2 Korin 12:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Batnaa tu, song pilu na ku ngandaꞌ-ngandaꞌ kaam. Bong itu ku bay tabawus, kamintallu tuu na situ ku nakka lahat bi. Sugaꞌ san baw tu ku mintu pilu, masi du ku yaꞌ maku hasil sabap kaam ya mehe niyaku, saꞌ ga sīn bi. Ndang-ndang saꞌ du sina sukuꞌ ga anak malanjaan induꞌ-mmaꞌ, arapun induꞌ-mmaꞌ ya subay malanjaan ga anak.

2 Korin 12:14 ပူးပေါင်းရင်းမြစ်များ

Salsila siga Rasul 20:33

“Na,” yuk si Pol lagi, “meꞌ kaam ina pa-mmean ni siga sukuꞌ Tuhan, akigun bi jaꞌ ku. Halloman tabi bay samod, yaꞌ ku bay pingkaꞌ magkainagon ni pilak bi, mmas bi atawa pamakoy bi.

1 Korin 10:24

Sangkon, oy-oy pabuwat ta, pamikihan ta doꞌ duhuꞌ bong kasampulnaꞌ ni pagkahi ta atawa niyaꞌ. Daa isu-isu pabuwat ta ma karomanan ta sadjaꞌ.

1 Korin 10:33

Aku pun itu, inaa du aturan bean ku. Wā ku ngilag oy-oy pabuwatan ma binista meꞌ jama maat. Batan yaꞌ ku muhung kaayaran ni dī ku. Arapun ilooy ya puhung ku, kaayaran ni pagkahi ku manusiyaꞌ bong pin sila nammu jaꞌ kasalamatan.

1 Korin 11:34

Bong hati kam ndang lingantu na, mangan na doꞌ kam duhuꞌ ni lumaꞌ. Ngilag kam, taggahaꞌ yaꞌ na baw mintu taagak bi dī bi sampay man bi na baw pinidjalaꞌ meꞌ Tuhan. Na ni kapasal bay tilaw bi kasohean, noy ku takka na pilu boꞌ bi baan ku.

1 Korin 16:5

Batnaa maru situ ku pilay pa Masidunya. Lakka ku mandooy, boꞌ sa ku pilu ngandaꞌ-ngandaꞌ kaam.

1 Korin 4:19

Boꞌ ko, yaꞌ na situ hallom, pilu na du ku bong siꞌ nugut jaꞌ Papuꞌ. Ndaꞌ ku teꞌ sagannap ma ngabbu nnaa bong tud bana du luu kawasa Rū Sutsiꞌ njataꞌ da atawa ni bitsala da sadjaꞌ.

1 Korin 9:12

Bong pataꞌ guru bi ilooy kasohean binalanjaan meꞌ bi, labi na kami. Sugaꞌ kami baw tu, san sakayi, yaꞌ du kami bay maku hasil san luu kapatut kami. Gam pin lay jaꞌ kami natasan katiksaan ngusahān dī kami bay jaman kami nnaa noan kaam. Ilooy ilagan kami taggahaꞌ luu gi kasanggalang ningkaam pitsayaꞌ ni umanat mahap pasal Almasi.

1 Korin 9:18

Na tungbas ma awnan ku ilay siꞌ, yana kagakan takissa ku bay masampay umanat mahap ni jama yaꞌ mabayad sila. Sangkon, yaꞌ ku doman makoy kapatut ku nohoꞌ binalanjaan.

1 Korin 9:19

Dari meꞌ tuu situ kahalan ku: San ku saꞌ ata soy maka soy na, lay gi ku buwat dī ku subay ga ata sikamimon bangsa. Atas ku buwat meꞌ tuu kawu-kawu paeka na pin jama taboo ku mmeꞌ ni Papuꞌ Isa.

2 Korin 1:15

Na pagka ndang tatantu ku gāk kam sitammu ka aku, min duwa na ku bay bagaraꞌ pahās pilu pa mman bi. Sibuwa, niyat ku pahās lān ku pa Masidunya, pag balik ni lān ku pabeleng mandooy. Bong siꞌ ilay bay tabawus, min duwa na kam bay tabuwanan ku supaat. Pag lupus, boꞌ ku tatulung bi lān ku palanja pa Yahudiya.

2 Korin 11:9

San ku bay kakatisan balanjaꞌ hallang-hallangan looy, yaꞌ du ku bay pingkaꞌ maku hasil mman bi, batan luu na baw bay takka siga danganakan tabi lakka man Masidunya bay nulung aku. Dari labba man sibuwa sampay batnaa, sabuli-buli ku naggaꞌ yaꞌ maku hasil bong pin yaꞌ jaꞌ kam sigpit sabapan ku. Damikiyan, sumawung-sumilan, masi du sina meꞌ naa meꞌ ku ka kaam.

2 Korin 12:13

Sugaꞌ oy tu la bay dusa ku ningkaam taggahaꞌ yaꞌ na kam gakan aku? Napi ku ni dī ku, oy-oy bay pabuwat ku kalnaꞌ siga baanan sukuꞌ si Isa ni lahat sarī, meꞌ looy du meꞌ ku bay buwat kaam. Ilooy du pagbiddaan na, kuwan ningkaam, yaꞌ kam bay pakuhan ku hasil taggahaꞌ tiksaꞌ na baw kam sabapan ku. Na bong baw gantaan dari dusa niyaku meꞌ looy, ampunun bi lasa ku.

Galatiya 4:19

Siga anak, halloman ku ilay bay ngagad kaam pitsayaꞌ ni Almasi, tud bay gampang ku ningkaam. Sibuꞌ du parasahan ku ka danda magkamaddi-maddi ngagad anak na pōꞌ. Pag batnaa, meꞌ ga pabalik na baw gampang ku ningkaam, batan kahalloman ku la ngagad kawul-piil Almasi tumatandaꞌ ni jataꞌ bi.

Pilipi 4:1

Sangkon siga danganakan ku, kakasi ku, kannahun bi bana bay bitsala ku siꞌ mari kam tattog njawman Papuꞌ Isa. Tud ngintom na situ ku ningkaam. Kaam ina yana poonan kagakan ka kabantugan mehe niyaku.

Pilipi 4:17

Na aku tu nabbut meꞌ looy siꞌ, daa kam mista ga luu gi puhung ku nohoꞌ tinulung pabalik. Arapun iya puhung ku, kamura-murahan magsasōng na pin meꞌ bi sinupaatan meꞌ Tuhan sabapan kainagon bi nulung jama.

1 Tesaloneka 2:11

Meꞌ kami bay buwat kaam subay ga kami mmaꞌ ngayaran siga anak na.

1 Tesaloneka 2:8

Tandaꞌ ehe aseꞌ kami ningkaam, sarī man umanat mahap man Tuhan bay pasampay kami ningkaam, lay gi du atas kami narapan umu kami kalnaꞌ kaam. Tud maaseꞌ kami ningkaam.