2 Korin 1:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Siga danganakan, tuntutan ta doꞌ kam pasal kabinsanaan ma bay talingkaan kami ndooy ni Asiya. Tud bay landuꞌ basag laug njataꞌ kami. Agon yaꞌ na tatatas kami sampay yaꞌ na san kami bay ngaholat ga llum gi kami.

2 Korin 1:8 ပူးပေါင်းရင်းမြစ်များ

Salsila siga Rasul 16:6

Pag-anu, lay na baw pilay ga si Pol pa Pirigiya ka Galatiya. Sibuwa adak sila pilay masaplag pa Asiya, sugaꞌ yaꞌ sila bay tinugutan meꞌ Rū Sutsiꞌ.

Salsila siga Rasul 19:41

Na pag lupus jaꞌ siꞌ jama looy ma buwat ni parinta mitsala, lay na sohoꞌ na moleꞌ baanan ga jama ndooy.

Salsila siga Rasul 2:9

Na ga jama looy siꞌ ma bay bahuklud pilay, luu na ga kasohean man Paltiya, kasohean man Midiya ka kasohean man Elam. Maka luu gi kasohean man Mesopotamiya ka Yahudiya, man Kapadosiya ka Puntus, maka kasohean man Asiya.

Suwat si Pol pa mman Baanan Sukuꞌ si Isa ndooy ni Rom 1:13

Siga danganakan, daa kam mista siga noy batnaa na bohoꞌ ku bay kapiki pilu pa mman bi. Min meka na ku situ bay maru pilu. Sugaꞌ ngabut sampay batnaa, yaꞌ gi ku bay tabawus batan luu na pin jinisan kasanggalang niyaku. Kainagon ku bong ku mintu takka pilu, luu gi nnaa jama taboo ku mmeꞌ ni si Isa meꞌ karuha ni kalahat-lahatan kasohean.

1 Korin 15:32

Ntuu tu ni Epesus, tandaꞌ ehe duga jama niyaku, subay ga sila baanan sattuwa tawun meꞌ da bay magkanaman aku. Na bong mattan yaꞌ du luu masa jama pinakallum pabalik, oy tud ku amu-amu masaplag? Gam na tagongan ku, boꞌ ku mmeꞌ ni sagannap ma magsambatan, “Tu kam. Nginum-mangan jaꞌ kitabi maglami-lami, taggahaꞌ matoy na kitabi sumawung.”

1 Korin 16:9

batan luu na lawang mehe man ku masaplag ntuu. San meka ntuu naggaꞌ aku, meka du baw doman pakale ni umanat ku sampay pitsayaꞌ.

1 Korin 4:8

Uy la, kaam tu, subay ga bitu yaꞌ na luu kulang bi. Subay ga kam sultan langkap-samat na ni jawom pamarinta Tuhan. Boꞌ kami tu, siga rasul si Isa, saula-ula yaꞌ luu pangabut-ngabut kami ningkaam. Kamasaꞌ bong siꞌ ilay bay mattan lay na kam dari pa-mmean ni pamarinta Tuhan, ilooy na karomanan ku mari luu na limbang kami.

2 Korin 1:9

Kanna kami ndooy na bay katobtoban umu kami. Sugaꞌ ilooy na man kami bay mamintang subay Tuhan jaꞌ asahan kami, saꞌ na dī kami. Batan iya Tuhan Sangat Kawasa ma tukang makallum jama matoy.

2 Korin 6:9

Meꞌ kasohean buwat kami, subay ga jama yaꞌ takila. Mingkan, kinatoonan kami meꞌ sikamimon. Daran gi kami nontongan kapatoy. Kahapan masi gi du baw kami llum. Damikiyan, daran kami binonoꞌ. Kahapan yaꞌ gi du baw kami bay matoy.