2 Korin 11:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Na kamura-murahan yaꞌ du kam luu mista aku jama dupang. Sugaꞌ bong sabagay luu, meꞌ bay halling sambat ku na siꞌ, tatasan bi na doꞌ pakale niyaku san ku magpabantug samantalaꞌ.

2 Korin 11:16 ပူးပေါင်းရင်းမြစ်များ

2 Korin 11:1

Batnaa, tatasan bi na doꞌ samantalaꞌ pakale niyaku ngakig jama dupang meꞌ ku mantug dī ku.

2 Korin 11:19

Ndang-ndang ni katahaꞌ akka bi, tinagi jaꞌ du kam pakale ni siga jama dupang.

2 Korin 12:1

Na inawnan magpabantug, san katoonan ku yaꞌ luu pūs na, gam pin talpaksaꞌ darahan ku gi sabapan bi. Sangkon tuntutan ta doꞌ kam siga pakaradjaan bay pinalahil meꞌ Papuꞌ niyaku

2 Korin 12:11

Na man sabapan kadarihan bi, lay na ga ku talpaksaꞌ mōꞌ dupang ku magpabantug. Subay siꞌ bay ku dapitan bi tuktuk ku pinitnahan. Minsan yaꞌ luu pūs ku, yaꞌ baw tu ku samasakali tamban meꞌ sagannap ma buwat dī da subay ga rasul si Isa patingkat man kasohean.

2 Korin 12:6

Sugaꞌ bong siꞌ ku ilay bay doman magpabantug ni hāl ma bay pinalahil niyaku, san ku yaꞌ na magdupang-dupang ngalabihan bitsala batan yaꞌ ku mitsala bong saꞌ kabanahan. Sugaꞌ agak ku gi situ dī ku nuntut hāl ma bay pinalahil niyaku. Karomanan ku bong ku binantug, subay yaꞌ labi man ilooy ma bay tasakup jama ni jataꞌ ku.

2 Korin 5:13

Kasohean ina nnaa, pag ndaꞌ da biddaꞌ na ehe tuyuꞌ kami kalnaꞌ Tuhan, baꞌ-bāꞌ da, lungay kami man panganna. Sugaꞌ yaꞌ dari oy na bong bistahan da lungay kami man panganna atawa niyaꞌ. Ilooy du puhung kami bong pin sinanglitan jaꞌ Tuhan maka bong pin koleꞌ jaꞌ kam kaayaran njataꞌ kami.