2 Korin 12:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

^2-3 luu na sapu-mpat taun bay pingkaꞌ. Jaman looy, luu disu lalla katoonan ku ma pitsayaꞌ ni Almasi bay inangkat pa katallu pangkat sulgaꞌ. Yaꞌ baw katoonan ku bong nyawa na sadjaꞌ ka, atawa lay tabeꞌ sampay baran na. Isu-isu Tuhan tau. Sugaꞌ katoonan ku baw, basta mattan ya bay nakka pa sulgaꞌ.

2 Korin 12:2 ပူးပေါင်းရင်းမြစ်များ

Lukas 24:51

Sasang na masi nupaatan sila, lay na ya inangkat pa sulgaꞌ.

Yahiya 6:56

Soysoy mangan isi ku sampay nginum lahaꞌ ku, malaingkan tibuuk ka aku.

Salsila siga Rasul 14:6

Pag taaka ga si Pol bay pag-isunan da, lay sila lahi pa siga daira Listra ka Delbe ndooy ni Laykawniya. Maka lay gi sila ngalataan kakawum-kawman ma ngaliput ga daira looy.

Salsila siga Rasul 22:17

“Na hallom maka hallom na, lay ku pabeleng pa Jerusalem. Pag luu disu llaw, sasang ku maku duwaa ni jawom langga mehe, lay na baw ku pinakitahan pandapat.

Suwat si Pol pa mman Baanan Sukuꞌ si Isa ndooy ni Rom 16:10

maka ni si Apelles ma tumatandaꞌ magkanaalla mmeꞌ ni si Isa. Maka salam duwaa du ni siga jama lumaꞌ si Aristobol

Suwat si Pol pa mman Baanan Sukuꞌ si Isa ndooy ni Rom 16:3

Sarī man naa, pasampayun bi doꞌ salam duwaa ku pa mman ga si Prisila ka si Akila. Sila ina limbang ku maghulas-sangsāꞌ kalnaꞌ si Isa Almasi.

Suwat si Pol pa mman Baanan Sukuꞌ si Isa ndooy ni Rom 16:7

Maka salam duwaa du ni siga pagkahi ku Yahudi, yana ga si Andronikas ka si Hunyas ma bay pingkaꞌ dambuwaꞌ ka aku njawom jīl. Sila ina pinagmaltabatan meꞌ mimon rasul si Isa. Maka duhuꞌ gi sila man aku bay mmeꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 16:9

Maka salam duwaa du ni si Urbanus yana limbang kami maghulas-sangsāꞌ kalnaꞌ si Isa. Salam duwaa du ni kakasi ku si Istakis

Suwat si Pol pa mman Baanan Sukuꞌ si Isa ndooy ni Rom 8:1

Sangkon, pagka tibuuk na kitabi ka si Isa Almasi, yaꞌ na luu hukuman mulkaꞌ njataꞌ tabi.

1 Korin 1:30

Kahapan man kahandak Tuhan, tibuuk na kitabi ka si Isa Almasi, yana poonan man tabi koleꞌ kapandoyan man Tuhan. Lagiꞌ na, sabapan si Isa Almasi, lay na kitabi initung meꞌ Tuhan intong sampay lay na kitabi dari sukuꞌ Tuhan. Maka sabapan si Isa, lay na kitabi pinaddusan man hukuman ni mimon dusa tabi.

2 Korin 11:11

Ni bistahan bi, yaꞌ kina kam kaasean ku sukat ku yaꞌ koleꞌ tulung lakka mman bi? Katoonan Tuhan du sina bong pooy ehe aseꞌ ku ningkaam.

2 Korin 13:5

Sangkon na ina, pindogahan bi bana kawul-piil bi bong sikatuwaꞌ du ka umanat mahap ma kinapitsayaan meꞌ bi. Bong ina tud bana-bana du si Isa Almasi patannaꞌ njawom atay bi, mastiꞌ tumatandaꞌ jaꞌ sina ni ayad kawul-piil bi. Bong ina niyaꞌ, saꞌ ga bina oy, meꞌ bi pitsayaꞌ ni kuwit tōng bi sadjaꞌ.

2 Korin 5:17

Pag batnaa, tabista tabi na, soysoy tibuuk ka Almasi, sibuꞌ du karuha da ka jama bahau bay pinapayak. Pagkajama da maruhuꞌ ma nabiat nulut dī da, yaꞌ na luu. Yaꞌ na sibuꞌ ka maruhuꞌ batan luu na pagkajama da bahau ka kaallum da bahau.

2 Korin 5:21

Bistahun bi doꞌ, san yaꞌ luu dusa Almasi samasakali, lay na ga ya binuwat meꞌ Tuhan subay ga baldusa batan mimon dusa tabi lay na tinanggung meꞌ na. Kon na bay buwat meꞌ looy supaya dari jama intong na kitabi meꞌ karuha kaintongan Tuhan man sabapan pagkatibuuk tabi ka Almasi.”

Galatiya 1:22

Dari kuwan siga baanan sukuꞌ si Isa ndooy ni Yahudiya, yaꞌ gi bay pingkaꞌ ngita aku.

Galatiya 5:6

Dari meꞌ kitabi itu tibuuk na ka si Isa Almasi, katoonan tabi na yaꞌ luu pagbiddaan pa Tuhan bong jama bay inislam atawa niyaꞌ. Ilooy du puntukan banahan yana pangando tabi niiya ma takita ni aseꞌ tabi ni pagkahi tabi manusiyaꞌ.

Epesus 4:10

Maka subay tahati tabi iya bay duwai pa junyaꞌ sampay pabeleng pa sulgaꞌ supaya tumatandaꞌ sinakup meꞌ na sikaliput alam.

1 Tesaloneka 4:17

Pag-anu, boꞌ kitabi ma masi llum haboy-haboy na ka sila inangkat pa jawom tayiꞌ baliyu nampang iya ni antalaan. Dari labba mandooy ilay mintu, dambuwaꞌ na kitabi ka iya saumu-umu.

Hibrani 4:14

Lipara luu du panghuluꞌ imam asahan tabi ma yaꞌ luu sibuꞌ sabanding na, lay na duhuꞌ pilay pa sulgaꞌ, yana si Isa Almasi, Anak Tuhan. Sangkon, subay yaꞌ labbahan tabi ilooy ma kinapitsayaan meꞌ tabi pasal iya.

Hibrani 9:24

Sangkon na ilay lahaꞌ Almasi na bay tumpa. Pag-anu, lay na ya paasok pa jawom sulgaꞌ. Pag batnaa, ndooy na ya ni awpan Tuhan kalnaꞌ kitabi. Yaꞌ na ya bay paasok ni langga bay pinatangge meꞌ manusiyaꞌ meꞌ ilooy ma bay asok panghuluꞌ imam mattoꞌ. Batan langga looy ilay sipat sadjaꞌ ni Lugar Pinakasutsiꞌ ni sulgaꞌ.

Siga Pakaradjaan bay Pinalahil 1:10

Na luu disu llaw, yana llaw man jama kumpo-kumpo numba Papuꞌ, lay ku bay pinakitahan pandapat meꞌ Rū Tuhan. Njawom pandapat ku, lay ku kale suwara ni bukutan ku meꞌ haddo tabuliꞌ.

Siga Pakaradjaan bay Pinalahil 12:5

Na pag maddi danda looy siꞌ, anak na lalla. Dari saddong anak-anak looy dak sinabbat meꞌ naga looy, ilooy ma lay ya ndagmit inangkat pa Tuhan, boꞌ na lay pinatingkōꞌ ni paningkoan Tuhan. Anak-anak looy siꞌ tu ndang bay ginantaꞌ marintahan mimon kabangsa-bangsahan taꞌ babaw junyaꞌ. Boꞌ tud adil pamarinta na.

Siga Pakaradjaan bay Pinalahil 4:2

Pag-anu siꞌ, sarunduun du lay ku pinakitahan pandapat meꞌ Rū Tuhan. Njawom pandapat ku, luu na ku ndooy ni sulgaꞌ. Pag ndaꞌ ku, luu ni awpan ku disu paningkoan mehe-dorogan meꞌ bantuk paningkoan sultan. Boꞌ luu disu ningkōꞌ ndooy.