2 Korin 12:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Na man sabapan kadarihan bi, lay na ga ku talpaksaꞌ mōꞌ dupang ku magpabantug. Subay siꞌ bay ku dapitan bi tuktuk ku pinitnahan. Minsan yaꞌ luu pūs ku, yaꞌ baw tu ku samasakali tamban meꞌ sagannap ma buwat dī da subay ga rasul si Isa patingkat man kasohean.

2 Korin 12:11 ပူးပေါင်းရင်းမြစ်များ

Lukas 17:10

Subay siꞌ meꞌ naa du kam. Pus bi bay buwat mimon ma bay sinohoꞌ meꞌ Tuhan ningkaam, daa kam ngingat ga subay na pin ya magsuku ningkaam. Arapun ingatun bi ata Tuhan sadjaꞌ kam buwat sagannap ma bay sinukuꞌ ningkaam.”

1 Korin 13:2

Damikiyan, san sawpama kita lay kaladjikian masampay siga umanat Tuhan, boꞌ katoonan ta lagi mimon ilmuꞌ ma yaꞌ gi bay pinalahil ni manusiyaꞌ, bong yaꞌ du luu aseꞌ ta ni jama, yaꞌ du luu pūs ta. Damikiyan, san sawpama yaꞌ luu kulang pangahati ta ni mimon-mimon, boꞌ sukup lagi pangando ta pa Tuhan sampay takaya ta nohoꞌ punu paenseg, bong yaꞌ du luu aseꞌ ta ni jama, yaꞌ du luu pūs ta.

1 Korin 3:22

Kami pun itu ka ga si Apolos ka si Pitel saliꞌ-saliꞌ bay jaꞌ du ndean meꞌ Tuhan para kaayaran ningkaam. Mimon njawom junyaꞌ tuu, labba man batnaa sampay ni sinōng, kaallum-kapatoy bi, basta mimon-mimon lay na sinukuꞌ para kaayaran ningkaam,

2 Korin 1:6

Sangkon san itu kami bininsanaꞌ sabap meꞌ kami masaplag, pa kaayaran du ningkaam sampay man bi na salamat. Batan pagka wā kami pinagamgaman meꞌ Tuhan, ilooy na kon kami pandoy na magamgaman kaam. Pag toklas na, katatas na du kam ni kabinsanaan meꞌ ilooy ma daran talingkaan kami.

2 Korin 11:1

Batnaa, tatasan bi na doꞌ samantalaꞌ pakale niyaku ngakig jama dupang meꞌ ku mantug dī ku.

2 Korin 11:5

Sugaꞌ bistahan ku, san gi soy guru bi nnaa ma kanna bi rasul si Isa ninggi taꞌ mimon rasul, basta yaꞌ baw tu ku tamban leꞌ da.

2 Korin 12:12

Bong siꞌ taintom bi bay jaman ku nnaa natasan kabinsanaan, tumatandaꞌ na pagkarasul ku. Batan jinisan pabuwatan kahaylan-haylan maka sipat kawasa Tuhan bay takita bi njataꞌ ku.

2 Korin 12:6

Sugaꞌ bong siꞌ ku ilay bay doman magpabantug ni hāl ma bay pinalahil niyaku, san ku yaꞌ na magdupang-dupang ngalabihan bitsala batan yaꞌ ku mitsala bong saꞌ kabanahan. Sugaꞌ agak ku gi situ dī ku nuntut hāl ma bay pinalahil niyaku. Karomanan ku bong ku binantug, subay yaꞌ labi man ilooy ma bay tasakup jama ni jataꞌ ku.

2 Korin 3:1

Na adakala luu na baw kasohean nnaa mista bitsala ku nsiniꞌ man ku jaꞌ mantug dī kami. Sugaꞌ oy tud kami buwat meꞌ looy? Ndang katoonan bi na du bong soy kami, saꞌ ba? Saꞌ situ kami meꞌ guru kasohean, subay na pin moo suwat pa mman bi man nanglitan sila supaya sila hinasi. Damikiyan, bong itu kami pa lahat disu, san kami yaꞌ na maku suwat mman bi pin kami hinasi jaꞌ meꞌ jama.

2 Korin 5:13

Kasohean ina nnaa, pag ndaꞌ da biddaꞌ na ehe tuyuꞌ kami kalnaꞌ Tuhan, baꞌ-bāꞌ da, lungay kami man panganna. Sugaꞌ yaꞌ dari oy na bong bistahan da lungay kami man panganna atawa niyaꞌ. Ilooy du puhung kami bong pin sinanglitan jaꞌ Tuhan maka bong pin koleꞌ jaꞌ kam kaayaran njataꞌ kami.

Galatiya 6:3

Bong luu kam nnaa yaꞌ nabangan pagkahi bi sabap meꞌ bi mista lumabi kam man kasohean, ngandupang jaꞌ kam dī bi. Tud yaꞌ baw sina kam hagaan man pagkahi bi.

Epesus 3:8

Sabana na, ni mimon sukuꞌ Tuhan, aku ya labi yaꞌ tawop inawnan sukuꞌ na. Lipara, lay gi baw ku tapeneꞌ nohoꞌ masaplag ni siga bangsa saꞌ Yahudi pasal siga supaat mehe saꞌ taangan-angan ma takoleꞌ da bong sila tibuuk na ka Almasi.