura-murahan dambuwaꞌ atay na sila banahan supaya tumatandaꞌ ni manusiyaꞌ kau bay mapitu aku. Meꞌ looy ilay, tabista jama na aseꞌ nu ni siga sukuꞌ ku sibuꞌ du ka aseꞌ nu niyaku.

Salsila siga Rasul 15:29

Ilagan bi mangan sumbalian ma bay sinongan ni siga tuhan-tuhan. Maka daa kam nginum lahaꞌ atawa mangan sumbalian yaꞌ bay tiis lahaꞌ na. Maka daa kam ubay ka jama bong saꞌ lla bi atawa nda bi. Bong siꞌ ina bean bi jaꞌ ilooy siꞌ, katuwaꞌ na sina kam. Ngkod naa jaꞌ bitsala kami. Wassalam.”

Salsila siga Rasul 23:30

“Boꞌ ilooy gi laat na, song hallom, lay na baw ku kabaan luu garaꞌ kasohean Yahudi mapatoy iya. Dari ituu na situ man na lay na magti sohoꞌ ku tinuhiyan pa mman nu hinukum. Na sagannap siga Yahudi ma doman malkalaꞌ iya, sohoꞌ ku sa pilu pa mman nu mahati bong oy sāꞌ na. Dari ngkod naa jaꞌ bitsala ku.”

Suwat si Pol pa mman Baanan Sukuꞌ si Isa ndooy ni Rom 12:16

Maka ingatun bi dī bi pantay-pantay ka siga pagkahi bi. Daa kam maglangkaw atay, gam pin subay kam mangatas panun ka jama miskin. Maka daa kam mista halul-akka gi kam man kasohean.

Suwat si Pol pa mman Baanan Sukuꞌ si Isa ndooy ni Rom 12:18

Pagbuli-bulihan bi mogbogan kasalassayan ka mimon jama.

Suwat si Pol pa mman Baanan Sukuꞌ si Isa ndooy ni Rom 14:19

Sangkon, pagbuli-bulihan bi meꞌ bi wā njawom kasalassayan ka siga pagkahi bi. Maka sipaintom-paintom kam supaya pataggu na pin iman bi dambaanan.

Suwat si Pol pa mman Baanan Sukuꞌ si Isa ndooy ni Rom 15:13

Na meꞌ Tuhan ina pag-asa tabi, kamura-murahan buwanan na du kam kagakan mehe maka kasannangan njawom atay bi sabap meꞌ bi pitsayaꞌ ni Papuꞌ Isa. Kamura-murahan sabap meꞌ bi pitsayaꞌ, ginaosan du kam meꞌ kawasa Rū Sutsiꞌ supaya pabasag na pin holat bi pa Tuhan.

Suwat si Pol pa mman Baanan Sukuꞌ si Isa ndooy ni Rom 15:33

Kamura-murahan inunungan na pin kam meꞌ Tuhan, yana poonan kasannangan. Amin.

Suwat si Pol pa mman Baanan Sukuꞌ si Isa ndooy ni Rom 16:20

Luu du sina Tuhan, yana poonan kasannangan, tattap nabangan kaam nalloban Ibilis. Dambuli man inaa, kamura-murahan luu na pin aseꞌ-tabang Papuꞌ tabi si Isa Almasi njataꞌ bi.

1 Korin 1:10

Na siga danganakan, kalnaꞌ awon Papuꞌ tabi si Isa Almasi, junjung ku na ningkaam, subay kam dambuwaꞌ pamiki. Yaꞌ sikatuwaꞌ bong magsulemaꞌ pamiki bi dambaanan. Subay kam dambuwaꞌ atay sampay dambuwaꞌ angan-angan.

2 Korin 1:4

Iya ina tukang magamgaman atay tabi tuktuk luu kasusahan tabi supaya kitabi na baw pandoy magamgaman siga pagkahi tabi ma njawom kasusahan. Dari pamiki ayad ma takoleꞌ tabi man Tuhan, man tabi na baw magamgaman jama.

2 Korin 13:9

Dari basta hallot jaꞌ pangando bi ni Almasi, gāk du situ kami san kami pinamāꞌ na yaꞌ luu gaos kami. Sarī man naa, paku kami duwaa pa Tuhan, kamura-murahan magsasōng na pin hāp kawul-piil bi ngabut sampay yaꞌ na luu salla na samasakali.

Epesus 4:12

Sila ilay bay binuwanan ladjikiꞌ meꞌ looy man da malangkapan siga sukuꞌ Tuhan majatu oy-oy sinukuꞌ meꞌ Tuhan ninsila, maka supaya pasōng na pin hāp sambuhan nyawa sikamimon ma binilang baran Almasi.

Epesus 4:3

Kaam ina, lay na pinagsidambuwaꞌ atay meꞌ Rū Sutsiꞌ. Sangkon sabuli-buli bi wā miha kasalassayan mari yaꞌ langkat pagkatibuuk bi.

Epesus 6:23

Siga danganakan, kamura-murahan binuwanan na pin kam kasannangan meꞌ Mmaꞌ tabi Tuhan ka Papuꞌ tabi si Isa Almasi. Maka pakuhan ta na pin kam duwaa mari magsasōng na pin aseꞌ bi ni pagkahi bi sampay pangando bi pa Tuhan.

Pilipi 1:27

Sugaꞌ san gi oy katuwaꞌ niyaku, inaa puntukan banahan, basta subay pataꞌ jaꞌ kawul-piil bi ka kaam jama ma mmeꞌ ni umanat mahap pasal Almasi. Meꞌ naa ina, luu-yaꞌ ku luu nnaa, taaka ku du sina mintu kaam sama-sama magtuyuꞌ kalnaꞌ Almasi. Maka sibuꞌ-sibuꞌ kam magmaksud maka dambuwaꞌ atay bi nanggehan umanat mahap mari jama pitsayaꞌ ni si Isa.

Pilipi 3:16

Sugaꞌ paku ku na ningkaam, basta bogbogan bi na jaꞌ mimon ma ndang katoonan bi numan ni kahandak Tuhan.

Pilipi 4:2

Sugaꞌ kuwan ga si Yuriya ka si Sintiki, baan bi doꞌ niyaku, junjung ku na ninsila, ddong na sila magsaggaꞌ. Subay sila magsulut batan ndang inaa pataꞌ ni siga danganakan njawman Papuꞌ Isa.

Pilipi 4:4

Na siga danganakan, ni mimon kahalan bi, pagakun bi jaꞌ atay bi sabap sukuꞌ Papuꞌ Isa na kam. Sangkon, meꞌ halling ku na siꞌ, pagakun bi atay bi.

Pilipi 4:9

Maka ikutun bi na pin mimon ma bay takoleꞌ bi man ku, labba man siga tōꞌ ku sampay na kawul-piil ma bay tasakup bi njataꞌ ku. Bong siꞌ ina inaa pakutuꞌ bi, mastiꞌ inunungan jaꞌ sina kam meꞌ Tuhan ma muwan kasannangan njawom atay bi.

1 Tesaloneka 3:10

Dari sangom-llaw na situ tiniggohan meꞌ kami maku duwaa pa Tuhan. Kamura-murahan nduwan na kami meꞌ na sitammu ka kaam pabalik. Batan kainagon kami luu na kami nnaa muwansangan kaam mari magsasōng na pin hallot pangando bi.

1 Tesaloneka 4:1

Na siga danganakan, kaam ina ndang lay na toan kami pasal kawul-piil ma kasulut ni Tuhan, sampay lay na du bean bi. Na meꞌ kitabi itu saliꞌ-saliꞌ na tibuuk ka Papuꞌ Isa, junjung kami na ningkaam, duhunan bi lagi.

1 Tesaloneka 4:18

Na ni bay bitsala ku ilay siꞌ, inaa na pakoyun bi man bi sipaintom-paintom mari kagamgaman pamiki bi saliꞌ-saliꞌ.

1 Tesaloneka 5:13

Tud subay sila pag-aratan bi maka kaasean bi banahan sabapan pabuwatan da ngayaran kaam. Maka pagbuli-bulihan bi meꞌ bi mogbogan kasalassayan bi dambaanan.

1 Tesaloneka 5:16

Ni mimon kahalan bi, pagakun bi atay bi.

1 Tesaloneka 5:23

Kamura-murahan tinabangan du kam meꞌ Tuhan, yana poonan kasannangan, supaya sutsiꞌ na banahan mimon kawul-piil bi. Kamura-murahan inayaran na pin meꞌ na nyawa bi, pamiki bi, sampay baran bi supaya yaꞌ luu sutsutan njataꞌ bi pag beleng Papuꞌ tabi si Isa Almasi.

2 Tesaloneka 2:16

Na siga danganakan, kakasi Tuhan, kamura-murahan pinagamgaman na pin atay bi meꞌ Mmaꞌ tabi Tuhan ka Papuꞌ tabi si Isa Almasi. Kamura-murahan ginaosan na pin kam meꞌ Tuhan mari mahap jaꞌ mimon tangge-tingkōꞌ bi ka bitsala bi. Batnaa, sabap Tuhan poonan tabang mehe ningkitabi, luu na kagakan njawom atay tabi saumu sampay holat ayad saꞌ alang-alang.

2 Tesaloneka 3:1

Siga danganakan, sarī man inaa, luu situ paku ku ningkaam. Bong anu, pakuhan bi doꞌ kami duwaa. Kamura-murahan tinabangan du kami meꞌ Tuhan supaya patanyag na deꞌ-dēꞌ umanat mahap pasal Papuꞌ Isa. Maka maku kam duwaa, kamura-murahan sagannap ma kale umanat mahap, meꞌ kaam na du pitsayaꞌ.

2 Tesaloneka 3:16

Kamura-murahan ni mimon kahalan bi, binuwanan na pin kam kasannangan jawom atay bi meꞌ Papuꞌ, yana poonan kasannangan. Maka kamura-murahan luu na pin ya ngunungan kaam labbasakayi.

2 Timuti 2:22

Sangkon, san meka meꞌ pag-umuhan nu taboo-boo meꞌ napsu da buwat jinisan karupangan, bong kau, basta palawak ko man arat-tabiat meꞌ looy. Iya pakutuun, yana kaintongan, pangando ni si Isa, aseꞌ ni jama maka kasalassayan. Sagannap ma ngisbat Papuꞌ ni kasutsiꞌ atay da, ndang meꞌ naa sina angan-angan da.

Hibrani 12:14

Pagbuli-bulihan bi miha kasalassayan ka mimon manusiyaꞌ. Maka subay kam sutsiꞌ. Batan yaꞌ sina mintu luu sikita ka Papuꞌ bong ya yaꞌ sutsiꞌ.

Hibrani 13:20

Tuhan ina poonan kasannangan. Ni kaehe kawasa na, lay ya makallum Papuꞌ tabi si Isa. Dari si Isa na sina numbul satu tukang ngipat kitabi ma awnan na siga bili-bili na. Man sabapan lahaꞌ na bay tumpa, inaa na kasāhan ni pagsulutan bahau ma yaꞌ luu katapusan na antaraꞌ Tuhan ka sukuꞌ na.

Yaꞌkub 1:4

Sangkon tatasan bi jaꞌ san gi oy katuwaꞌ ningkaam. Bong siꞌ ina kam natas, pag toklas na, taggu na iman bi ngabut sampay yaꞌ na luu salla ni kawul-piil bi samasakali.

1 Pitel 3:11

Subay timanan na mimon kalaatan supaya isu-isu kaayaran pabuwat na. Maka subay pagbuli-bulihan na miha kasalassayan ka jama.

1 Pitel 3:8

Na dambuli man inaa, meꞌ kaam sukuꞌ si Isa sikamimon, subay kam dambuwaꞌ atay maka sikaddoꞌ-kaddoꞌ parasahan. Subay kam sikaaseꞌ-kaaseꞌ meꞌ karuha jama magdanganakan. Sipanimbang-panimbang kam maka subay diyoꞌ pangatayan bi saliꞌ-saliꞌ.

1 Pitel 5:10

Sugaꞌ pus bi bay natas samantalaꞌ njawom kabinsanaan, tinabang du sina kam meꞌ Tuhan. Pahallotan na sina pangando bi maka pinataggu meꞌ na iman bi supaya kam meꞌ karuha poon kayu ma yaꞌ kuhi habbaꞌ sabap lawom gamut na. Bistahun bi doꞌ, ni kaehe aseꞌ-tabang Tuhan, lay na kam liyun na pa jawom okoman na. Maksud na supaya kam tumabeꞌ ni kabantugan na man sabapan pagkatibuuk bi ka si Isa Almasi. Boꞌ kabantugan na ina yaꞌ luu katapusan na.

Siga Pakaradjaan bay Pinalahil 22:21

Dambuli man inaa, barakat man Papuꞌ Isa ningkaam sikamimon. Wassalam