2 Korin 11:28 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁸ Sarī man katiksaan baran ku, tiksaꞌ gi sampay pamiki ku llaw pa dangallaw ni kagampang ku ni siga baanan sukuꞌ si Isa sikamimon.

2 Korin 11:28 ပူးပေါင်းရင်းမြစ်များ

Salsila siga Rasul 15:36

Paddus jaꞌ daka dangoy ngallaw, yuk si Pol ni si Balnabas, “Nges, pooy bong kita pabeleng doꞌ pa sikamimon daira man ta bay masaplag umanat Papuꞌ? Ndaꞌ ta teꞌ bong oy na pin kaadaan siga danganakan ta.”

Salsila siga Rasul 18:23

Hallom-hallom jaꞌ siꞌ ya ndooy ni Antiyok, lay na baw ya pilay pabalik pa Galatiya ka Pirigiya. Ndooy siꞌ, lay na baw ya ngalataan lahat mataggu iman sukuꞌ si Isa sikamimon.

Salsila siga Rasul 20:2

Takka jaꞌ siꞌ ndooy, lay ya ngalataan lahat looy ngandaꞌ-ngandaꞌ siga baanan sukuꞌ si Isa sampay lay gi ya magnasihat man na mataggu iman da. Pag-anu, boꞌ na pawus na pa Greece.

Salsila siga Rasul 9:31

Na pus meꞌ looy, yaꞌ na baw bay luu laug njataꞌ siga baanan sukuꞌ si Isa ni sikaliput Yahudiya ka Jalil sampay Samariya. Boꞌ na, pabasag na pin pangando da ni Papuꞌ maka yaꞌ maglumba meꞌ da ngisbat iya. Dari man tabang Rū Sutsiꞌ njataꞌ sukuꞌ si Isa, pasōng na pin eka jama ma pitsayaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 1:14

Aku itu, pangissahan ku talpaksaꞌ ku ngalataan lahat masaplag umanat mahap pasal si Isa ni sikamimon. Yaꞌ ku minig jama, san gi oy bangsa da, ma iskulan atawa niyaꞌ, ma halul-akka atawa niyaꞌ.

Suwat si Pol pa mman Baanan Sukuꞌ si Isa ndooy ni Rom 11:13

Na kaam ina ma saꞌ bangsa Yahudi, katoonan bi du sina, lay ku pineneꞌ meꞌ Tuhan binuwat disu rasul si Isa nohoꞌ masaplag umanat mahap ningkaam. Dari man sabapan sangsāꞌ ku, meka na supaat man Tuhan lay na takoleꞌ bi. Boꞌ wā situ ku nuntutan siga pagkahi ku Yahudi pasal pabuwatan ku ningkaam.

Suwat si Pol pa mman Baanan Sukuꞌ si Isa ndooy ni Rom 15:16

Aku itu bay pineneꞌ binuwat sosohoan si Isa Almasi kalnaꞌ siga bangsa ma saꞌ Yahudi. Pabuwatan ku tu meꞌ karuha imam batan masaplag ku umanat mahap man Tuhan ninsila. Kuwan sagannap ma pitsayaꞌ, sila meꞌ sapantun jakat sinongan meꞌ ku pa Tuhan. Boꞌ tinimaꞌ jaꞌ sina sila meꞌ Tuhan sabap lay na sinutsiꞌ pangatayan da meꞌ Rū Sutsiꞌ.

Suwat si Pol pa mman Baanan Sukuꞌ si Isa ndooy ni Rom 16:4

Bay sina sila pingkaꞌ narapan umu da kalnaꞌ aku. Tud mehe meꞌ ku magsuku ninsila. Sampay mimon baanan sukuꞌ si Isa ni kalahat-lahatan siga bangsa ma saꞌ Yahudi magsuku du ninsila.

1 Korin 7:17

Na oy-oy kaadaan bi jaman bi bay lliyun meꞌ Tuhan binuwat sukuꞌ na, san daa na halinun bi. Inaa ina yana aturan ma pinagtōꞌ meꞌ ku ni mimon baanan sukuꞌ si Isa.

Kolossa 2:1

Siga danganakan, karomanan ku tasayu bi na bong pooy basag ku magtuyuan kaam ka sila ndooy ni Leyodisiya, sampay mimon ilooy kasohean sukuꞌ si Isa ma yaꞌ gi bay pingkaꞌ sitammu ka aku.