2 Korin 11:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Marean ta yaꞌ du situ ku pintal mitsala meꞌ sila, sugaꞌ ni hāl pangahati pasal Tuhan, basta yaꞌ baw tu ku tamban meꞌ da. Kaam pun ina, katoonan bi na du, batan lay na du takale bi tōꞌ ku.

2 Korin 11:6 ပူးပေါင်းရင်းမြစ်များ

1 Korin 1:17

Ndang-ndang saꞌ du mandi jama pabuwatan numbul satu bay sinukuꞌ meꞌ Almasi niyaku. Iya bay sinukuꞌ niyaku masaplag umanat mahap pasal iya. Na bila ku masaplag, yaꞌ situ ku makoy bitsala gantaꞌ man jama hangaꞌ ni kaalistu ku mitsala. Batan bong ina sila mandang ni kaalistu ku mitsala, taggahaꞌ lungay na baw meꞌ da isi umanat ku pasal kapatoy si Isa taꞌ tehang. Boꞌ inaa du sina umanat ma luu kawasa na moo jama pa jawom kasalamatan.

1 Korin 1:21

Na Tuhan ina tud halul-akka batan ndang bay na ginantaꞌ meꞌ na jalan man manusiyaꞌ salamat. Jalan ma awnan ku ilay siꞌ yana meꞌ manusiyaꞌ pitsayaꞌ ni umanat mahap ma pinasaplag pasal Almasi. Salla na, binilang jaꞌ karupangan meꞌ sagannap ma mangaku halul-akka. Kon na ilay meꞌ looy sabap ndang yaꞌ katoonan da Tuhan.

1 Korin 12:8

Kasohean kitabi kaladjikian meꞌ Rū Sutsiꞌ mōꞌ pangahati lawom. Kuwan kasohean, kaladjikian maan jama hāl ma isu-isu Tuhan toon.

1 Korin 2:13

Dari pag taabut kami masaplag, yaꞌ kami makoy bitsala ma bay ginuru lakka man manusiyaꞌ. Arapun iya pakoy kami yana bitsala ma lakka man Rū Sutsiꞌ.

2 Korin 10:10

Batan baꞌ-bāꞌ bi kasohean nnaa, bong njawom suwat, bantuk bahani ku nahawi ka naggong, sugaꞌ bong ni pag-awpan, lammaꞌ gi ku konoꞌ man obak maka yaꞌ du meꞌ noy pintal ku mitsala.

2 Korin 12:12

Bong siꞌ taintom bi bay jaman ku nnaa natasan kabinsanaan, tumatandaꞌ na pagkarasul ku. Batan jinisan pabuwatan kahaylan-haylan maka sipat kawasa Tuhan bay takita bi njataꞌ ku.

2 Korin 4:2

Lay na labbahan kami mimon pabuwatan kaiyaꞌ-iyaꞌ ma subay na pin tinapuk. Dari yaꞌ situ kami ngandupang jama atawa pun nabid isi umanat mahap ma bay hinalap ningkami meꞌ Tuhan. Isu-isu kabanahan pasampay kami. Bong siꞌ ina jama bonto, basta tabista da jaꞌ situ bana bitsala kami. Lagiꞌ na, katoonan Tuhan du sina.

2 Korin 5:11

Na pagka katoonan kami katawu-tawu hukuman Papuꞌ Isa, sabuli-buli kami na situ mitsalahan jama nohoꞌ pitsayaꞌ niiya. Katoonan Tuhan du sina yaꞌ luu sarī niyat njawom atay kami. Kamura-murahan kaam pun, tabista bi du.

2 Korin 6:6

Maka tandaꞌ kami sosohoan Tuhan, yaꞌ luu pabuwat kami oy maka oy na man kami taawnan sabu. Boꞌ na, tumatandaꞌ du luu pangahati kami ni kitab. Sarī gi, tahaꞌ pasensiya kami maka manimbang kami ni jama. Maka tumatandaꞌ du pinagmundaan kami meꞌ Rū Sutsiꞌ. Maka hilas jaꞌ aseꞌ kami ni mimon manusiyaꞌ.

2 Korin 7:2

Siga danganakan, junjung ku na ningkaam, pasallopun bi na ba kami njawom atay bi. Ndang-ndang yaꞌ du kam luu san disu man kami bay kapagdusa atawa pun bay boo kami magsiꞌ. Maka yaꞌ du luu nnaa bay pingkaꞌ kinugut meꞌ kami.

Epesus 3:4

Bong itu mintu lay na katis batsa bi suwat tuu, malaingkan tabista bi na du sina tud tahati ku garaꞌ Tuhan ma bay pinajatu njataꞌ Almasi.