2 Korin 11:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Honaꞌ-honaꞌ ku, pagka meka nnaa ngakig arat jama ma mandang hāl junyaꞌ meꞌ da mantug pabuwatan da, akig ku na doꞌ sila samantalaꞌ.

2 Korin 11:18 ပူးပေါင်းရင်းမြစ်များ

1 Korin 4:10

Ni bandingan manusiyaꞌ ina, biddaꞌ na dupang kami sabap meꞌ kami amu-amu masaplag pasal Almasi. Boꞌ kaam baw ina, kanna bi halul-akka na kam ni hāl Almasi. Kami itu, ni bandingan jama, lammaꞌ kawasa kami. Boꞌ kaam baw tu, subay ga kam jama sukup kawasa. Kami itu pinag-udjuꞌ. Gam ina kaam, pinaehe gi.

2 Korin 1:17

Sugaꞌ san baw tu ku yaꞌ na bay tabawus pilu, yaꞌ baw sina sikatuwaꞌ bong luu kasohean nnaa mista aku jama yaꞌ taasahan. Yaꞌ ku meꞌ jama ma yaꞌ ngisbat Tuhan, os-os ngohoꞌ pilu sa ku san yaꞌ luu niyat njawom atay ku.

2 Korin 11:12

Boꞌ darahan ku gi situ meꞌ ku yaꞌ maku hasil ningkaam. Meꞌ looy ilay, sagannap ma mangaku rasul si Isa nnaa yaꞌ luu dapat da ngabbu saula-ula sibuꞌ du pabuwatan da ka kami.

2 Korin 12:1

Na inawnan magpabantug, san katoonan ku yaꞌ luu pūs na, gam pin talpaksaꞌ darahan ku gi sabapan bi. Sangkon tuntutan ta doꞌ kam siga pakaradjaan bay pinalahil meꞌ Papuꞌ niyaku

2 Korin 12:11

Na man sabapan kadarihan bi, lay na ga ku talpaksaꞌ mōꞌ dupang ku magpabantug. Subay siꞌ bay ku dapitan bi tuktuk ku pinitnahan. Minsan yaꞌ luu pūs ku, yaꞌ baw tu ku samasakali tamban meꞌ sagannap ma buwat dī da subay ga rasul si Isa patingkat man kasohean.

2 Korin 12:9

Sugaꞌ yaꞌ ku bay nduwan. Iya tampung na, “Mangasa jaꞌ ko ba ni aseꞌ-tabang ku. Mangkin na ina yaꞌ luu kawasa nu, mangkin tumatandaꞌ na basag kawasa ku njataꞌ nu.” Sangkon mas gāk gi ku magpabantug ni hāl yaꞌ luu kawasa ku. Batan tuktuk yaꞌ luu kawasa ku, patakka na baw kawasa Almasi ni jataꞌ ku.

2 Korin 5:16

Sangkon batnaa, pagka pakutuꞌ tabi na kahandak Almasi, yaꞌ na sibuꞌ meꞌ tabi manding jama ka bay jaman tabi yaꞌ gi pitsayaꞌ ni Almasi. Jaman looy ilay, sampay Almasi sarī du bandingan tabi niiya.

1 Pitel 1:24

Meꞌ bay sinuwatan njawom kitab, yuk na, “Kaallum manusiyaꞌ sandaꞌ-sandaꞌ jaꞌ meꞌ karuha parang jaꞌ ngalayu. Damikiyan, kabantugan manusiyaꞌ pun sandaꞌ-sandaꞌ jaꞌ du meꞌ karuha sumping ma ngalatak.