2 Korin 11:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Gampang ku la ningkaam. Bong luu jama pilu moo tōꞌ sarī pasal si Isa ma yaꞌ magbēꞌ ka tōꞌ kami, kuhi-kuhi jaꞌ kam pitsayaꞌ. Damikiyan, bong luu noan kaam pasal Rū Sutsiꞌ atawa pasal umanat mahap, kuhi-kuhi jaꞌ du kam pitsayaꞌ san yaꞌ sikatuwaꞌ tōꞌ da ka ningkami.

2 Korin 11:4 ပူးပေါင်းရင်းမြစ်များ

Malkus 7:9

Tud alistu kam buwat daawa man bi nunggud ga panohoan Tuhan bong pin tabogbogan bi jaꞌ siga aturan kabboꞌ-bboan bi.

Salsila siga Rasul 4:12

Na iya ilay, isu-isu iya kasalamat ningkitabi. Batan yaꞌ luu taꞌ babaw junyaꞌ sarī man iya bay papitu Tuhan nalamat manusiyaꞌ.”

Suwat si Pol pa mman Baanan Sukuꞌ si Isa ndooy ni Rom 8:15

Na jaman tabi ilay njawman saraꞌ, pagka daran kitabi ngalangga, sibuꞌ du karuha tabi ka ata ma tawu pinidjalaꞌ meꞌ papuꞌ na. Pag batnaa, lay na lungay tawu tabi sabap lay na kitabi pinatannaan Rū Tuhan ma nabangan kitabi buwat kaintongan. Boꞌ na, makitau gi ya njawom atay tabi tud bana-bana du anak Tuhan na kitabi. Dari inaa sina kon tabi ngawnan Tuhan “Maꞌ.”

1 Korin 3:11

Subay katoonan da bong inawnan tehang ma lay na patangge ku, yaꞌ dari ginantian. Batan tehang ma awnan ku ilay siꞌ yana si Isa Almasi.

2 Korin 11:1

Batnaa, tatasan bi na doꞌ samantalaꞌ pakale niyaku ngakig jama dupang meꞌ ku mantug dī ku.

2 Korin 2:12

Na ni bay palanan ku masampay umanat mahap pasal Almasi, lay ku bay nakka Troas. Ndooy siꞌ, lay na ku binuwanan lawang meꞌ Tuhan masaplag.

Galatiya 3:2

Tilaw ta teꞌ kam. Pooy meꞌ bi bay koleꞌ Rū Sutsiꞌ? Man sabapan meꞌ bi kilay bay mogbogan saraꞌ? Mastiꞌ ssaꞌ silay! Arapun ngkon bi ilay bay pinaasokan Rū Sutsiꞌ sabap meꞌ bi bay pitsayaꞌ ni umanat mahap ma bay takale bi man kami.

1 Timuti 1:3

Na Timuti, intomun bay halap ku ningkau waktu ku bay palakka man naa lān ku bay pitu pa Masidunya. Ngkon nu ilay bay sohoꞌ ku tamban nnaa ni Epesus supaya tasohoꞌ nu patagong sagannap ma mōꞌ tōꞌ palsu njawom baanan sukuꞌ si Isa. Sugaꞌ batnaa tu, luhud ku gi ngahalap ningkau pabalik.

1 Timuti 2:5

Kabanahan ina meꞌ tuu: Tuhan ina disu du. Damikiyan, disu du utusan ni antaraꞌ Tuhan ka manusiyaꞌ, yana si Isa Almasi, pagkahi tabi manusiyaꞌ.