2 Korin 11:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Meꞌ aku itu disu jama mogbogan kabanahan pasal Almasi, kanaalla situ bitsala ku siꞌ. Basta yaꞌ baw sina luu san disu jama ni sikaliput Akaya kabāꞌ ngandustaꞌ ku bong sawpama ku magpabantug ni hāl meꞌ ku yaꞌ bay maku hasil mman bi.

2 Korin 11:10 ပူးပေါင်းရင်းမြစ်များ

Salsila siga Rasul 18:12

Na kuwan siga Yahudi ndooy ni Korin ma yaꞌ pitsayaꞌ ni si Isa, lay isun naggaꞌ si Pol. Dari lay na baw ya sungkuban da boꞌ na binoo pa mman si Galliyo pinalkalaꞌ. Si Galliyo ilay maggubnul ndooy ni Akaya jaman looy.

Salsila siga Rasul 18:27

Na hallom maka hallom na, doman na baw si Apolos patuwak pa Akaya masaplag. Boꞌ lay du inaminan garaꞌ na meꞌ siga pagkahi na sukuꞌ si Isa ni Epesus. Sampay lay gi sila nuwat pa mman sagannap ma mmeꞌ ni si Isa ndooy ni Akaya supaya hinasi meꞌ da paayad si Apolos. Na pag takka na pa Korin ndooy ni Akaya, man sabapan gaos Tuhan njataꞌ na, tud bay mehe tabang tōꞌ na ni sagannap ma pitsayaꞌ na ni si Isa.

Suwat si Pol pa mman Baanan Sukuꞌ si Isa ndooy ni Rom 1:9

Wā situ kam pakuhan ku duwaa, ilu na Tuhan pakale-kale, yana Tuhan ma inisbat meꞌ ku ni kahilas atay ku jawom ku masaplag umanat mahap pasal Anak na.

Suwat si Pol pa mman Baanan Sukuꞌ si Isa ndooy ni Rom 16:5

Maka salam duwaa du ni baanan danganakan tabi ma mmeꞌ numba ni lumaꞌ si Prisila ka si Akila. Maka salam duwaa du ni disu kakasi ku si Epenetus ma bay duhuꞌ-duhuꞌ pitsayaꞌ ni si Isa ndooy ni Asiya.

Suwat si Pol pa mman Baanan Sukuꞌ si Isa ndooy ni Rom 9:1

Na pasal pagkahi ku bangsa Israil ma nuwak Almasi, yana tukang nalamat man Tuhan, biddaꞌ na situ susa ku ninsila. Sila ilay sibuꞌ du ka danganakan ku. Tud yaꞌ kuhi maglumba karukkaan njawom atay ku batan yaꞌ sila pitsayaꞌ ni Almasi. Bong siꞌ bay dari, atas ku na pinagantiꞌ ninsila minulkaan sampay man ku na sakkat man Almasi bong pin sila tasalamat jaꞌ. Tud bana situ bitsala ku. Meꞌ aku itu njawman Almasi, yaꞌ ku nawakka ngandustaꞌ. Luu du situ Rū Sutsiꞌ māꞌ njawom honaꞌ-honaꞌ ku tud hilas bay halling ku siꞌ.

1 Korin 16:15

Na nnaa ina ni Akaya, katoonan bi na du ga si Estepanas sampay na jama lumaꞌ na bay duhuꞌ pitsayaꞌ ni Papuꞌ Isa. Sila ina basag nabangan siga sukuꞌ Tuhan. Sangkon na siga danganakan, junjung ku na ningkaam,

2 Korin 1:1

Ituu itu aku, yana si Pol, disu rasul si Isa Almasi man kahandak Tuhan. Suwat tuu lakka man kami ka danganakan tabi si Timuti pa mman bi ma mmeꞌ ni si Isa, yana sukuꞌ Tuhan nnaa ni Korin sampay ni sikaliput Akaya.

2 Korin 1:23

Na danan ku ilay yaꞌ na bay tabawus pilu pa Korin, ilu na Tuhan pakale-kale, man ku jaꞌ ngilagan paddi atay bi bong luu gi kam nnaa ma subay na pin sahawi ku.

2 Korin 10:15

Yaꞌ kami biyasa magpabantug ni pabuwatan jama sampay mangaku saula-ula kami ya bay maghulas-sangsāꞌ. Yaꞌ kami muhung sinanglitan, arapun puhung kami, bong pin pahallot jaꞌ pangando bi ni si Isa. Kainagon kami, hallot na pangando bi mari kami sumunsayaꞌ na ngaliput lahat bi masaplag supaya song paeka na pin jama pitsayaꞌ ni si Isa.

2 Korin 11:12

Boꞌ darahan ku gi situ meꞌ ku yaꞌ maku hasil ningkaam. Meꞌ looy ilay, sagannap ma mangaku rasul si Isa nnaa yaꞌ luu dapat da ngabbu saula-ula sibuꞌ du pabuwatan da ka kami.

2 Korin 11:31

Bay bitsala ku ilay siꞌ, tud bana silay. Tasayu du sina meꞌ ilooy ma tawop pinudji saumu-umu, yana Tuhan, Mmaꞌ Papuꞌ tabi si Isa.

2 Korin 12:19

Na kanna bi mareꞌ maksud ku nuwat meꞌ tuu man ku jaꞌ ngandapitan dī kami. Sugaꞌ siga kakasi ku, saꞌ sina meꞌ naa maksud ku. Meꞌ kami tu tibuuk ka Almasi, ilu na Tuhan pakale-kale, mimon pabuwat kami ka bitsala kami ningkaam, numbul satu maksud kami masambu nyawa bi.

2 Korin 9:2

Batan katoonan ku du ndang mehe kainagon bi nulung. Boꞌ lay gi kam sinanglitan meꞌ ku ni siga danganakan tabi ntuu ni Masidunya. Yuk ku ninsila, kaam nnaa ni Akaya, bay taun tee lagi ma bay pingkaꞌ, ndang sakap na kam nulung. Pag taaka da meꞌ looy, adak mimon na du sila magkainagon mmeꞌ nulung.

Galatiya 1:20

Bana situ bitsala ku ni suwat tuu. Ilu na Tuhan pakale-kale. Yaꞌ ku pandoy ngandustaꞌ.

Galatiya 2:20

Pag batnaa, Almasi na llum ni baran ku, saꞌ na aku. Sangkon kahandak na jaꞌ bean ku, saꞌ na kahandak ku. Maka batnaa, halloman ku llum, mangando jaꞌ ku ni Anak Tuhan. Batan maaseꞌ ya niyaku sampay lay na ga paglillaꞌ na dī na pinapatoy kalnaꞌ aku.

1 Tesaloneka 2:10

Labba man Tuhan sampay na kaam, lay na du tasakup bi bay kadarihan kami nnaa. Kaam ina sikamimon ma pitsayaꞌ ni si Isa nnaa, mastiꞌ lay jaꞌ tasakup bi kaintongan ka kasutsian tangge-tingkōꞌ kami. Damikiyan, yaꞌ du bay luu pabuwat kami man kami tasahawi.

1 Tesaloneka 2:5

Kami ilay, tamasa bi na du, san sakayi yaꞌ kami bay pingkaꞌ ngabbu-ngabbu kaam. Maka ilu na Tuhan pakale-kale, yaꞌ du bay luu niyat kami ngulihal altaꞌ bi.

1 Timuti 2:7

Ituu situ kon ku bay pineneꞌ meꞌ Tuhan binuwat rasul na nohoꞌ masaplag umanat mahap ni siga bangsa saꞌ Yahudi. Toan ku sila supaya sila mangando ni si Isa Almasi ka pitsayaꞌ ni tōꞌ sabanna. Na pitsayaꞌ jama atawa niyaꞌ, basta kanaalla jaꞌ baw situ bitsala ku. Yaꞌ ku pandoy ngandustaꞌ.