2 Korin 11:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Bay jaman ku noan kaam nnaa umanat mahap pasal Almasi, yaꞌ ku bay pingkaꞌ maku hasil. Bay jaꞌ ku magpadiyoꞌ para kaayaran ningkaam. Bong ningkaam, dari dusa kilay niyaku sukat ku yaꞌ bay maku hasil?

2 Korin 11:7 ပူးပေါင်းရင်းမြစ်များ

Salsila siga Rasul 20:33

“Na,” yuk si Pol lagi, “meꞌ kaam ina pa-mmean ni siga sukuꞌ Tuhan, akigun bi jaꞌ ku. Halloman tabi bay samod, yaꞌ ku bay pingkaꞌ magkainagon ni pilak bi, mmas bi atawa pamakoy bi.

Salsila siga Rasul 20:34

Tamasa bi na du aku bay ngusaha ka tangan ku mismu bong pin luu jaꞌ man kami magkaalluman ka ga soheꞌ ku.

Suwat si Pol pa mman Baanan Sukuꞌ si Isa ndooy ni Rom 1:1

Suwat tuu itu lakka man aku, yana si Pol, disu ata si Isa Almasi. Aku itu bay lliyun meꞌ Tuhan binuwat rasul nohoꞌ masaplag umanat mahap pasal kasalamatan.

1 Korin 9:12

Bong pataꞌ guru bi ilooy kasohean binalanjaan meꞌ bi, labi na kami. Sugaꞌ kami baw tu, san sakayi, yaꞌ du kami bay maku hasil san luu kapatut kami. Gam pin lay jaꞌ kami natasan katiksaan ngusahān dī kami bay jaman kami nnaa noan kaam. Ilooy ilagan kami taggahaꞌ luu gi kasanggalang ningkaam pitsayaꞌ ni umanat mahap pasal Almasi.

1 Korin 9:6

Salla na, kuwan kasohean, pag ndaꞌ da kami ka si Balnabas amu-amu ngusahān dī kami sasang kami noan sila, kanna da pataꞌ na san kami yaꞌ binalanjaan meꞌ da. Boꞌ ko, yaꞌ baw lay sikatuwaꞌ meꞌ looy.

2 Korin 10:1

Na baꞌ-bāꞌ kasohean nnaa, bahani jaꞌ ku bong njawom suwat man katāhan, sugaꞌ bong ni pag-awpan, tammon jaꞌ ku konoꞌ. Maka baꞌ-bāꞌ kasohean nnaa, ilooy du mehe ningkami meꞌ kami nganduwan napsu kami. Sugaꞌ aku tu, akig ku na doꞌ arat-tabiat Almasi meꞌ ku nganjunjung ningkaam. Sangkon magpadiyoꞌ na doꞌ ku maka hanunut-hanunut mitsalahan kaam. Junjung ku na ningkaam, ilagan bi man ku talpaksaꞌ mōꞌ bahani ku naggong sagannap ma māꞌ nganduwan jaꞌ kami napsu kami.

2 Korin 10:16

Pus meꞌ looy, dari na kami palanja masaplag umanat mahap ni kalahat-lahatan pa dambilaꞌ man lahat bi. Angan-angan kami itu, yaꞌ kami niluꞌ kalahat-lahatan ma lay na man jama masaplag. Yaꞌ kami doman taawnan magpabantug ni pabuwatan ma yaꞌ san bay luu kabigiꞌ-bigian kami.

2 Korin 12:13

Sugaꞌ oy tu la bay dusa ku ningkaam taggahaꞌ yaꞌ na kam gakan aku? Napi ku ni dī ku, oy-oy bay pabuwat ku kalnaꞌ siga baanan sukuꞌ si Isa ni lahat sarī, meꞌ looy du meꞌ ku bay buwat kaam. Ilooy du pagbiddaan na, kuwan ningkaam, yaꞌ kam bay pakuhan ku hasil taggahaꞌ tiksaꞌ na baw kam sabapan ku. Na bong baw gantaan dari dusa niyaku meꞌ looy, ampunun bi lasa ku.

2 Korin 2:12

Na ni bay palanan ku masampay umanat mahap pasal Almasi, lay ku bay nakka Troas. Ndooy siꞌ, lay na ku binuwanan lawang meꞌ Tuhan masaplag.

1 Tesaloneka 2:9

Siga danganakan, tamasa bi na du silay bay jaman kami masaplag umanat mahap man Tuhan ni daira bi, yaꞌ du bay man bi tiksaꞌ. Batan sangom-llaw na kami bay magtuyuꞌ ngusahān dī kami bong pin yaꞌ jaꞌ kam paya malanjaan kami.

2 Tesaloneka 3:8

Man kami bay magbalanjaꞌ, yaꞌ kami bay pingkaꞌ mangasa ni hulas-sangsāꞌ jama. Sangom-llaw na kami bay magtuyuꞌ buwat bong pin yaꞌ jaꞌ kam paya malanjaan kami.