2 Korin 10:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Na bong sawpama landuꞌ meꞌ ku magpabantug pasal kapatut ma bay ndean kami meꞌ Papuꞌ, yaꞌ du silay mintu man ku hinaꞌ. Ndang-ndang kapatut ku itu lay du pakoy ku man ku masambu nyawa bi, saꞌ ga man makaat kaam.

2 Korin 10:8 ပူးပေါင်းရင်းမြစ်များ

2 Korin 1:24

Kamasaꞌ, yaꞌ du baw tu ga subay na pin kam pastul kami ni hāl pangando bi ni Almasi. Ndang katoonan kami na du hallot na pangando bi niiya. Kami tu, doman jaꞌ nabangan kaam supaya yaꞌ maglumba kagakan bi.

2 Korin 10:4

Sugaꞌ siga pakakas kami itu saꞌ situ meꞌ pakakas biyasa ntuu ni junyaꞌ, batan pakakas kami lakka man Tuhan maka mehe kawasa da man nalloban pamiki maat. Boꞌ kabinasa gi ni oy-oy pamiki bingkok ma pinakoy meꞌ Ibilis man magsian manusiyaꞌ ka ngomkoman sila.

2 Korin 10:9

Kon ku mitsala meꞌ tuu batan bistahan kasohean nnaa maksud ku ni siga suwat ku ningkaam man ku jaꞌ makitawu kaam.

2 Korin 12:19

Na kanna bi mareꞌ maksud ku nuwat meꞌ tuu man ku jaꞌ ngandapitan dī kami. Sugaꞌ siga kakasi ku, saꞌ sina meꞌ naa maksud ku. Meꞌ kami tu tibuuk ka Almasi, ilu na Tuhan pakale-kale, mimon pabuwat kami ka bitsala kami ningkaam, numbul satu maksud kami masambu nyawa bi.

2 Korin 12:6

Sugaꞌ bong siꞌ ku ilay bay doman magpabantug ni hāl ma bay pinalahil niyaku, san ku yaꞌ na magdupang-dupang ngalabihan bitsala batan yaꞌ ku mitsala bong saꞌ kabanahan. Sugaꞌ agak ku gi situ dī ku nuntut hāl ma bay pinalahil niyaku. Karomanan ku bong ku binantug, subay yaꞌ labi man ilooy ma bay tasakup jama ni jataꞌ ku.

2 Korin 13:10

Ngkon ku tu nuwat meꞌ tuu halloman ku yaꞌ gi bay pilu, kawu-kawu nawbat na sagannap ma buwat kalaatan nnaa. Dari pag takka ku pilu, yaꞌ na ku talpaksaꞌ mainsapan kaam. Ndang-ndang kapatut bay dean Tuhan aku itu para man mabasagan pangando bi ni Almasi, saꞌ ga man mabinasa kaam.

2 Korin 13:8

Sugaꞌ sinanglitan kami atawa niyaꞌ, basta yaꞌ baw tu kami buwat oy maka oy na ma nguntra kabanahan. Ilooy du angan-angan kami matangge kabanahan.

2 Korin 7:14

Boꞌ ndang lay na silay kam pinag-abbu meꞌ ku ni si Taytus halloman na yaꞌ gi bay pilu pa mman bi. Kahapan yaꞌ du ku bay parapatan bi, batan lay na du tasakup meꞌ si Taytus ayad kawul-piil bi nnaa. Dari yana meꞌ mimon tōꞌ kami ningkaam bana sadjaꞌ, damikiyan, tumatandaꞌ na du ni si Taytus bana du bay sanglit ku pasal kaam.

2 Korin 7:4

Tud kasulutan ku ningkaam sampay daran gi kam pinagbantug meꞌ ku. San yaꞌ taambat kabinsanaan njataꞌ kami, mehe meꞌ ku kagamgaman sabapan bi. Kaam ina poonan kagakan mehe niyaku.

Galatiya 1:1

Ituu itu aku, yana si Pol, disu rasul si Isa Almasi. Itu suwat ku pa mman bi siga baanan sukuꞌ si Isa nnaa ni sikaliput Galatiya. Ni kapasal pagkarasul ku itu, saꞌ manusiyaꞌ bay nguwakilan aku nohoꞌ masaplag. Ilooy ya bay nguwakilan aku yana si Isa Almasi mismu ka Mmaꞌ tabi Tuhan ma bay makallum iya pabalik. Duhuꞌ-duhuꞌ bitsala ku, salam duwaa ningkaam man kami ka mimon soheꞌ ku ntuu ma pitsayaꞌ ni si Isa.

2 Timuti 1:12

Boꞌ ituu na situ kon ku tiksaꞌ ntuu njawom jīl. Kamasaꞌ, yaꞌ du tu ku iyaꞌ batan katoonan ku ilooy ma asahan ku, yana si Isa Almasi. Boꞌ na, tatantu ku du mastiꞌ takaya na jaꞌ ngayaran ma bay pa-ntan ku niiya ngabut sampay llaw katapusan.