2 Korin 10:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

^1-2 Na baꞌ-bāꞌ kasohean nnaa, bahani jaꞌ ku bong njawom suwat man katāhan, sugaꞌ bong ni pag-awpan, tammon jaꞌ ku konoꞌ. Maka baꞌ-bāꞌ kasohean nnaa, ilooy du mehe ningkami meꞌ kami nganduwan napsu kami. Sugaꞌ aku tu, akig ku na doꞌ arat-tabiat Almasi meꞌ ku nganjunjung ningkaam. Sangkon magpadiyoꞌ na doꞌ ku maka hanunut-hanunut mitsalahan kaam. Junjung ku na ningkaam, ilagan bi man ku talpaksaꞌ mōꞌ bahani ku naggong sagannap ma māꞌ nganduwan jaꞌ kami napsu kami.

2 Korin 10:1 ပူးပေါင်းရင်းမြစ်များ

Matiyu 11:29

Lillaꞌ kam ka baguru jaꞌ kam niyaku, batan pangatayan ku itu diyoꞌ jaꞌ maka lammaꞌ du. Siga panohoan ku itu yaꞌ du awod inasip maka ma sinukuꞌ meꞌ ku ningkaam maggaan du. Boꞌ na, pag toklas na, nammu gi kam kasannangan njawom atay bi.”

Salsila siga Rasul 8:32

Na bitsala njawom kitab ma binatsa meꞌ manijel looy meꞌ tuu, yuk na, “Yaꞌ luu bay halling na oy maka oy na, subay ga ya bili-bili diyam-diyam jaꞌ tinondaꞌ lān na sinumbaliꞌ. Sibuꞌ du karuha na ka anak bili-bili yaꞌ hibuk-hibuk bong ginuntingan bū na.

Suwat si Pol pa mman Baanan Sukuꞌ si Isa ndooy ni Rom 10:20

Nabi Isaya pun, lay du bay nuwat njawom kitab pasal siga bangsa ma saꞌ Yahudi, ilooy ma yuk Tuhan, “Lay ku tatammu meꞌ jama ma yaꞌ bay miha aku. Maka san sila yaꞌ bay pakiyaka pasal aku, aku mismu bay magpakila ninsila.”

Suwat si Pol pa mman Baanan Sukuꞌ si Isa ndooy ni Rom 12:1

Sangkon siga danganakan, sabapan ehe aseꞌ Tuhan ningkitabi, junjung ku na ningkaam, suhuran bi na dī bi pa Tuhan. Ingatun bi na Tuhan dapu baran bi halloman bi llum. Labbahan bi na oy-oy arat-tabiat ma yaꞌ nulut ni kahandak Tuhan mari kam sutsiꞌ. Batan subay silay meꞌ looy meꞌ bi makitahan iya bana-bana kam ngisbat iya.

Suwat si Pol pa mman Baanan Sukuꞌ si Isa ndooy ni Rom 15:15

Sugaꞌ lay na pin siꞌ ku nawakka maintoman kaam njawom suwat tuu batan ndang inaa pabuwatan bay hinalap meꞌ Tuhan niyaku.

1 Korin 2:3

Aku ilay bay pilu masaplag, tud bay tabista ku du yaꞌ luu kawasa ku ni dī ku. Boꞌ agon mipig na ga ku ni kahanggaw ku, taggahaꞌ yaꞌ tapajatu ku pabuwatan ma bay hinalap meꞌ Tuhan niyaku.

1 Korin 4:10

Ni bandingan manusiyaꞌ ina, biddaꞌ na dupang kami sabap meꞌ kami amu-amu masaplag pasal Almasi. Boꞌ kaam baw ina, kanna bi halul-akka na kam ni hāl Almasi. Kami itu, ni bandingan jama, lammaꞌ kawasa kami. Boꞌ kaam baw tu, subay ga kam jama sukup kawasa. Kami itu pinag-udjuꞌ. Gam ina kaam, pinaehe gi.

1 Korin 4:21

Sangkon, kaam na mag-atas piki bong tagongan bi na arat bi atawa niyaꞌ. Doman kina kam pag takka ku pilu kasla bitsala ku nahawi kaam atawa pakitahan ta jaꞌ kam aseꞌ ka lammaꞌ pangatayan?

2 Korin 10:10

Batan baꞌ-bāꞌ bi kasohean nnaa, bong njawom suwat, bantuk bahani ku nahawi ka naggong, sugaꞌ bong ni pag-awpan, lammaꞌ gi ku konoꞌ man obak maka yaꞌ du meꞌ noy pintal ku mitsala.

2 Korin 10:7

Kaam ina kasohean, meꞌ bi manding jama, mindoga jaꞌ kam ni hāl ma takita bi ni poan, boꞌ niyat njawom atay, niyaꞌ san paruli bi. Baꞌ-bāꞌ kasohean nnaa, sila du bay binuwanan kapatut meꞌ Almasi binuwat sosohoan na. Sugaꞌ subay siꞌ tabista da, bong sila sosohoan Almasi, kami pun iyadu.

2 Korin 11:21

Bong bay aku meꞌ sila, tud iyaꞌ ku. Tud yaꞌ ku kasogsog buwat kaam meꞌ naa. Dari pagka ndang tigiꞌ du kam pakale ni jama nnaa ma bahani ngabbu, akig ku na doꞌ sila magdupang-dupang mitsala. Yaꞌ baw sina luu tapag-abbu meꞌ da ma yaꞌ tapag-abbu meꞌ ku.

2 Korin 11:30

Ni hāl magpabantug, yaꞌ du situ ku tanam, sugaꞌ bong talpaksaꞌ, gam na ku magpabantug ni hāl gaos ku yaꞌ luu.

2 Korin 12:5

Na siga pakaradjaan ma bay talingkaan lalla looy ilay siꞌ, pataꞌ binantug. Sugaꞌ pagka aku na lalla looy siꞌ, yaꞌ du ku doman magpabantug hāl meꞌ looy. Ituu du tu binantug meꞌ ku yana hāl yaꞌ luu kawasa ku ni dī ku.

2 Korin 3:12

Dari pagka biddaꞌ na ehe kaayaran taholat tabi njataꞌ pagsulutan bahau, yaꞌ na situ kami alang-kapalang masaplag.

2 Korin 5:20

Kitabi itu yana siga wakil Almasi. Sangkon bila kitabi mitsalahan jama, sibuꞌ du karuha tabi ka Tuhan mitsalahan sila. Halling tabi ninsila, “Junjung kami na ningkaam kalnaꞌ si Isa Almasi, tusun bi na lān man bi mahap na pa Tuhan.

2 Korin 6:1

Na meꞌ kitabi tu saliꞌ-saliꞌ limbang Tuhan ngaliyun manusiyaꞌ pa mman na, junjung kami na ningkaam, daa na pasensengan bi aseꞌ Tuhan ningkaam.

2 Korin 7:4

Tud kasulutan ku ningkaam sampay daran gi kam pinagbantug meꞌ ku. San yaꞌ taambat kabinsanaan njataꞌ kami, mehe meꞌ ku kagamgaman sabapan bi. Kaam ina poonan kagakan mehe niyaku.

Galatiya 4:13

Sibuwa ku bay pilu masaplag umanat mahap ningkaam, adak yaꞌ san bay taboo ku baran ku ni kalamma ku.

Galatiya 5:2

Indanan bi bitsala ku. Bong ina kam nohoꞌ inislam sabap kanna bi inaa man bi initung meꞌ Tuhan intong, malaingkan yaꞌ sina luu pūs Almasi ningkaam samasakali.

Epesus 3:1

Dari kalnaꞌ kaam siga bangsa saꞌ Yahudi, itu na ga ku lay tajīl sabap meꞌ ku bay masaplagan kaam kabanahan pasal si Isa Almasi.

Epesus 4:1

Na meꞌ aku itu disu sosohoan Papuꞌ njawom jīl sabap meꞌ ku masaplag, junjung ku na ningkaam, bogbogan bi kawul-piil ma tawop ni jama ma bay lliyun meꞌ Tuhan binuwat sukuꞌ na.

Pilipi 4:5

Maka subay lammaꞌ pangatayan bi ni jama sikamimon. Intomun bi, tapit na sina Papuꞌ.

Kolossa 1:23

basta kam tattap jaꞌ pitsayaꞌ ni umanat mahap pasal si Isa. Sangkon daa na kam kuhi pinagsian man kabanahan njawom umanat mahap ma bay takale bi. Maka daa kam jamu ngaholat Tuhan numan mimon janjiꞌ na njawom umanat mahap. Umanat mahap ina, liput na junyaꞌ man na pinasaplag. Na ni sagannap ma bay pineneꞌ masaplag, kuwan disu, yana aku na situ.

2 Tesaloneka 3:17

Ni katapusan suwat tuu, aku na situ, yana si Pol mismu, nuwat salam duwaa ku ningkaam ka tangan ku mismu. Ndang meꞌ tuu situ tabiat ku mupus mimon suwat ku.

Pilimun 1:19

Batnaa, aku na situ si Pol nuwat janjiꞌ ku ningkau ka tangan ku mismu. Oy-oy utang si Onesimas ningkau, aku sa mayad. Kamasaꞌ, bong siꞌ itu kita tud magbista, sa ehe-ehe utang si Onesimas ningkau, mas mehe gi buddi ku njataꞌ nu. Batan danan nu bay nammu kasampulnaan nyawa ma yaꞌ luu katapusan na sabapan man aku.

1 Pitel 2:11

Siga kakasi ku, junyaꞌ tuu itu saꞌ lahat tabi sabanna. Sampi jaꞌ kitabi ntuu. Sangkon junjung ku na ningkaam, daa na duwanun bi napsu maat ma pinaabak meꞌ jama ma nabiat mandang hāl junyaꞌ. Batan siga napsu meꞌ looy ilay, meꞌ karuha banta bi ma niksaꞌ nyawa bi.

Siga Pakaradjaan bay Pinalahil 1:9

Na ni kapasal aku itu ma nuwat, meꞌ halling sambat ku na siꞌ, aku itu si Yahiya, disu danganakan bi meꞌ kaam du tibuuk ka Papuꞌ Isa. Aku itu sibuꞌ du ka kaam bininsanaꞌ. Saliꞌ-saliꞌ du kitabi natasan laug ma tuwaꞌ ni sagannap ma tabeꞌ ni pamarinta Tuhan. Lay situ ku tasungkub sampay luu na ku bay binoo pitu tinahan ni nusa Patmos. Kon ku bay tasungkub sabap meꞌ ku bay masaplag palman Tuhan ka umanat pasal si Isa.