2 Korin 11:29 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁹ Bong luu danganakan tabi yaꞌ basag pangando na ni si Isa, tud susa ku. Damikiyan, bong luu taboo magsiꞌ, paddi du pamiki ku.

2 Korin 11:29 ပူးပေါင်းရင်းမြစ်များ

Matiyu 11:6

Maka baan bi ya, njawom supaat sina soysoy yaꞌ paalang pitsayaꞌ niyaku.”

Yahiya 2:17

Na sasang ga mulit si Isa siꞌ maiman, taintom da na suwat njawom kitab, ilooy ma yuk na, “Ni kaehe sēng ku ni lumaꞌ nu, meꞌ lassa api noleyab njawom atay ku.”

Suwat si Pol pa mman Baanan Sukuꞌ si Isa ndooy ni Rom 12:15

Bong takita bi pagkahi bi gāk, mmeꞌ du kam gāk. Bong takita bi susa, mmeꞌ du kam susa.

Suwat si Pol pa mman Baanan Sukuꞌ si Isa ndooy ni Rom 15:1

Na kitabi itu ma basag pangando tabi, sapatut na, subay takissa tabi parasahan siga danganakan tabi ma kulang pangahati, ma yaꞌ gi basag pangando da. Maka subay sila pinasensiya meꞌ tabi ni kasaan pamiki da. Daa subay na pin kahandak tabi jaꞌ duwan tabi.

1 Korin 11:22

Subay siꞌ sagannap ma doman magpaasso, ndang mangan na doꞌ sila ni lumaꞌ. Bong siꞌ ilay bean bi meꞌ looy, malaingkan yaꞌ na kam buwat siga pagkahi bi sukuꞌ Tuhan subay ga jama yaꞌ luu hagaꞌ na. Bong ina luu pagkahi bi yaꞌ san bay kaambanan, saꞌ ga bina oy, tud yaꞌ luu maltabat bi ninsila. Yaꞌ na ku la pandoy bong pooy lagi meꞌ ku mitsalahan kaam. Tud yaꞌ sina kam pataꞌ sinanglitan meꞌ ku bila kam buwat meꞌ naa.

1 Korin 12:26

Bong ina disu kalangkapan baran tabi kapaddihan, ngissa du sina kalangkapan sikamimon. Damikiyan, bong disu kalangkapan binantug, gāk du sina kalangkapan sikamimon.

1 Korin 15:36

Na jama ma nilaw meꞌ looy ilay, yaꞌ san bay pakoy da honaꞌ-honaꞌ da. Subay siꞌ mindoga doꞌ kam ni karuha bigi tinanom. Yaꞌ sina tomoꞌ bong yaꞌ doꞌ bay duhuꞌ llabbong, boꞌ tinambunan meꞌ kadari jama matoy.

1 Korin 8:13

Sangkon bong niyaku, bong baw man danganakan ku ndusa sabap meꞌ ku bay mangan sumbalian meꞌ looy, yaꞌ na ku mangan meꞌ looy pabalik.

1 Korin 8:9

Sugaꞌ san ina kita sumunsayaꞌ na mangan oy maka oy na, subay du kita paayad-ayad taggahaꞌ ndusa siga danganakan ta ma kulang pangahati sabapan ta.

1 Korin 9:22

Maka bila ku njawom siga sukuꞌ si Isa ma kulang gi pangahati da pasal kasumunsayaan da njawman si Isa, pabiya ku na doꞌ kasumunsayaan ku bong pin pakale jaꞌ sila ni bitsala ku. Dari meꞌ halling sambat ku na siꞌ, san gi oy ntan jama atawa bangsa da, atas ku mmeꞌ meꞌ uwahan da bong pin luu jaꞌ taboo ku pa jawom kasalamatan.

2 Korin 13:9

Dari basta hallot jaꞌ pangando bi ni Almasi, gāk du situ kami san kami pinamāꞌ na yaꞌ luu gaos kami. Sarī man naa, paku kami duwaa pa Tuhan, kamura-murahan magsasōng na pin hāp kawul-piil bi ngabut sampay yaꞌ na luu salla na samasakali.

Galatiya 2:14

Dari pag ndaꞌ ku bbuwatan da yaꞌ sikatuwaꞌ ka kabanahan ni umanat mahap, ilooy ma yuk ku ni si Pitel ni pag-awpan sikamimon, “Kau tu, hallang-hallangan tuu, yaꞌ na ko bay mogbogan saraꞌ agama bangsa ta Yahudi. Pag batnaa, sarī na la tikmas nu. Sat nu saꞌ māꞌ, subay na pin siga jama ma saꞌ Yahudi mean saraꞌ agama ta boꞌ da tahasi nu danganakan.”

Galatiya 6:2

Pakutuun bi meꞌ bi sitabang-tabang mari tumatandaꞌ ngasip na kam ni panohoan Almasi sikaaseꞌ-kaaseꞌ.

Siga Pakaradjaan bay Pinalahil 2:2

“Kaam ina, katoonan ku du kadarihan bi nnaa. Ndaꞌ ku, basag kam maghulas-sangsāꞌ kalnaꞌ awon ku sampay basag kam natasan jinisan kamalasahiyan. Maka katoonan ku du nulang kam jama maat. Sampay lay na tatongkad bi niyat atay siga jama nnaa ma buwat dī da rasul ku, maka tabistu bi na ngandustaꞌ jaꞌ sila.

Siga Pakaradjaan bay Pinalahil 2:20

Sugaꞌ luu gi du baw situ man ku kasallahan ningkaam. Bbuwatan bi mabiya si Jesebel magsian sagannap ma ngisbat aku. Iya ilay danda jahallis, bahasa iya tukang masampay palman Tuhan. Boꞌ ko, njawom tōꞌ na, yaꞌ du konoꞌ dari hāl na san jama buwat kajinahan atawa pun mangan sumbalian ma bay pingkaꞌ sinongan pa siga tuhan-tuhan.