2 Korin 11:26 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁶ Hangat ku ngalataan kalahat-lahatan masaplag, wā ku njawom bahaya. Lay na ga ku lumingkaꞌ njawom bahaya ngalintas sōng maka njawom bahaya meꞌ mundu ka njawom bahaya meꞌ bangsa ku mismu sampay meꞌ siga bangsa ma saꞌ Yahudi. Pa dile, pa dilawut sampay njawom daira, njawom bahaya na sadjaꞌ ku. Boꞌ lay gi ku tuwaꞌ bahaya leꞌ siga jama ma magbawuꞌ-bawuꞌ mmeꞌ ni Almasi.

2 Korin 11:26 ပူးပေါင်းရင်းမြစ်များ

Salsila siga Rasul 13:45

Sugaꞌ pag ndaꞌ siga pa-mmean Yahudi biddaꞌ na eka manusiyaꞌ bay bahuklud pilay pakale ni si Pol, takkahan dangkiꞌ na ga sila. Dari bbuwatan da nulang bitsala si Pol sampay lay gi ya pinitnahan.

Salsila siga Rasul 13:50

Sugaꞌ kasohean Yahudi baw ndooy, gam pin bbuwatan da ngoyo-ngoyohan ga pa-mmean ni daira looy ka ga karandahan balkanan ma bay paasok ni agama Yahudi nohoꞌ nulang ga si Pol ka si Balnabas. Dari lay du nilaugan meꞌ da ga si Pol sampay lay na ga pinalahi man lahat da.

Salsila siga Rasul 14:19

Na sasang ga si Pol masi ndooy ni Listra, luu na baw takka siga Yahudi lakka man Antiyok ka man Ikoniyum. Sasang da ndooy, meka na baw jama bay takoleꞌ da binoo-boo mmeꞌ ninsila nulang ga si Pol. Dari lay na ga paglupung-lupungan da si Pol hiniyak ka batu. Pag ndaꞌ da meꞌ bantuk lay na matoy si Pol, lay na guyud da pa poan daira looy, boꞌ lay jaꞌ mbanan da.

Salsila siga Rasul 14:5

Dari song hallom, lay na isun kasohean Yahudi ka ga jama saꞌ Yahudi sampay ga pa-mmean da minsanaꞌ ga si Pol sampay ngahiyak sila ka batu mari sila matoy.

Salsila siga Rasul 15:40

Kuwan si Pol, lay boo na yana si Saylas. Yaꞌ gi siꞌ sila bay lakka man Antiyok, lay doꞌ sila pinakuhan meꞌ siga sukuꞌ si Isa duwaa, kamura-murahan luu na pin aseꞌ-tabang Papuꞌ ni jataꞌ da.

Salsila siga Rasul 17:13

Sugaꞌ pag taaka jaꞌ meꞌ siga Yahudi ni Tesaloneka masaplag na baw si Pol umanat Tuhan pasal Almasi ndooy ni Bereya, lay sila patuhut. Takka jaꞌ siꞌ sila, bbuwatan da moo-moo jama hiluhalaꞌ ngalasuhan ga si Pol.

Salsila siga Rasul 17:5

Sugaꞌ kasohean Yahudi ndooy, pag ndaꞌ da meka na jama pitsayaꞌ ni tōꞌ si Pol, takkahan dangkiꞌ na baw. Dari bbuwatan da ngumpo siga jama maat binoo hiluhalaꞌ ni sikaliput daira looy. Maka lay gi sila pa lumaꞌ disu lalla inawnan si Jason man da miha si Pol ka si Saylas. Maksud da moo sila pa poan pa jawom baanan jama ndooy.

Salsila siga Rasul 18:12

Na kuwan siga Yahudi ndooy ni Korin ma yaꞌ pitsayaꞌ ni si Isa, lay isun naggaꞌ si Pol. Dari lay na baw ya sungkuban da boꞌ na binoo pa mman si Galliyo pinalkalaꞌ. Si Galliyo ilay maggubnul ndooy ni Akaya jaman looy.

Salsila siga Rasul 19:1

Sasang si Apolos ndooy ni Korin, kuwan si Pol, lay pilay pa Epesus man taꞌ dile. Takka pa Epesus, lay ya sitammu ka ga kasohean jama ma pitsayaꞌ ni si Isa.

Salsila siga Rasul 19:23

Na sasang si Pol masi ndooy ni Epesus, luu na baw hiluhalaꞌ mehe ndooy sabapan tōꞌ na pasal si Isa yana lān pa Tuhan.

Salsila siga Rasul 20:19

Sabuli-buli ku bay magtuyuꞌ maghulas-sangsāꞌ ntuu kalnaꞌ Papuꞌ maka yaꞌ ku bay pingkaꞌ matingkat dī ku man kasohean. Boꞌ daran gi ngattap boheꞌ mata ku ni kabasag gampang ku ningkaam. Maka katoonan bi na du jinisan katiksaan bay lingkaan ku sabapan siga sanggup ga Yahudi mapatoy aku.

Salsila siga Rasul 20:3

Paddus jaꞌ siꞌ tallum buwan halloman na ndooy ni Greece, maru na baw ya pilay pa Siriya. Saddong na adak patuwak, lay na baw tabistu na pinag-isunan ya pinapatoy meꞌ siga Yahudi taꞌ adjung ni tangngaꞌ dilawut. Dari honaꞌ-honaꞌ na, gam na ya lumān jaꞌ taꞌ dile pingkaꞌ bbalik man jawom Masidunya lān na pa Siriya.

Salsila siga Rasul 23:10

Na pag sikapasuꞌ jaꞌ ga Parisi ka ga Saddusi ndooy, hanggaw na komandel looy taggahaꞌ salik-manalik na baw baran si Pol meꞌ da. Dari lay sohoꞌ komandel looy llakkahan si Pol mandooy, boꞌ nohoꞌ binoo pabeleng pa kampu ni siga sundalu na.

Salsila siga Rasul 25:3

nohoꞌ hinalin pa Jerusalem. Angan-angan da nganggapahan iya ni tangngaꞌ lān pinapatoy.

Salsila siga Rasul 27:42

Na sabap meꞌ looy, bbuwatan siga sundalu lay isun mapatoy ga pilisu sikamimon taggahaꞌ patangkaw na baw sila lumangi.

Suwat si Pol pa mman Baanan Sukuꞌ si Isa ndooy ni Rom 15:19

Man kawasa Rū Tuhan njataꞌ ku, lay na ku kapōꞌ siga pabuwatan kahaylan-haylan. Maka man gaos Rū Tuhan, lay na du ku ngalataan lahat masaplag umanat mahap pasal Almasi labba man Jerusalem ngabut sampay pa Ilirikum.

Suwat si Pol pa mman Baanan Sukuꞌ si Isa ndooy ni Rom 8:35

Sangkon, basta yaꞌ sina luu kalakkahan aseꞌ si Isa Almasi njataꞌ tabi. Minsan kitabi njawom katiksaan atawa kasusahan, basta yaꞌ du sina kuhi lakka aseꞌ na. Minsan tabi nilaugan, lingantu, kulang pamakoy, njawom bahaya atawa binonoꞌ, basta yaꞌ du sina kuhi lakka aseꞌ Almasi ningkitabi.

1 Korin 15:30

Maka kami pun itu, oy tud kami subay lagi narapan umu kami mitsalahan jama nohoꞌ mmeꞌ ni Almasi bong mattan jama matoy yaꞌ na du pinakallum?

1 Korin 15:32

Ntuu tu ni Epesus, tandaꞌ ehe duga jama niyaku, subay ga sila baanan sattuwa tawun meꞌ da bay magkanaman aku. Na bong mattan yaꞌ du luu masa jama pinakallum pabalik, oy tud ku amu-amu masaplag? Gam na tagongan ku, boꞌ ku mmeꞌ ni sagannap ma magsambatan, “Tu kam. Nginum-mangan jaꞌ kitabi maglami-lami, taggahaꞌ matoy na kitabi sumawung.”

2 Korin 11:32

Batnaa tuntutan ta doꞌ kam disu waktu bay tumatandaꞌ yaꞌ luu gaos ku. Bay jaman ku ndooy ni Damaskus, luu ndooy gubnul ndiyoan Sultan Aretas lay bay magpanohoꞌ nganjagahan mimon lawang kutaꞌ daira looy supaya ku tasungkub pag pōꞌ ku.

Galatiya 2:4

Sugaꞌ luu du baw kasohean pasalluk ndooy yaꞌ kasulutan ni umanat ku. Kahandak da, mimon ma pitsayaꞌ ni si Isa subay llogos nohoꞌ mogbogan saraꞌ agama Yahudi. Sugaꞌ tabistu kami na du saꞌ sila danganakan kami sabanna. Lay jaꞌ sila pasalluk ni baanan kami mayu-mayu bong kami mogbogan saraꞌ agama atawa niyaꞌ. Sugaꞌ tabista kami du bong pamiki da binean, mastiꞌ kalangkat jaꞌ ni kasumunsayaan tabi njawman si Isa Almasi.