2 Korin 12:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Gāk du situ ku magtuyuꞌ-tuyuꞌ kalnaꞌ kaam san gi man sīn ku katis sampay anggawtaꞌ ku bong pin sambu jaꞌ nyawa bi. Sugaꞌ tilaw ta teꞌ kam, meꞌ tuu na tamba-manamba na aseꞌ ku ningkaam, sikatuwaꞌ kina bong subay gi maglumba aseꞌ bi niyaku?

2 Korin 12:15 ပူးပေါင်းရင်းမြစ်များ

2 Korin 1:6

Sangkon san itu kami bininsanaꞌ sabap meꞌ kami masaplag, pa kaayaran du ningkaam sampay man bi na salamat. Batan pagka wā kami pinagamgaman meꞌ Tuhan, ilooy na kon kami pandoy na magamgaman kaam. Pag toklas na, katatas na du kam ni kabinsanaan meꞌ ilooy ma daran talingkaan kami.

2 Korin 11:11

Ni bistahan bi, yaꞌ kina kam kaasean ku sukat ku yaꞌ koleꞌ tulung lakka mman bi? Katoonan Tuhan du sina bong pooy ehe aseꞌ ku ningkaam.

2 Korin 12:14

Batnaa tu, song pilu na ku ngandaꞌ-ngandaꞌ kaam. Bong itu ku bay tabawus, kamintallu tuu na situ ku nakka lahat bi. Sugaꞌ san baw tu ku mintu pilu, masi du ku yaꞌ maku hasil sabap kaam ya mehe niyaku, saꞌ ga sīn bi. Ndang-ndang saꞌ du sina sukuꞌ ga anak malanjaan induꞌ-mmaꞌ, arapun induꞌ-mmaꞌ ya subay malanjaan ga anak.

2 Korin 12:9

Sugaꞌ yaꞌ ku bay nduwan. Iya tampung na, “Mangasa jaꞌ ko ba ni aseꞌ-tabang ku. Mangkin na ina yaꞌ luu kawasa nu, mangkin tumatandaꞌ na basag kawasa ku njataꞌ nu.” Sangkon mas gāk gi ku magpabantug ni hāl yaꞌ luu kawasa ku. Batan tuktuk yaꞌ luu kawasa ku, patakka na baw kawasa Almasi ni jataꞌ ku.

2 Korin 2:3

Sangkon lay na doꞌ bay paruhuꞌ ku suwat ku man mitsalahan kaam, taggahaꞌ pag pilu ku, susa na baw ku leꞌ bi. Boꞌ kainagon ku ilay siꞌ, tuktuk ku pilu, subay ku koleꞌ jaꞌ kagakan njataꞌ bi. Batan katoonan ku, tiyap-tiyap ku gāk sabapan kadarihan bi, malaingkan gāk du kam.

2 Korin 4:12

Dari san tu kami wā nontongan kapatoy, lay du bay pa kaayaran ningkaam sabap pag toklas na, lay na kam koleꞌ kasampulnaan nyawa ma yaꞌ luu katapusan na.

2 Korin 7:2

Siga danganakan, junjung ku na ningkaam, pasallopun bi na ba kami njawom atay bi. Ndang-ndang yaꞌ du kam luu san disu man kami bay kapagdusa atawa pun bay boo kami magsiꞌ. Maka yaꞌ du luu nnaa bay pingkaꞌ kinugut meꞌ kami.

2 Korin 7:3

Aku tu mitsala meꞌ tuu, saꞌ ga tu man ku malaat kaam, batan meꞌ halling sambat ku na nsiniꞌ, maaseꞌ kami ningkaam. Kaallum-kapatoy kami, tattap kam njawom atay kami.

Galatiya 4:10

Habal takka niyaku, bbuwatan bi konoꞌ magtuyuꞌ mogbogan siga aturan bangsa Yahudi. Tatammu bi na baw ga ngakig siga Yahudi maehe siga llaw ka buwan, sampay siga musim ka ga taun saula-ula inaa na katabang man nalamat kaam.

Pilipi 2:17

Meꞌ ku ngingat, mimon hulas-sangsāꞌ bi man sabapan pangando bi ni si Isa meꞌ karuha jakat ma bay sinongan meꞌ siga imam pa Tuhan mattoꞌ. Kuwan aku itu, bong sawpama lay na ku mintu pinapatoy sabap meꞌ ku masaplag, meꞌ ku ngingat, lahaꞌ ku tumpa meꞌ karuha tubaꞌ anggul ma bay tinumpahan meꞌ siga imam taꞌ kulban da mattoꞌ. Sugaꞌ san gi oy katuwaꞌ aku, masi du ku gāk maka gāk du ku ningkaam.

Kolossa 1:24

Na san ku tu batnaa tiksaꞌ sabap meꞌ ku wā masaplag, yaꞌ du tu lungay kagakan ku. Kon meꞌ looy batan lay jaꞌ du bay pa kaayaran ningkaam. San pun Almasi, bay du lumingkaꞌ njawom jinisan kamalasahiyan kalnaꞌ siga sukuꞌ na. Pag batnaa, aku na baw pagantiꞌ niiya ngissahan kamalasahiyan kalnaꞌ sagannap ma pitsayaꞌ niiya, yana kitabi ma binilang baran na.

1 Tesaloneka 2:8

Tandaꞌ ehe aseꞌ kami ningkaam, sarī man umanat mahap man Tuhan bay pasampay kami ningkaam, lay gi du atas kami narapan umu kami kalnaꞌ kaam. Tud maaseꞌ kami ningkaam.

2 Timuti 2:10

Umanat Tuhan ilay siꞌ kaboo kasalamatan ni soysoy pitsayaꞌ. Sangkon atas ku na natasan oy-oy jaꞌ kamalasahiyan kalnaꞌ sagannap ma bay pineneꞌ meꞌ Tuhan. Kainagon ku koleꞌ jaꞌ sila kasalamatan njataꞌ si Isa Almasi sampay tumabeꞌ ni kabantugan na saumu-umu.

Hibrani 13:17

Asipun bi siga pa-mmean bi sukuꞌ si Isa. Lillaꞌ jaꞌ kam ninsila batan sila ina ngayaran kaam mari sambu nyawa bi. Maka katoonan da du sina, luu jaꞌ masa ni sinōng paawop na sila pa Tuhan magsabanna bong pooy meꞌ da bay buwat ilooy ma bay sinukuꞌ ninsila. Dari bong ina bean bi jaꞌ sila, mastiꞌ gāk du sila ngayaran kaam. Sugaꞌ bong ina niyaꞌ, susa sina sila. Boꞌ na, kalugian gi ningkaam.