2 Korin 10:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Kaam ina kasohean, meꞌ bi manding jama, mindoga jaꞌ kam ni hāl ma takita bi ni poan, boꞌ niyat njawom atay, niyaꞌ san paruli bi. Baꞌ-bāꞌ kasohean nnaa, sila du bay binuwanan kapatut meꞌ Almasi binuwat sosohoan na. Sugaꞌ subay siꞌ tabista da, bong sila sosohoan Almasi, kami pun iyadu.

2 Korin 10:7 ပူးပေါင်းရင်းမြစ်များ

Matiyu 23:5

“Sikamimon tangge-tingkōꞌ da man magpakita-kita sadjaꞌ mari sila sinanglitan. Ndaun bi doꞌ ba pangannaan suwat man jawom kitab bay kinabit ni tundun da ka langngon da. Maka ndaun bi doꞌ ba tahaꞌ jambu ni battis juba da man da magpakita-kita.

Lukas 16:15

Sugaꞌ yuk si Isa ninsila, “Kaam itu, tud alistu baw kam magpakita-kita intong ni mata manusiyaꞌ. Sugaꞌ yaꞌ san tabista bi katoonan Tuhan du kalaatan njawom atay bi. Indanan bi. Meka sina pakaradjaan ma meꞌ punu njawom atay manusiyaꞌ sinukang meꞌ Tuhan.”

Yahiya 7:24

Daa kam os-os manding jama pa kalaatan, arapun mamiki doꞌ kam paayad mari tuwaꞌ bandingan bi.”

1 Korin 1:12

Bbuwatan bi konoꞌ, yuk dangan, “Aku mmeꞌ ni si Pol.” Yuk disu na baw, “Bong aku, mmeꞌ ku ni si Apolos.” Yuk disu na baw, “Niyaku la, mmeꞌ ku ni si Pitel.” Kuwan kasohean baw, yuk da konoꞌ, “Ningkami la, ilooy jaꞌ bean kami Almasi.”

1 Korin 14:37

Soysoy kam nnaa mista kaam tukang masampay umanat man Tuhan sampay tattap ngasip ni Rū Sutsiꞌ, bong ina bana du, tabista bi jaꞌ sina ituu ma sinuwatan meꞌ ku ningkaam tud lakka man panohoan Papuꞌ Isa.

1 Korin 15:23

Sugaꞌ hāl meꞌ tabi pinakallum itu, luu kitabi ka ira tabi. Almasi doꞌ bay duhuꞌ pinakallum, boꞌ pasunuꞌ sukuꞌ na pag takka na.

1 Korin 3:23

batan sukuꞌ Almasi na kam, boꞌ Almasi ina sukuꞌ Tuhan.

1 Korin 9:1

Kamasaꞌ, meꞌ aku tu disu jama ma mmeꞌ na ni Almasi, sumunsayaꞌ jaꞌ situ ku mangan oy-oy karomanan ku. Ndang tahati ku hāl meꞌ tuu batan aku disu rasul Almasi. Tandaꞌ aku rasul sabanna, mata ku mismu ma duwa bay ngita iya bay nammuhan aku. Sarī gi, danan bi lay na dari sukuꞌ Almasi sabapan sangsāꞌ ku du.

2 Korin 10:1

Na baꞌ-bāꞌ kasohean nnaa, bahani jaꞌ ku bong njawom suwat man katāhan, sugaꞌ bong ni pag-awpan, tammon jaꞌ ku konoꞌ. Maka baꞌ-bāꞌ kasohean nnaa, ilooy du mehe ningkami meꞌ kami nganduwan napsu kami. Sugaꞌ aku tu, akig ku na doꞌ arat-tabiat Almasi meꞌ ku nganjunjung ningkaam. Sangkon magpadiyoꞌ na doꞌ ku maka hanunut-hanunut mitsalahan kaam. Junjung ku na ningkaam, ilagan bi man ku talpaksaꞌ mōꞌ bahani ku naggong sagannap ma māꞌ nganduwan jaꞌ kami napsu kami.

2 Korin 11:18

Honaꞌ-honaꞌ ku, pagka meka nnaa ngakig arat jama ma mandang hāl junyaꞌ meꞌ da mantug pabuwatan da, akig ku na doꞌ sila samantalaꞌ.

2 Korin 11:23

Bong yuk da sosohoan Almasi sila, labi na aku. Na bong siꞌ itu yaꞌ talpaksaꞌ, subay ga ku jama yaꞌ luu honaꞌ-honaꞌ na magpabantug meꞌ tuu. Para na pin, bana du bitsala ku. Pooy-pooy jaꞌ ina meꞌ guru bi bay maghulas-sangsāꞌ kalnaꞌ Almasi, basta yaꞌ baw ina sila lumabi man aku. San du sila min dangoy bay tajīl kalnaꞌ iya, basta yaꞌ baw sina lumabi man niyaku. Maka bong ni hāl lagpiꞌ, basta min meka gi niyaku. Kansang gi ku nontongan kapatoy ku.

2 Korin 11:4

Gampang ku la ningkaam. Bong luu jama pilu moo tōꞌ sarī pasal si Isa ma yaꞌ magbēꞌ ka tōꞌ kami, kuhi-kuhi jaꞌ kam pitsayaꞌ. Damikiyan, bong luu noan kaam pasal Rū Sutsiꞌ atawa pasal umanat mahap, kuhi-kuhi jaꞌ du kam pitsayaꞌ san yaꞌ sikatuwaꞌ tōꞌ da ka ningkami.

2 Korin 12:11

Na man sabapan kadarihan bi, lay na ga ku talpaksaꞌ mōꞌ dupang ku magpabantug. Subay siꞌ bay ku dapitan bi tuktuk ku pinitnahan. Minsan yaꞌ luu pūs ku, yaꞌ baw tu ku samasakali tamban meꞌ sagannap ma buwat dī da subay ga rasul si Isa patingkat man kasohean.

2 Korin 13:3

Ndang-ndang doman du kam ngita buktiꞌ aku rasul Almasi mitsala ningkaam. Ma yaꞌ kuhi nawbat, pakissahan ku na sina mintu kawasa Almasi njataꞌ ku. Daa kam ngaholat lammaꞌ kawasa na mainsapan kaam.

2 Korin 5:12

Bitsala ku ilay siꞌ ni suwat tuu, yaꞌ luu maksud ku muhung sinanglitan. Arapun lay jaꞌ ku maan kaam kabanahan supaya luu man bi ngandapitan kami ni siga guru palsu nnaa ma tigiꞌ madiyoꞌ kami. Sila ina, ilooy du hagaan ninsila mantug ntan da, boꞌ yaꞌ san paruli da bong oy niyat njawom atay da.

Galatiya 3:29

Maka pagka sukuꞌ Almasi na kam, malaingkan initung na sina kam anak Nabi Ibrahim. Boꞌ na, kapakaam na mimon ma bay njanjiꞌ meꞌ Tuhan.

1 Yahiya 4:6

Boꞌ kitabi baw tu, anak Tuhan na kitabi. Sangkon bong ina bana-bana jama toon Tuhan, mastiꞌ pakale jaꞌ ningkitabi. Sugaꞌ kuwan sagannap ma saꞌ sukuꞌ Tuhan, yaꞌ sina doman pakale ningkitabi. Dari inaa na sina man tabi mindoga bong soy pinagbayaan meꞌ Rū Sutsiꞌ ma malahil kabanahan maka soy pinagbayaan meꞌ Ibilis ma magsian jama.